Romapaun XI.
XI.
1Dekana ngas sered : Ashipas rangi sharbao phingse tangsa ? Dyu masongshik! Chiazerbana nga-a-ang Israelpa in, Abrahami thsir yang Benjami-niangna inkhan 2Ashipas ranga snanla rshtaḵẖspa songkhan rangi sharbao phingse matangs; Elya-i rshmangeang zbriskhanpos chi zerod zere khyentanga rshtaḵẖspa meda ? Khos Ashipa-a Israeli luksiang gatsuk rtsoted dyu zeren : 3Kasa Ashipa khongis yeri khyenluks bakhanun sats, yang yeri skal "tangmi malsaun rshkose phangs; yang nga ngarang tsa luse yod; yang khongis ngi stroqpo thsaled. 4Dobasang Ashipiluksi tamlan khoa chi moled ? "Baali dunla phuksmo marshtenskhan, mi stong rdun ngas ngari phya strungse jaqse yod." 5Dekana dya tsoḵẖspo daresi thoeka-ang shazdeka rdamspao nazomse luskhan khachik yodsuk. 6Amma taqdir shazdeka rdama songkhan in na lasu-nika men, medna shazdeo shazdek michhapa [taqdir lasunika in na, dyu chang shazdek minduk, medna laspo chang lashik minduk.]
7Dekana chi ? Israelis gangpo tsaled ? Dyu tsalskhanpo khoa ma thop, am-ma phespa songkhanunla thop, yang eun rshanṯe song. 8Zbrise yodkhanpo na-zomse "Ashipas khonga diringi jaq thsaqpa galagolo koqluks tangs, yang thongcha minyankhan migun, nang migokhan rshnaun tangs." 9Yang Dawidis moled : "Khonti choqtse khonti phya khrishik yang snyuik yang ḵẖate rgyabchashik yang khonga zdek songshik! 10Khonti migun mithongchi mingna thup song-shik, yang yeres khonti shul-un rshtane zguchukse jaqpa zatang!
11Dekana ngas zered : Khonga gyede chhachi rdoasna phoqa ? Dyu masong-shik! Dobasang khonga sems bachukpa khonti phoqchaos base janmi mithsirunla khomluks thop. 12Ni, taqdir khonti phoqchao miyuli phyukpoeluks in na yang khonti khyaqkhyoqpo janmi mithsiruni phyukpoeluks in na, ni khonti gang-rgyelukspo tsamtsek mangmo chhok ? 13Chiazerbana ngas khyentang janmi mithsirunla spera tanged ; nga janmi mithsiruni phrin khyedchukhhan inmana ngas ngari jabsthoqpoa chhezbrel chhachuged. 14Chiazerbana mana gatsuk base ngari rgoe zosta yodkhanunla sems bakhan chhachukse khongiangna Khachi-ga khomluks thobchuktuk. 15Chiazerbana khonti bingse-phanchao miyuli chhamzgral songmana khong yong zere khyong-chao, shiskhanuniangna sone langs-pao mene gatsuk chhok.
16Taqdir baqzani snani menzeo rtsangma songna, ni skraqkhan baqphe saqang rtsangma in; yang taqdir pataqpo rtsangma yotna yaldaqunang dya tsokhspoin. 17Amma taqdir yaldaq khachik chatsna yang khyerang thangi sarsing dukse douni malseang byarna, yang sarsingi thangchnuchan nang paṯaquniang dresna, 18Khyeres de yaldaqun na zdure ngar mabos, yang taqdir khyeres ngar basna, khyerang pataqpo men dobasang pataqpos khyerang khured. 19Dekana yaldaqun ngas ngarang jukse byarbi phya chatsed zere khyeres zeruk. 20Kasa, khong-un na chhesluks : medpaos base chads, yang khyerang chhesluksiphya rshtane yod ni thos mathos dobasang jiks! 21Chiazerbana taqdir Ashipas mana snanlana zomse yodkhan yaldaqun phute matangmana, khyerang, khyerang phute mitangma-a (jiks). 22Dekana Ashipi shazdeo, yang taqtaqi lukspoa ltos, taqtaqi lukspo phoqkhanunika (lused), amma, taqdir khyerang Ashipi shazdeka rshtane duksna shazde-e lukspo khyerika (lused), medna khyerangang chate phang-cha in. 23Ni, khongang taqdir chhesluks medkhan malusna, nanggospeang byarcha chhok, chiazerbana Ashipa-a khong nanggospeang zbyarchi khyud yod. 24Chiazerbana taqdir khyerang mana thangi sarsingi staqjîkana chads-pinna yang ldanskhani loqparla rgyala sarsingiang byare yodpana mana ldans-khan na zomse inmana rangi sarsingiang tsamtsek mangmo byarcha chhok. 25Ghiazerbana, kasa phonoun! Khyentes khyentang shangshan misambi phya Israeli yo chikchik rshanṯe songsed yang janmi thsirun noro base gang-gang thsaqpa do dya tsoḵẖs lusuk zere khyentanga di sangsbaspo rshtaḵẖspa machha dukpawa nga thadpa med. 26Yang di zosteang Israelpaun saqa khomluks thobtuk, zbriso yodkhanpo nazomse : "Phute tangkhan Siyoniang na bingnuk yang khos Rshhamcho medpilukspo Yaqubiangna phar bok. 27Yang khonguni nyespaun ngas thaqring basena dyu hongun na nyambo ngi chhadpo chhok." 28Chhadkhika phrinzangpoa ltasena khong khyenti phya mirgakhan na in, amma phespa songkhani lukspoa ltase mezpoe phya rinchan na in. 29Chiazerbana Ashipi shazdeun nang yong zere khyongchao gyodkhan men. 30Chiazerbana khyentang snanla Ashipi tamnyan mibakhan yodpana tsoḵẖspo amma dare khonti gongrgyali lukspoe phya khyontika skyonzod songmana, 31Pyana tsoḵẖspo khyenti skyonzotpos baso khongunla-ang skyonzod ckhok zere khon-tangang dare gongrgyal songsuk. 32Chiasorbana saqika skyonzod chhachi mingna Ashipas jung gongrgyali luksiang zgaqs. 33Hayi, Ashipi phyukpoe-lukspo, nyiska, shangslukspo nang sheslukspo, chi qombuik duk! Khoe shakhs-un tsamtsek tsale mithobchok yang khoe lamun tsamtsek rshtaḵẖspa medpek yod. 34Chiazerbana Ashipi hagochaspo sua shes ? Hana khoe jalta tang-khanpo su song ? 35Hana zde thobchi dyandek snanla sus khoa tangsod ? 36Chiazerbana khuri ngosla yang khores base yang khuri phya chiun saq in; chhezbrelpo mana rshtane khoa chhenlushik! Amen!
Currently Selected:
Romapaun XI.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève