Narpa Phingchaun XIII.
XIII.
1Ni, Antokyeang yodkhan Grikskhoreang khycnchukkhan nang Ltsabkhan khachik yodpin, nyiska Barnabbas nang Niger zerkhan Simoon, nang Kureniapa Lukyos, ni Tetrarki Herodes nanyambo soskhan Manohen, nang Saul. 2Ni, khongis Ashipi jabsthoq ben yang khastong dugen yodtsana Rtsangma Semszang-pos mols : Ngas yong zere khyongskhan de laspoe phya Barnabbas nang Saul chhadkhika pheshik! 3Dekana khontes khastong dukse yang laqpa sune juik base yang khong nyiskoeka laqpa jaqse khong chhachuks. 4Dekana khong mantaḵẖsika Rtsangma Semszangpos tangskhan Seleuksyeang babs. Babsena Yola yodpi nayoeka dikana Kuphrosla song. 5Yang Salaminiang hlebse Yudayapauni Sunagogunang Ashipi Sporao hagochuks; ni Yoannas khonti yato bakhan-ang yodpin. 6Ni, chhubari sakyadi phres rgalena khonga snyaqsngan bakhan chikchik, rdzoni khyenluks bakhan, Yudayapek, minga Baryesu zerkhanchik thobs.
7Kho kosondo rgyalchosbakhan Sergius Paulus nanyambo yodpin; khos Barnabbas nang Saulla yong zere khyongsena Ashipi Sperawa nyanma tongo yodpin; 8Amma Elimas snyaqsngan bakhanis-dyana khorang khoe mingi rshkangpo in-khong na zgrade de rgyalchosbakhanpoa chhesluks bachiangna theno jaqtuk sams. 9Amma, Saulis, kho Paulos-ang in, Rtsangma Semszangika gangse khoeka rgyala base ltaluks basena, 10zes : Wa snyaqsngan nang nganrtsoqika gangse yod-khan, Satanosi buthsa, khadrangiluksi loqpar bakhan! Ashipi trangmo lamun shikchiangna zodmizoduga ? 11Yang daro ltos khyerika Ashipi chhaqlaqpo phoqed, yang khyerang jarba chhok, thochik thsaqpa nyima mithong; ni, dyanatho khurika khoeka munpa nang thup phoq yang khos khuri laqpawa thamse-khyerkhan chikchik tsalen khor. 12Dekana rgyalchosbakhanpos di songkhanpo thongsena yang Ashipi ltsabchaspeka rgyale chhesluks bas.
13Ni, Paulos nang khoe phropaun Paphos na yola yodpinayoeka Pamphulye-Pergeang yongs; ni Yoannas khong na bar beso Yerusalemiang loqse song. 14Amma khong Perge na drule Pisidye-Antokyeang hleb. Yang Sabati jaqe. Sunagogeang songse sa juks. 15Ni, Thorat nang Khyonlu sbchhanun (-i shoqbûn) silbi jukpona Sunagoge gowaunis khontanga dyu zeren yong zere tangs; Kasa khyoqa phonoun taqdir sharbaunla jalta yodkhan sperek khyentiang yodna molba zad, 16Ni, Paulos langsena yang laqpika laqrda base zes : Kasa khyoqa Israelpaun nang Ashipâ jikskhanun rshna bashik! 17Di sharba Israeli Ashipas ngachi mezpoun chese rdams yang Sharbao Eguptosi yuliang mayulmasapa tsoḵẖs base yodtsana khoe go thoshuks yang wangchan chhaqlaqpika deangna phingse khyongs. 18Yang lo jibchuik namzek thsaqpa byathangoang Khos [khonti duklangs thyaqse] sos. 19Yang Kanaani yuliang mithsir rdun shik-sona khonti yulun saq [khongunla] khonguni sakyad natsoḵẖs po base sals. 20Diuni jukna khonguniyul sale lo jibgya nang qabchu tsogi Samuel Khyenluksbakhan[po] e tho thsaqpa shakhspheḵẖanun sals. 21Dekana, khongunis rgyalpoek jus, yang Ashipas Benjameni paoe-angna khyoqok, Kisi buthsa Saul, lo jibchu thsaqpa sals. 22Yang kho phangsena Dawid khongunla rgyalpo ba ltsangs; Khoe rshmangeang-ang khos de chhebji phes: Ngâ khyoqek, Yessapi Dawid ngari snying nazomzoms thobs; khos ngi ranlukspo saq gangrgya bacha in. 23Dyana khoe soniangna Ashipas rangi chhadpo nazomse Israella khomchukkhan chik, Yeshu, [Ltsangse] khyongs. 24Kho ngoncha skyodchao basang snanla loannosis Israeli sharbaun saqa gyodluksi Baptismek hagochukspin. 25Yang loannesis rangi namzao gangtsana zes: Khyentanga nga su insuk samed ? Nga men, dobasang ltashik khorang ngi rgyabna skyodcha in, (khos) kangmauni kangrlami tho krolba nga byorrao chha med. 26Kasa khyoqa phonoun Abrahami paoc buthsaun nang khyenti bariang Ashipâ jikskhanun! Di khomluksi Sperao khyentanga kale tangs. 27Chiaserbana Yorusalemiang dukse yodkhanun nang khongun rgyalchosbakhanunla Kho yang Sabati jaq rere saqa silskhan khyonluks bakhanuni skadun ngozin chha ma chnana (khoeka) shaḵẖs phese doun gangrgya bas. 28Yang Kho sadchi chang snyadchik nathob na-ang khontes Pilatosla kho sadchi phya ju namsi bas. 29Ni khoo luksiang zbrise yodkhan saq ba thsarbana Kho shingikana phabse durkhangchigiang jaqs. 30Amma Ashipas Kho shiskhanuniangna sone ltsangs. 31Kho Galilyeangna Kho na nyambo Yerusalemiang yongskhanunla jaq mangmo thsaqpa ngons; khontang sharbauni dunla dare khoe rshpangpoun in. 32Yang [dare] ngacha khyentanga phrinzangpo, mezpounla baskhan chhadpo, Yoshu, Ashipas shiskhanuniangna sonchukse ltsangse ngantanga khonti phrûnla gangrgya basod zere hagochugod. 33Dya tarika-ang nyisi resi stodkhiang zbrise yod: Khyerang ngi buthsa in, diring khyerang ngâ skyes. 34Yang kho shiskhanuniang-na sonchukse ltsangchi rshnangeang, yang mana rulchiang l qse chnacha mcn zere khos ditsuga moled : Ngas Dawidi rdyangchani shazdcun khyontanga tangnuk. 35Dyatarika khos yang (stodkha) chikchigiang moled : Khyeres khyeri rtsangmawa rulchi res hlebchukcha men. 36Chiazerbana chhadkhika Dawidis rangi mithsirpoang Ashipi ranluksi tamnyan ben dukse nyidiang phoq yang rangi ataun na zbraqs yang khoa rulchi respo thong. 37Amma Ashipas sonchukse ltsangskhanpoa rulchi respo mathong. 38Dekana, Kasa khyoqa phonoun, yentanga rshtaḵẖspa songshik, dyana khores base yenti nyespauni phude tangmi rshmang hagochuged. 39[Yang] Moshê khakhrimsis base khyentang khadrang chha minyancha yodkhan chiun khoeangnuk chhesluks bakhan saq khadrang chhed. 40Dekana khyenluksbakhanuni shoqbiang yongskhanpo khyentika mantaḵẖs michha zere snanga base dukshik! 41"Wahunik rtsoqpo sheskhanun! Ltashik! Yang rgyaluks bashik! Yang jikhhik! Chiazerbana ngas khyenti dusiang lashik bed, ḏenḏa lashik taqdir de laspoe luksiang sus khyentanga sesna khyentang mirdyang." 42Ni, Yudayapaun [Sunagogna] phyistâ bingse [janmi miunis] khonga-ang eresi Sabati jaqa di tamun khonga hagochukshik zere ju namsi bas. 43Ni, Sunagogi khorpo chhaqsena Yudayapa mangmo, nang Ashipâ rchorkhan Yudayapi lzadrulbakhan, Paulos nang Barnabbasi jukna song, Khongis khongunla spera tangen Ashipi shazdeka rshtanpo dukshik zore jalta tangs.
44Ni, eresi Sabati jaqa rgyalsa gangmatsek Ashipi Sperawa nyanma dus. 45Amma Yudayapaunla ditsek mibongs yongse thongmana Sems base koqnganika gang, yang Paulosis molskhanuni loqpar bas, ukhan tangs [yang tamuni loqpar bas]. 46Basena Paulos nang Barnabbasis snyingchanika spera tangen zes : Ashipi sperao snanla khyentanga hagochukshao thsathsa inmin [amma] khyentes diyu phingse phangmana yang rang rshtane luskhan sonlukspona mibyorkhan chha-chukpana ltashik ngacha janmi thsiruni ngosla chhed. 47Chiazerbana Ashipas ngacha-a ditsuga molsed : "Ngas, khyerang janmi thsiruni phya se juk thsaqpa khomluksi phya od chha rshtanchuks". 48Ni, janmi thsirunla (diyu) thsorbana thad, yang Ashipi speri chhezbrelika stodkha bas, yang rshtane luskhan sonluksi phya rshtanchukskhan tsamtsek yodna dyatsek yodkhanunis chhesluks bas. 49Ni, de yuli khorun saqeang Ashipi Sperao-khyedchuks. 50Amma Yudayapaunis chhosluks rchorkhan-un [nang] chochoun nang rgyalsi chhopo miunla ltsabs, yang Paulos nang Barnabbasla doqshukcha khrul ltsangs yang khong khon-ti thamauniangna phingse tangs. 51Amma, khongis [rangi] kangmauni sasup khonguni dunla sprukse Ikonyomâ song. 52Yang lzadrulbakhanun thadkha nang Rtsangma Semszangpoeka gangse duks.
Currently Selected:
Narpa Phingchaun XIII.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève