Narpa Phingchaun X.
X.
1Amma Kesariang minga. Kornelios zerkhan khyoqek [yodpin], kho Italyani zerkhan rshmaqi mi rgye gowa, 2Ashipa rchorkhan nang rangi khangmapaun nadrese Ashipa-a jikskhan, nyiska : sharba-a Skal mangmo tangedpin, yang rshtane Ashipa-a laqpa zune rtsoden yodpin. 3Khoa nyimi rgui resi tho tsega miklam rshnalama mana salpo base Ashipi Khamskad khyongkhanchik Khoe der yongen theng yang khoa molon zes : Wa Kornelyos! 4Amma khoa khoa snying tangse ltaluks bas yang jikspa ryaḵẖspana jus : Kasa Ashipa chi insuk ? Ni, Khos khoa mols : Khyeres laqpa zune rtsodskhanun nang khyeri Skalun Ashipi dunla itubachiluksika hlebs. 5Yang dare Yoppoang kyoqaun tangse Simon zerkhanchik phyasminga Petros zerkhanpo yong zere khyong. 6Kho khoa rchokhanchik Simon nanyambo brangsa jaqs khuri khangmao rgyamthsoe (chhuzuri) shitya yod. [Khos khyeranga bargoshao khyeranga zeruk]. 7Ni, Khoa spera tangkhan Ashipi Khamskad khyongkhanpo bingse skyodena Kornelyospos tson nyisla yang khoeka ltakhanuniangna rchorkhan rshmaqmichiga yong zes. 8Yang khonga saq shadena khoa khong Yoppâ tangs. 9Ni, ejaqa khontang lamiang besa ben yang rgyalsa nanyemor hlebtsana Petros trugi resi thotsega hyendaqa laqpa zune juik ba bings. 10Ni, Kho mana mangmo ltoqs, yang dyandek za tsals amma khongis zan chhetaq batsana khoeka nyistoni lukshik draqs. 11Yang phese yodkhan rshnampo yang shubshik chhopo hlikto tsoḵẖshik kru jbjîka chingse se rolla babsen yodpao khoa thong. 12Deang sayuli kangjbjipaun saq [nang thangi byolthsongsun nang ltoeka drulkhanun] nang rshnami chachu-un yodpin. 13Yang khoa skadshik yongs: Langsena Wa Petros Sod! yang zo! 14Amma Petrosis jus : Kasa Ashipa, mana minyan, chiazerbana ngas tsetu yang dyatsugchik mana zospamed. 15Yang nyisi resika khoa skadshik yongs: Ashipas daqshukskhanunla khyeres dyatsugchik ma zer. 16Ni, dyao respa sum song, yang dyanatsugo shubspo rshnamiangnuk thyaqse khyers. 17Ni, Potrosla thongskhan nyilampo chi insuk zere rangis rangi snyingiang rgyalen yodtsana [yang] ltos : Kornelyosis tangskhan khyoqaun Simonpoe khangmao rshtaḵẖspa base staqoeka langs. 18Yang kustabsena khongis Petros zerkhan Simon diang donpoa yoda med zere tris. 19Ni, Petrosis de nyilampoe samba tangen yodtsana, Semszangsis khoa mols : ltosang mingga suma khyerang (na thukspa) tsaled. 20Dobasang langsena yoqa bobang chang thsabs mathsabspa khong nanyambo song, chiazerbana khong ngas tangsed. 21Ni, Petrosis Kornelyosis tangskhan khyoqauni deka babse zes : Ltashik, khyentes trikhanpo ngarang in, khyentang chilasla yongskhan in ? 22Ni, khongis Yudayapauni thsir saqeang rgyala rshpangpo yodkhan la Yerang khoa khangmâ yong zere khyongma yang yerikana Sperao nyanma Rtsangma Khamskad khyongkhanchigis Ashipi lu sika ltsabs. 23Dekana khos khong nanga yong zere khyongse (khong) gronpa bas. Ni, sngamoeka [Petros] langse khong na nyambo bings yang phonouniangna khachik Yoppepaun kho nanyambo song. 24Ni, sngamoa khontang Kesaryeang juks, yang Kornelyosis rangi rshnyenun nang ngoshesun zdamse khongi lama lten yodpin. 25Ni, Petros nanga yongtsana Kornelios Kho na thukpana khoe kangmaunika drilena ju namsi bas. 26Ni, Petrosis dyu zeren kho ltsangs: Langse duk nga-ang mik in. 27Yang Kho na spera tangen nanga juks yang mangmo damse thong. 28Thongmana khongunla zes : Yudayapi khyoqachiga janmi mithsirun nadrespao hana kho na nyemo chhachao gatsuk miḏodcha in (zere) khyentanga rshtaḵẖspa yod; yang nga-a Ashipas ngas gami sua detsukchik hana tsetu mizer zere stanma zadsed. 29Di phya nga-a yong zerbana nga chang snyad maba yongs, dekana ngas nga-a yong zere khyongse chia tangs ? 30Yang Korneliosis zes : Jaqma jbji songse nga daresi tho thsaqpa ngari khangmeang [khastonga dukse yang] rgui resi [thoeka] laqpa zune juik ben yodpin yang ziksang, zbrelchan goncha gonkhan khyoqek ngi dunla skyode langs. 31Yang mols : Wa Kornelios! Khyeri laqpa zune rtsodskhanpo go yang khyeri snganskalun Ashipi dunla itu song. 32De phya Yoppeang mi tong yang phyasminga Petros zerkhan Simonla rangi der yong zer, kho rgyamthsoe chhuzurla Simon koa rchokhan chigi khangmeang donpoa yod. 33Dephya dyana tho khurika yeri der mitangs, yang yongsena rgyala bas. Dekana dare Ashipas yeranga skalkhanun saqa nyanma ngantang saq Ashipi dunla dukse yod. 34Ni, Petrosis Khao phese zes : Mantaḵẖshigika Ashipa sui rdongltas bamed zere ngâ thsored. 35Dobasang gamithsirpeang gasu Khoa jiksna yang Khadrangi las bedna Khoa kho byormo thsored. 36Jungtsoqi Ashipa inkhan Yeshu Masihi laqkhas zomluksi phrinzang hagochugen Israelpi buthsaunla Khos skale salskhan sporao yentanga rshtaḵẖspa yod. 37Ltsabskhan Baptismi jukpona Galilaiesikana ryaḵẖspana Yudaya saqi phres yongskhan Phrinpo, 38Nazarethpa Yeshu Ashipas gatsuga Rtsangma Semszangsika yang khyud nadrese Sal phese rdamsed zere yentanga rshtaḵẖspa yod. Kho diphres dephres oro bon yang Nganpaos nane nyese songkhanun saq noro chhachugen skyodedpin chiazerbana Ash: pa Kho nanyambo yodpinsuk. 39Khos Yudayapauni yuliang nang Yerusalemiang baskhan de lasun saqa ngacha rshpangpo [in]. Khongunis Kho shingikâng phingsena shiluksiang tangs. 40Dyanao Ashipas jaqsumi jaqa sone ltsangs yang kho ngonkhan chha sals. 41Mibongs saqika men dobasang snanlana Ashipas rdamse yodkhan chhebji phekhanun, n-achâ, kho shiskhanuniangna sone langse jukpa, Kho na-nyambo zacha zakhan yang thungcha thungskhanunikh (ngonchuks). 42Yang Khos ngacha-a Ashipas sale sonkhanun nang shimiuni shaḵẖs phekhanpo khorang in zere mibongspoa hagochukpa yang gangma chhebji phoa skals. 43Mana ga rore saq khoeka chhesluks bedna khoe mingis base nyespauni skyonzed chhed zere khyenkhanun saqis chhebji phed.
44Petrosis di tamun zeren yodenang Rtsangma Semszangspo sperao thsorkhanun saqika babs. 45Yang janmi thsirunika-ang Rtsangma Semszangi shazdeo hlukse songsed zere Petros nanyambo yongkhan khrîdkhori rshtubchika rdyang jaqkhanun saq rgyal. 46Chiazerbana khonga skadunika zeren yang Ashipi chhezbreli stodkha ben thsor. 47Dekana Petrospos tamlaniang zes: Ngacha natsoḵẖsang Rtsangma Semszangpo thobkhanunla Baptisma ma tong zere chhu sua zgaqpa nyaned ? 48Ni, khos khong Ashipa Yeshu Masihi mingika Baptisma tong zere skals. Dekana khongis jaqma khachik deka jukspa zad zero ju namsi bas.
Currently Selected:
Narpa Phingchaun X.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève