Yoannesi Phrinzangpo X.
X.
1Chnadkhika, chhadkhika ngas khyentanga zered; lugu chukpi dangri zgos ma jukspa, dobasang yang lam chigis thule jukskhanpo rshkunma nang koqkhan in. 2Amma zgos jukskhanpo luwaquni lurdzin in. 3Zgo phekhanpos khoa zgo phed yang luwaqunla khoe skadpo ngozin chned, yang khores rangi luwaqunla ming phese yong zered yang doun phyistâ lam stane khyered. 4Yang khos rangi luwaqun phyistâ khridena khorang douni snasna druled, yang luwaqun khoe lzâ chhed chiazerbana dounla khoe skadpo ngozin yod. 5Amma khong janmi lzâ mana michha dobasang khoe der na shoruk, chiazerbana khonga janmauni skadpo ngozin chha med. 6Yeshus di spekhao khonga mols, amma khos khontanga molskhanpo chi insuk zere khonga rshtaḵẖspa masong.
7Dekana Yeshus khonga yang mols : Chnadkhika, chhadkhika, ngas khyentanga Nga luwaquni zgo in zered. 8Nga basang snanla yongskhanun saq rshkunma nang chaqpa in, amma luwaqunis khonga ma nyans. 9Zgô nga in, su ngas base nang-ngospeang juksna khoa khomluks thobtuk; yang kho phyistâ chhok, yang khoa thsosa thobtuk. 10Rshkunmao rshkua yang sadpa, yang shikpa mene yongma med. Dounla sonluks thoba dobasang mangmorek thobtuk zore nga yongskhan in. 11Rgyala lurdziu Nga in. Rgyala lurdzis rangi stroqpo luwaquni phya skored. 12Amma, lurdzi menkhan, yang luwaquni ashipâng monkhan hlapao shangku yongen thonged yang luwaqun phanged yang shored; yang shangkus khong zuned yang luwaqun yane chha chuged. 13Ni, hlapao shored, chiazerbana Kho hlapa in, yang khos luwaqunla kho snanga bamed. 14Rgyala lurdzin Nga in, ngi inkhanun ngaranga ngozin yod yang nga ngi inkhanunla ngozin yod. 15Atawa nga ngozin yodpao yang ngâ Atao ngozin yodpao natsoḵẖspo in. Yang ngas luwaquni phya ngari stroqpo skored. 16Yang di luwaq chukpi dandreangna menkhan ngâ yang luwaq kaṯo yod; ngâ dounang khyongma rgosed, yang dounla ngi skadpo ngo-zin chhok; yang luwaqi thsochik, lurdzi chik chhok. 17Dephya Ataos nga rged chiazerbana ngas ngari stroqpo yang laqpeang khyongmi phya skored. 18Sus do ngikana koqse khyerbamecl, dobasang diu ngares skored. Ngâ skorcheang wanqpo yod. Ngâ di skalskhanpo ngari ati der na thobskhan in. 19Dekana di tamuni phya Yudayapauni bariang yang tam machiks. 20Ni khongiangna mangmos zes : Khoeang dre yod yang kho snyonma in. Khyentes khoe tampoa chia rshna bed?
21Eunis zes Di speraun dre byarkhani men, drea jarbi mik phoa nyaneda ?
22Ni, Yerusalemiang Soma-be-rgamoe jaq hlep. Yang tho rgun inmin. 23Yang Yeshu Rtsangma malsi nang-ngospeang Solomoni thoqyolpeang khoren yodpin. 24Dekana Yudayaspaun khoa khor tangs yang khoa jus : Yeres ngachi stroqpo nam thsaqpa phyalla jaqtuk, taqdir Yerang Masih in na ngachâ salbasal molba zad. 25Yeshus khonga tamlaniang mols : Ngas khyentanga zes, yang khyentang chhespamed. Ngas ngari Ati Mingika baskhan lasunis ngi rshpangpo tanged. 26Amma, khyentang chhespamed chiazerbana khyentang ngi luwaquniangna men zere ngas khyentanga zespin. 27Ngi luwaqunla ngi skadpo ha goed, yong ngâ doun ngozin yod; yang doun ngi lzâ yonged. 28Yang ngas dounla rshtane luspi sonluks tanged yang doun mana jik mijik; yang doun ngi laqpa susang koqse mikhyer. 29Ngâ (doun) salkhan ngi Atao tsoq basang chho in; yang Ati laqna (doun) sua koqse khyerba minyan. 30Nga nang Atao chikchik in. 31Dekana Yudayapaunis khoa rdoarub ba yang rdoa khurs. 32Yeshus khonga tamlaniang mols : Ngas khyentanga ngi Ati ngosna noro las mangmo stansed; de lasuniangna ga laspoe phya khyentes ngâ rdoa rub bed ? 33Yudayapaunis Khoa tamlan tangse jus : Ngachas noro laspoe phya men, dobasang rshmunmoe phya khyeranga rdoarub bed, chiazerbana khyerang mi inen khyeres khyerang Rshnamcho rchoed. 34Yeshus khonga tamlaniang mols : Khyenti thoratiang : "Ngas zes, khyentang rshnamchoun in" zere zbrise meda ? 35Taqdir Ashipi Rtsangma Sperao hlebkhanunla khos rshnamchoun taḵẖsna, yang zbrise yodkhanpo shikpa nyanchashik menmana, 36(ni) Atas rtsangma base miyulpeang tangskhan-poa ngas nga Ashipi Rshras zespi phya, khyeres rshmunmo tabed zere khyentes zereda ? 37Taqdir ngas ngari Ati lasun bamedna khyentang ngâ machheshik. 38Amma, taqdir ngas doun bedna khyentang ngâ machhes nâng, Ata ngiang yod, yang ngas Atiang yod zere, khyentanga shespi phya yang khyentang chhespi mingna de lasun la chheshik. 39Dekana khongis kho yang tsershik zunuk sams, yang kho khongi laqna bingse skyods. 40Yang Yordani pharka Yoannasis snanla Baptisma tangen yodseka yang skyods, yang kho der juks. 41Yang mangmos Khoe der yongse : Yoannasis rshtaḵẖsna chang mastans, amma Yoannasis dî rshmangeang zeskhan tsoq mantaḵẖs inminsuk zero zes. 42Yang der mangmos khoeka chhesluks bas.
Currently Selected:
Yoannesi Phrinzangpo X.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève