Lukasi Phrinzangpo XXIV.
XXIV.
1Ni jaq rduni snani jaqa mana motuk odjukspana de trijimchan chhetaq baskhanun khure durkhangika yongs. [Yang khong nanyambo yang khachik yodpinsuk.] 2Ni rdoao durkhangikana zdrile thong. 3Yang nanggospeang jukspana Ashipa Yeshui stroq medkhan rgo mathop. 4Yang khong diu (thongse) rgyalen yodtsana ḏinḏek song : Ltosang karpo zbrelchan goncha goskhan mingga nyis khongi der yongse langs. 5Ni, de bomoun jiksena rangi goun serolla zgutsana khongis khonga zes : Sonkhanpo shimiuniang chia tsaled ? 6Kho dir med, dobasang sone jangsed. Galilayasiang yodtsana khos khyentanga molskhan tamun itu bashigang ? 7Mi-i Rshraspo nyospachan miuni laqa rshtadchao yang kaṯo shingika phingchao yang jaqsumi jaqa sone langshao thsathsa in zere khos molen yodpin. 8Yang khoo tamun khonga itu yongs. 9Yang durkhangikana loqsena khongis de chukshikpo nang eun junga diun jung shads. 10Ni, phrinkhyedchukkhanunla diun zerkhanun Magdalenpa Mariam nang Yoana nang Yakobosi ama Mariam nang khong nanyambo yodkhan e aneun inmin. 11Yang khonga di speraun zgrum natsoḵẖs thsor, yang khong khongika mardyang. 12Ni, Petros kuaq langse durkhang thsaqpa rgyukse song. Yang zguse ltana seka yodkhan rasun tsa thonged. Yang di songkhanpoeka rgyalen rangi khangmâ song.
13Yang ltosang, de jaq khoranga douniangna mihgga hyis Yerusalomna lamthaqspo stadia trukchu (mil rdun tsek) yodkhan de Emmaius zerkhan gronga chhen yodpin. 14Yang khontang chikchigis di songskhan jungi rshmangeang spera tangedpin. 15Yang khongis spera tangen, tritri ben yodtsana ḏinḏek song : Yeshu khorang nyemoa skyode khong nanyambo skyods. 16Amma, kho ngozin michhe phya khongi migun mithongkhan chhachukse yodpin. 17Ni, khos khonga mols : khyentes drulen drulen tangkhan di speraun chi insuk ? Yang khong ḵẖolṯochan songse ḏang langs. 18Ni, minga Kleopas zerkhanpos tamlaniang khoa jus : Yerusalemiang di jaquniang songkhanun rshtaḵẖspa medkhan besapao yerang tsa ina ? 19Yang khos khonga mols : Chi ? khongis khoa jus : Ashipa nang sharba jungi der las nang speriang khyud yodkhan khyoqa khyenkhan Naza-retpa Yeshui rshmangpeangnuk! 20Yang gowa kohenun nang ngachi rgyalchosbakhanunis kho sadpi phya zunchuks, yang kho kaṯo shingika phings. 21Amma, khos Israel rshaqrshid bok zere ngachâ rdyangma yodpin, amma diun menma ḏinḏek songse diringna jaqma sum song. 22Amma, dare ngachiangna ane khachigisang ngacha rgyalchuks; khong sngamoa durkhangika songsena 23yang khoe stroq medkhan rgo mathobana kho sone yodkhan in zere Ashipi skopa katoa miklama thongsed zere khongis zeren yodpin. 24Yang ngachi phro pauniangna khachik durkhangika song yang aneunis zespao natsoḵẖspoang thong, amma, kho khorang mathong. 25Yang khos khonga mols : Wa spodshorun nang khyenkhanuni speraun junga in zerchiang chnesluks jaqpa milankhanunl 26Masiha di naḵẖspo thongse rangi chhezbreliang jukshao thsathsa mcnmina ? 27Ni, Moshêkana tangspao khyenkhan jungikana zbriskhanun saqeang khos khuri luksiang zbrise yodkhanun jung khonga hagochuks. 28Di thsaqthsaqa khong khontanga chhacha yodkhan de grongpo na nyemoa hlep, yang khonga kho do nang eltek chnasnyi yodpao thong. 29Yang khongis khoa diu zere galchan bas : Ngacha nanyambo juksang, chiazerbana phitoq chha chhetaq songsed yang dare nyimao mana rgased. Yang kho khong na nyambo dukpa nanggoltek skyods. 30Yang kho khong na nyambo sangma donma jukspana ḏinḏek song : Khos donkirpo rshnamsena Ashipa-a ju ba zads yang chaqsena khonga sals. 31Ni khongi migun be yang khonga kho ngozin song. Yang kho khongi miklama stor. 32Yang khongis khontang chikchiga diu zes : Kho lama ngantang na spera tangtsana yang ngantanga zbrise yodkhanuni sangsbaspo ngonchuktsana nganti snyinguniang rgamo masongmina ? 33Yang khong denatsuga kuaq langse Yerusalema loqse song; yang de chukshikpo nang khongi phropaun nyambo diu zeren malshiga duse thong. 34Ashipa man taḵẖsna sone langsed yang Simonla thongsed. 35Yang khongis lami speraun tangs yang khongis kho ṯaki chaqtsana gatsuga ngozin song zereang zes.
36Ni, khongis di speraun tangen yodtsana Yeshu khorang khongi rshkilla skyode langs yang khonga mols : Khyentanga skide dukshik. 37Amma, khong droqse yang jiksena-semshik thonged sams. 38Khos khonga mols : Khyentang chia droqsed ? Yang khyenti snyingiang thethom chia chhed ? 39Nga ngarang insuga zere ngi laqpaun nang ngi kangmaunla ltashik, ngâ nyukse ltashik chiazerbana ngiang thongmana tsoḵẖs semsla sha nang ruspa dukpa med. 40Yang diu molena khos khonga rangi laqpaun nang kangmaun stanma zads. 41Amma, khong rgamo mangmo songse mardyangma rgyalen yodpin; khos khonga mols : Dir khyentanga zacha chang yoda ? 42Ni, khongis khoa thsoskhan nye rdzashik nang zbrangrtsi tangs. 43Yang rshnamsena khos khongi dunla dons. 44Moshê Thoratiang nang khyenkhaniang nang Stodkhauniangnuk ngi luksiang zbrise yodkhan gangrgya chha thsathsa yodkhanun ngas khyentang nanyambo yodtsana zerkhan speraun in. 45Ni, khos khonga rtsangma Shoqbui ha goo phya khongi shangspo phes. 46Yang khonga mols : Masiha naḵẖs thongnuk yang jaqma sumi jaqa shimiuniangna sone langsuk zere zbrise yod. 47Yang Yerusalemikana tangspao mithsir jungiang gyodluks nang nyespauni skyonzod khoe mingika ha gochukpa rgosuk. 48Ni, khyentang diuni rshpangpo in. 49Yang ltosang ngas ngari Ati chhadchhamdo khyentika babshuktuk; amma, khyentang khyentanga gyenna khyudi gonchao thobthop thsaqpa rgyalsiang dukshik! 50Ni, khos khong phyistâ Bethanye thsaqpa khyes; yang rangi laqpaun thyaqsena khonga shazde sals. 51Yang khos khonga shazde salen yodtsana ḏinḏek song : Kho khongikana bar phes yang rshnamiang thyaqse khyos. 52Yang khongis khoa rchorena mangmo thade Yerusaloma loqse song. 53Yang rshtane Rtsangma malsiang songse Ashipa-a ju ben yang stodkha zeren dugedpin [AMEN]
[LUKASIS SHADSKHAN PHRINZANGUN]
Currently Selected:
Lukasi Phrinzangpo XXIV.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève
Lukasi Phrinzangpo XXIV.
XXIV.
1Ni jaq rduni snani jaqa mana motuk odjukspana de trijimchan chhetaq baskhanun khure durkhangika yongs. [Yang khong nanyambo yang khachik yodpinsuk.] 2Ni rdoao durkhangikana zdrile thong. 3Yang nanggospeang jukspana Ashipa Yeshui stroq medkhan rgo mathop. 4Yang khong diu (thongse) rgyalen yodtsana ḏinḏek song : Ltosang karpo zbrelchan goncha goskhan mingga nyis khongi der yongse langs. 5Ni, de bomoun jiksena rangi goun serolla zgutsana khongis khonga zes : Sonkhanpo shimiuniang chia tsaled ? 6Kho dir med, dobasang sone jangsed. Galilayasiang yodtsana khos khyentanga molskhan tamun itu bashigang ? 7Mi-i Rshraspo nyospachan miuni laqa rshtadchao yang kaṯo shingika phingchao yang jaqsumi jaqa sone langshao thsathsa in zere khos molen yodpin. 8Yang khoo tamun khonga itu yongs. 9Yang durkhangikana loqsena khongis de chukshikpo nang eun junga diun jung shads. 10Ni, phrinkhyedchukkhanunla diun zerkhanun Magdalenpa Mariam nang Yoana nang Yakobosi ama Mariam nang khong nanyambo yodkhan e aneun inmin. 11Yang khonga di speraun zgrum natsoḵẖs thsor, yang khong khongika mardyang. 12Ni, Petros kuaq langse durkhang thsaqpa rgyukse song. Yang zguse ltana seka yodkhan rasun tsa thonged. Yang di songkhanpoeka rgyalen rangi khangmâ song.
13Yang ltosang, de jaq khoranga douniangna mihgga hyis Yerusalomna lamthaqspo stadia trukchu (mil rdun tsek) yodkhan de Emmaius zerkhan gronga chhen yodpin. 14Yang khontang chikchigis di songskhan jungi rshmangeang spera tangedpin. 15Yang khongis spera tangen, tritri ben yodtsana ḏinḏek song : Yeshu khorang nyemoa skyode khong nanyambo skyods. 16Amma, kho ngozin michhe phya khongi migun mithongkhan chhachukse yodpin. 17Ni, khos khonga mols : khyentes drulen drulen tangkhan di speraun chi insuk ? Yang khong ḵẖolṯochan songse ḏang langs. 18Ni, minga Kleopas zerkhanpos tamlaniang khoa jus : Yerusalemiang di jaquniang songkhanun rshtaḵẖspa medkhan besapao yerang tsa ina ? 19Yang khos khonga mols : Chi ? khongis khoa jus : Ashipa nang sharba jungi der las nang speriang khyud yodkhan khyoqa khyenkhan Naza-retpa Yeshui rshmangpeangnuk! 20Yang gowa kohenun nang ngachi rgyalchosbakhanunis kho sadpi phya zunchuks, yang kho kaṯo shingika phings. 21Amma, khos Israel rshaqrshid bok zere ngachâ rdyangma yodpin, amma diun menma ḏinḏek songse diringna jaqma sum song. 22Amma, dare ngachiangna ane khachigisang ngacha rgyalchuks; khong sngamoa durkhangika songsena 23yang khoe stroq medkhan rgo mathobana kho sone yodkhan in zere Ashipi skopa katoa miklama thongsed zere khongis zeren yodpin. 24Yang ngachi phro pauniangna khachik durkhangika song yang aneunis zespao natsoḵẖspoang thong, amma, kho khorang mathong. 25Yang khos khonga mols : Wa spodshorun nang khyenkhanuni speraun junga in zerchiang chnesluks jaqpa milankhanunl 26Masiha di naḵẖspo thongse rangi chhezbreliang jukshao thsathsa mcnmina ? 27Ni, Moshêkana tangspao khyenkhan jungikana zbriskhanun saqeang khos khuri luksiang zbrise yodkhanun jung khonga hagochuks. 28Di thsaqthsaqa khong khontanga chhacha yodkhan de grongpo na nyemoa hlep, yang khonga kho do nang eltek chnasnyi yodpao thong. 29Yang khongis khoa diu zere galchan bas : Ngacha nanyambo juksang, chiazerbana phitoq chha chhetaq songsed yang dare nyimao mana rgased. Yang kho khong na nyambo dukpa nanggoltek skyods. 30Yang kho khong na nyambo sangma donma jukspana ḏinḏek song : Khos donkirpo rshnamsena Ashipa-a ju ba zads yang chaqsena khonga sals. 31Ni khongi migun be yang khonga kho ngozin song. Yang kho khongi miklama stor. 32Yang khongis khontang chikchiga diu zes : Kho lama ngantang na spera tangtsana yang ngantanga zbrise yodkhanuni sangsbaspo ngonchuktsana nganti snyinguniang rgamo masongmina ? 33Yang khong denatsuga kuaq langse Yerusalema loqse song; yang de chukshikpo nang khongi phropaun nyambo diu zeren malshiga duse thong. 34Ashipa man taḵẖsna sone langsed yang Simonla thongsed. 35Yang khongis lami speraun tangs yang khongis kho ṯaki chaqtsana gatsuga ngozin song zereang zes.
36Ni, khongis di speraun tangen yodtsana Yeshu khorang khongi rshkilla skyode langs yang khonga mols : Khyentanga skide dukshik. 37Amma, khong droqse yang jiksena-semshik thonged sams. 38Khos khonga mols : Khyentang chia droqsed ? Yang khyenti snyingiang thethom chia chhed ? 39Nga ngarang insuga zere ngi laqpaun nang ngi kangmaunla ltashik, ngâ nyukse ltashik chiazerbana ngiang thongmana tsoḵẖs semsla sha nang ruspa dukpa med. 40Yang diu molena khos khonga rangi laqpaun nang kangmaun stanma zads. 41Amma, khong rgamo mangmo songse mardyangma rgyalen yodpin; khos khonga mols : Dir khyentanga zacha chang yoda ? 42Ni, khongis khoa thsoskhan nye rdzashik nang zbrangrtsi tangs. 43Yang rshnamsena khos khongi dunla dons. 44Moshê Thoratiang nang khyenkhaniang nang Stodkhauniangnuk ngi luksiang zbrise yodkhan gangrgya chha thsathsa yodkhanun ngas khyentang nanyambo yodtsana zerkhan speraun in. 45Ni, khos khonga rtsangma Shoqbui ha goo phya khongi shangspo phes. 46Yang khonga mols : Masiha naḵẖs thongnuk yang jaqma sumi jaqa shimiuniangna sone langsuk zere zbrise yod. 47Yang Yerusalemikana tangspao mithsir jungiang gyodluks nang nyespauni skyonzod khoe mingika ha gochukpa rgosuk. 48Ni, khyentang diuni rshpangpo in. 49Yang ltosang ngas ngari Ati chhadchhamdo khyentika babshuktuk; amma, khyentang khyentanga gyenna khyudi gonchao thobthop thsaqpa rgyalsiang dukshik! 50Ni, khos khong phyistâ Bethanye thsaqpa khyes; yang rangi laqpaun thyaqsena khonga shazde sals. 51Yang khos khonga shazde salen yodtsana ḏinḏek song : Kho khongikana bar phes yang rshnamiang thyaqse khyos. 52Yang khongis khoa rchorena mangmo thade Yerusaloma loqse song. 53Yang rshtane Rtsangma malsiang songse Ashipa-a ju ben yang stodkha zeren dugedpin [AMEN]
[LUKASIS SHADSKHAN PHRINZANGUN]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Société Biblique de Genève