Markosi Phrinzangpo XV.
XV.
1Yang sharkha beachikna gowa kohenunis chhimiun nang chhos zbrikhanun nang chhopo shakhsi khori miun nadrese grabs basena Yeshu chingchukse, khyere, Pilatosi laqa tangs. 2Ni, Pilatosis Khoa triso bas : Khyerang Yudayapauni rgyalpo ina ? Yang Khos tamlaniang khoa mols : Yeres moled. 3Yang gowa kohenunis thsathsa base khoska tam mangmoe snyad tangen duks. 4Ni, Pilatosis Khoa yang triso base zes : Khyeres chang tamlan chik tangma meda ? Ltosang, dyuunis khyerika tsamtsek snyadchik tangmi rshpangpo bed. 5Amma Yeshus dobasang mangmo mana chang tamlanchik masals dephya Pilatos mangmo rgyal. 6Darang khoe rgamoe Jaqa khongunis rtsodskhan kaqse yodkhan chikchik phude tangedpin. 7Ni, khrul langstsana mi sadkhan Barabbas serkhan yang khrul ltsangskhan khuri phropaun nadrese kaqse yodkhanchik yodpin. 8Yang gyenla bingse mibongspo khuri rshtanea yodkhan khrimspo nazomse khonguni phya ba zad zere kucho mangmoeka Jua ryaḵẖs. 9Amma Pilatosis tamlaniang khongunla zes : Nga khyenti phya Yudayapauni rgyalpo phude tangma-la khyentang thaduga ? 10Chiazerbana gowa kohenunis thsikse Kho khoe laqa tangse zere khoa rshtaḵẖspa yodpin. 11Amma gowa kohenunis khos khonguni phya Barabbas phude tangcha rgyal zerba miun la tam styaḵẖs. 12Ni, Pilatosis tamlaniang khongunla zes : Dekana, khyentes Yudayapauni rgyalpo inzorkhanpo na ngas chi ba ? 13Amma, khongunis yang kustabse zes : Kho kaṯo shinga spyor! 14Ni, Pilatos khongunla zes : Chia ? Khos chi rtsoqpoek baspin ? Amma khongunis yangang theba kucho mangmo base zes : Kho kaṯo shinga spyor! 15Ni, Pilatosis mibongspoa thadchukcha yodkhanpo ba ranmana khonguni phya Barabbas phude tangs. Yang Yeshu kaṯo shingika spyarcha rshtalchaqs tangchuksena khonguni laqa tangs.
16Ni, rshmaqmiunis Kho Pretorion zerkhan de anggonpeangnuk khyers, yang rshmaqpo gangma-a yong zere tangs. 17Yang khongunis marpo goncha khoa skons, yang thsermi thodchik hlase Khoe goeka Jaqs. 18Yang khongunis khoa Ju ba ryaḵẖs. Wa, Yudayapauni rgyalpo thseringshik! 19Yang khongis khoe goeka dambu na rdungs, yang Khoeka thu tangs, yang phuksmo tsukse khoa zguen Ju ben duks. 20Ni, Khoa jargad ba thsarbana, Khoekana marpo gonchao phudsuk yang rangi gonchasun Khoeka skons. Yang Kho kaṯo shinga spyarcha phyista-a khyers. 21Yang Aleksandros nang Ruphosi ata Kurenyospa Simon Jingikana yongen yodtsana des yongse khongunis Kho kaṯo shingpo khurchukpa zuns.
22Yang khongis Kho Golgotha-a chizesna gophodi malsika khyongs. 23Yang khongis ḵẖanṯe streskhan rgunchhang Khoa thungma tangs, amma Khos do malens. 24Yang khongunis Kho kaṯo shingika spyarena Khoe gonchaunla shingbu tangse rang sosoa yongskhanpo zgose khyered. 25Ni, dusthsod sum songmin yang khongunis Kho kaṯo shingika spyars. 26Yang Khoe snyad taqspi tamthsirpo zbriuk : Yudayapauni rgyalpo. 27Yang khongis kho na nyambo chaqpa nyis, chikchikpo Khoe trangngosla chikchikpo Khoe yonngosla kaṯo shing chigika spyared. 28Yang Kho lasnganbakhanuniang rtsicha chhok zerchi de zbriskhanpo ḏanḏa thsangsuk. 29Yang des drulkhanunis khonguni go skulen Khoeka ukhan tangen yang dyu zeren. Yaya Rtsangma Malsao shikkhan yang Jaq sumi ang rchokhan! 30Rang phude tongang, yang kaṯo shingikana bobsang! 31Ni, dyatsoḵẖsla gowa kohenuniang chhos zbrikhanun nadrese khontang susua jargad ben zes : Khos eun phude na tangs, amma rang phude tangma makhyud. 32Khristospo, Israelpi rgyalpo! Dare ngacha-a thongse, Khooka chhesluks be phya kaṯo shingpekana babshugang! Yang Kho nanyambo kaṯo shing-ika spyarskhanunis Khoeka ukhan tangspin. 33Yang, dusthsod truk (nyima tro) chhatsana yulpo Jungeang dusthsod rgu (phyithoq) thsaqpa thub song. 34Yang dusthsod rguika Yeshus thonmo skadika kustabse mols : Eloi, Eloi, Lamma Sabaḵẖthani ? Chizesna, rshkangpo shadena : Kasa ngi Ashipa, kasa ngi Ashipa, yeres nga chia phangsuk ? 35Yang shitia yodkhanuniangna khachigis dyu gosena zes : Ltosang Khos Elyasla kustabed. 36Ni, chikchik rgyukse songse chhu rshtenchik skyurmo rgunchhangeang zbangse yang dambuika Jaqse dyu zeren Khoa thungma tangs : Misto, Kho phude tangma Elyas yongeda meda ngantes ltok.
37Ni, Yeshu thonmo skadika kri basena stroq tangs. 38Yang Rtsangma Malsi yolab gyen na yoq thsaqpa chhade po nyis song. 39Ni, nyemor Khoe thannya-a langse yodkhan rgyarshpon Kho ditsuga kri base nongspa thongse zes : Mantsḵẖsika dya miyu Ashipi Rshras insuk. 40Ni, ane katoang thaqrings na lten yodpin, khongiang Magdalapa Maryam nang Chhaqtsepa Yaqobos nang Yosesi amao Maryam nang Salome yodpin. 41Khongang Yeshu Galilayeang yodtsana Khoe lza-a yongskhan yang Khoa jabshi baskhan inmin, yang Yerushalemiang Kho nanyambo yongskhan mangmo-ang yodpin.
42Yang rgongs ranmana dalmo be Jaq basang snanla yongkhan chhetaqi Jaqpo inmi phya. 43Arimathayapi yuli mi khadrang inkhan shaḵẖs phekhan rang Ashipi rgyastridpoa dadkhan Yoseph yongs ; snying khyud nadrese Pilatosi shitia songse Yeshui spurpo rtsods. 44Ni, Yeshu dyatsek gyoqse nongsa ma nongsa Pilatos rgyals, yang rangi shitia rgyarshponpo yong zore khyongse khoa Kho nongsa ma nongsa zere triso bas. 45Yang rgya rshponikana rshtaḵẖspa songsena stroqmedkhan rgo Yosepha tangna thsad zere tangs. 46Yang sbramo rashik nyose yang Kho phabso, khos de raspe-ang tums. Yang braq bruse rchoskhan durkhang chikchigiang Kho Jaqs, yang do durkhangpc zgooka hyamangs chikchik zdrile kals. 47Ni Kho gar Jaqse yodpao Magdalapa Maryam nang Yosespi Maryama thongsuk.
Currently Selected:
Markosi Phrinzangpo XV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève