Romapaun II.
II.
1Dephya wa rere saqika snyad tangkhan! Khyeranga chang tamlan medi Ghiazerbana khyeres eunika jaqskhan snyati rshmangpos base rangika snyad tan-ged. Chiazerbana khyeres snyad in zes han dyao khorang khyeres bed. 2Amma ngachâ ḏinda lasba-khanuni shaḵẖspo Ashipi ngosla mantaḵẖs nazomse chhet zere shesed. 3Ni, wa mi! Khyerang dyatsoḵẖs lasbakhanunika snyad tangkhan yang rangis dya laspo bakhan, Ashipi shaḵẖsiangna butuk sameda ? 4Hana khyeres khuri shazdê seraun nang skyonzodpo nang thyaqlukspo Ashipi shazdeos khyerang gyodluksi ngosla phuled zere machhudpana changmen sheseda ? 5Amma khyerang rangi rshanṯe nang migyodkhan snyingpo na zomse Ashipi Khadrangi shaḵẖspo ngoncha yodkhan de sprolangsi jaqi phya rangi mingna sprolangs spun-gen yod. 6Khos garere saqa rangi lasuni thiksna zde tangnuk. 7Rgyala lasiang gomba rshtanchukse dukse chhe-zbrelpo nang shiringilukspo nang mirul-chiluks tsalen yodkhanunla rshtane lushi sonluks (saluk). 8Amma khrul ltsargkhanpo yang mantaḵẖspoa gongrgyal bakhan khadrang medchawa in zerkhanla spro-langs nang thukrshro (phoqtuk). 9Yang naqspar nang doqspar ga lasrtsoq phingkhan saqi mî stroqika nyiska snanla Yudayapauni dekana Hellenpaunika yong-nuk. 10Amma chhezbrel nang shiringiluks nang zomluks ga rgyala lasbakhanpoa nyiska, snanla Yudayapâ dekana Hellenpâ (thobtuk). 11Ghiazerbana Ashipi der suiang rdongltas chhamed. 12Diphya gasus Khakhrims mathoba nyespa basedna khong khakhrims modpa jikchâng chhok, yang tsamtsegis khakhrimsiang dukse nyespa basna Khakhrimspo nazomse shaḵẖspo chhok. 13Chiazerbana khakhrimsla rshna bakhanun Ashipi der khadrang zerkhan chhamed dobasang khakhrimsika drul-khanun khadrang chhok. 14Chiazerbana khakhrims medkhan janmi mithsirunis rangi koqluksun nazomse khakhrimsi lasun bedna khongun khakhrims jaqpa meden rangi phya rangi khakhrims in. 15Khongis khakhrimsi tamun rangi snyingika zbrise yodchao staned yang khongi bari sambaunis hana khongika snyad tanged hana khong phute tanged. 16(Dilasun) jaqshik Ashipas ngi phrinzangpo na-zomse Yeshu Masihis base miuni sangsbasi tamuni shaḵẖs pheok.
17Amma taqdir khyerang Yudayapa taḵẖse in na yang khakhrimsi lzadrul bana, yang Ashipika ngarbana, 18yang ranlukspo shesna yang khakhrimsi shespo thob-se, rgyala speraun tangma thate yodna, 19yodpana khyeranga ngâ jarbauni lamstankhan yang ṯhubiang phoqse yodkhanuni phya od in zere rdyang yodna, 20yang misheskhanunla duklangs ltsabkhan yang ldadkhyorun strungkhan shespoe zosta yodkhan yang mantaḵẖsi khakhrimsiangnuk shes yodkhan in na, 21ni khye-rang, yang chiga ltsabkhan, khyeres ranga ltsabameda ? Khyeres rshku marshku zere kzstabkhan khyerang rangis rshkuida ? 22Khyeres loli mabos zere zer-khan khyerang rangis loli chia bed ? Khyeranga sku-un rtsoqpo sheskhan khye-rang rangis lchorkhangun hetia khyereda ? 23Khyeres khakhrimsika ngarba-khan khakhrimspo chaqse Ashipâ khrelchugeda ? 24Chiazerbana khyentes base janmi mithsiruniang Ashipi mingpoa menkhan lamstor zered, zbrise yedkhanpo na zomse. 25Khyeres khakhrimsi lzadrul basna khridkhor rshtubcha phankye na yod; amma taqdir khyerang khakhrimspo chaqskhan in na khyeri khridkhori rshtub-chao khridkhor marshtubchao (natsoḵẖs) song. 26Dekana taqdir khridkhor rshtubmarshtubskhanpos kha khrimsi skalskhan lzadrul basna, khoe rshtubsmarsh-tubskhanilukspo khritkhor rshtubchao natsoḵẖs rtsicha michna-a ? 27Yang detsugi khridkhor marshtubskhanpo khakhrimspo gangchuksna khyerang zbriskhanpo nang khritkhor rshtubchao na nyamshan, khakhrims chaqkhanika shaḵẖs miphea ? 28Chiazerbana phyisti ngonkhanpo Yudayapa men yang phyisti ngonkhanpo khrid-khor rshtubchao men. 29Dobasang sangse yodkhanpo Yudayapa in; yang zbriskhan mehkhan semsi inkhan snyingi khridkhor rshtubchao in; dindi stodkhao miuni ngosla chhamed dobasang Ashipi (ngoslana) chhed.
Currently Selected:
Romapaun II.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève