YouVersion Logo
Search Icon

Yoannesi Phrinzangpo I.

I.
1Mana chi sna Molspao yodpinsuk, yang Molspao Ashipa nanyambo yodpinsuk; yang molspao Ashipa inminsuk. 2Khorang mana chi snâ Ashipa nanyambo yodpinsuk. 3Chiun jung Khos base ldans; yang ldanskhanuniangna khos base mene chikchigang maldans. 4Khoeang sonluks yodpinskh, yang Sonlukspo miuni od inminsuk. 5Yang odpo ṯhubiang bared; yang thubpoa kho ngozin ba ma nyans.
6Ashipas salskhan mik yodpinsuk, Khoe minga Yoannas (zerbatpinsuk). 7Jungis khores base chhesluks be mingna kho odpoa chhebji tangma rshpangpoa yongs. 8Kho odpo menminsuk dobasang odpoe luksiang rshpangpo tangma yongs-pinsuk. 9Mi rere nang rere sangsang bakhan mantaḵẖsi odpo miyuliang yongs-pinsuk. 10Miyuliang yodpinsuk; yang miyulpo khos base ldans; yang miyulpoa kho ngozin masong. 11Kho rangi khangmâ yongs, yang khoe rangi miunis kho ḏonpo mabas. 12Amma kho ḏonpo bakhanunla, khuri mingpoeka chhesluks bakha-nunla, khores Ashipi Rshrasun ldanmi bashan sals. 13Khong kraqa hana rgoe tongoa hana mî tongoa men dobasang Ashipa-a ldanchukskhan songmin.
14Yang molspawa rgo ldanena shazde nang mantaḵẖsika gangse nganti bariang skyode brangsâ juks; yang ata chikchigi buthsa chikchiga yodkhan chhezbrelpo natsoḵẖs khoe chnezbrelpo ngachâ ngozin song. 15Yoannasis khoe rshpangpo tanged; yang diu zeren kustabs: ngi jukna skyodkhanpo nga basang snapa in chiazerbana kho nga basang snapa inmin zere ngas khoe rshmangeang zeskhanpo dyao khorang in. 16Chiazerbana khoe gangchiangna ngantang junga thop, shazdeka shazde styaqse (thop). 17Chiazerbana khakhrimspo na Moshê laqkhas tangskhan inmin, shazdeo nang mantaḵẖspo Yeshu Masihis base hlep. 18Dare thsaqpa Ashipa mana suâng mathong, Ati phangmiang yodkhan Rshras chikchikpos (dius) ngozin chhachuks. 19Yudaya paunis Yerusalemiangna khuri der kohenuni gowaun nang Lewipaun, yerang su in zere tria tangtsana Yoannasi rshpangpo diu in: 20Yang khos salphese zes, yang men mazes, dobasang nga Masih men zere salbasal zes. 21Khongis khoa tris : Ni su in ? Yerang Elias ina ? Khos mols : Nga men : Yerang khyenkhanpo ina ? Yang khos tamlaniang men zes. 22Ni, khongis khoa jus : Ngachas ngantang tangskhanunla tamlan tangmi mingna yerang su in ? Yeres rangi luksiang chi moled ? 23Khos zes : Esaias khyen khanis "Ashipi lampô strangshik thangstongeang kustabkhan chikchigi skadpo" ngarang in. 24Yanĝ tangskhanun Pharisiapauniangna inmin. 25Yang khongis khoa trisena jus : Taqdir yerang Masih hana Elias hana de Khyen khanpo men na yeres Baptisma chia tanged ? 26Yoannasis tamlaniang khonga mols ; Ngas chhu na Baptisma tanged ; amma, khyenti bariang khyentanga ngozin medkhanchik langse yod, 27[Kho] ngi jukpona skyodkhanpo [in] ; [kho nga basang snapa inmin]; nga khoa kili rshtingmi brangmao krolba byormo michha. 28Diun Yordani pharkâ Bethaniaeang Yoannasis Baptisma tangskhan malseka songminsuk.
29Sngamoa khoa rangi der Yeshu skyodpao thong yang dyu zered : Ltashik, diu miyuli nyespao khure khyerkhan Ashipi lugu in. 30Ngi jukna nga basang snapa inkhan kyoqek yonged chiazerbana kho nga basang snapa inmin zere ngas khuri rshmangeang zeskhanpo dianao khorang in. 31Yang ngâ kho ngozin medpin, amma kho Israelika ngonmi mingna nga chhuika Baptisma tangen yongs. 32Yang Yoannasis rshpangpo tangen diu mols : Ngâ Semspo qondil natsoḵẖs base rshna-miangna babson thong, yang do khoeka duks. 33Yang ngâ kho ngozin medpin, amma chhuika Baptisma tangmi mingma Tangkhanpo khores ngâ mols : Khyeranga Semspo suika babspa yang dukpa thongcha yodkhan khorang Rtsangma Semsika Baptisma tangkhan in. 34Yang ngâ thongsed, yang kho Ashipi Rshraspo in zere rshpangpo tanged.
35Sngamoa Yoannas nang khoe lzadrulbakhanuniangna mingga nyis langse yodpin. 36Khos Yeshu drulen skyodpao thongse zes : [miyuli nyespao khure khyerkhan] Ashipi lugua ltashik! 37Yang lzadrulbakhan nyiskoa kho spera tangen graqen thsorbana, khontang Yeshui lzâ druls. 38Ni, Yeshu rgyabloqsena yang khong rgyabpona yongmao ziksena khonga mols : 39Khyentes chi tsaled ? Yang khongis khoa jus : Kasa Rabbi-chizesna skad ldzoqpana Ltsabkhan — yerang gar juksed ? 40Khos khonga mols : Dongshik yang ltashik, khong song yang khoe brangsao thong; yang de jaqpo khorang na nyambo duks. Ni dusthsodpo rchutsek yodpin. 41Yoannasikana gose Yeshui lzâ yongkhan nyiskoeangna chikchikpo Simon Petrosi no Andreas inmin. 42Snanla Khos rangi phono Simon na thuks yang khoa zes : Ngachâ Masih, chizesna Khristus thobsed. 43Yang khos kho Yeshui der tede khyongs. Yang Yeshus khoa ziksen mols : Khyerang Yonasi buthsa Simon in. Khyeranga kephas chizesna Petros (rdoa) zeruk.
44Sngamoa Yeshus Galilayasiang chhok samse yang kho Philippos khoa thobs, yang khoa mols : Ngi lzâ drul. 45Ni, philippos, Andreas nang Petros dukhhan grong Bethsaida na inmin. 46Philippos Nathanael na thuk yang khoa zes : Moshes Thoratiang yang khyenkhanunis zbriskhan Yosephi buthsa Nazaretpa Yeshu ngachâ thop. 47Yang Natanaelis khoa zes : Nazaretiangna mana chang rgyalek duga ? Philipposis khoa zes : Dong yang ltosang. 48Yeshus Natanael khuri der yongen thongsena khoe luksiang mols : Ltosang, kho mantaḵẖsi Israelpa in, khoeang chang kyaqkyoq med. 49Nathanaelis khoa jus : Yeranga nga garna ngozin yod ? Yeshus tamlan sale khoa mols : Philipposis khyeranga yong zerbao basang snanla, khyerang seyabi laqthsuksi yoqa yodtsana ngâ khyerang thong. 50Nathanaelis khoa tamlaniang jus : Kasa Rabbi, Yerang Ashipi Rshraspo in, Yerang Israeli Rgyalpo in. 51Yeshus tamlan sale khoa mols : Ngas khyeranga khyerang seyabi laqthsuksi yoqa dukse yodpao thongmin zespi phya khyeres chhesluks beda ? Diyu basang chhô lasun khyeranga thongnuk. 52Yang khos khoa mols : Mantaḵẖsika, mantaḵẖsika, ngas khyentanga zered : Rshnampo bese skopaun: Mi-i Buthsika babsen thulen thongnuk.

Highlight

Share

Copy

None

Want to have your highlights saved across all your devices? Sign up or sign in