I Korinthyapaun I.
I.
1Ashipi ranluks na zomse Yeshu Masihi sale pheskhan phrinkhyed-chukkhan Paulus nang Sostheni kana, 2Korinthiusiang yodkhan Ashipi griks-khorpo Masih Yeshueang rtsangma baskhan, rtsangma miun chha, salespheskhanunla garanggasaunika ngachi yang khonti Ashipa Yeshu Masihi ming lenkhanunla, 3nganti Ata Rshnamcho nang Ashipa Yeshu, Masihikana khyentanga shazde nang zomluks (thobshik).
4Khyentanga Masih Yeshueang tangse yodkhan Ashipi shazdê phya ngas ngari Ashipa-a rshtane ju bed. 5Dekana khoeangnuk khyentang chiun saqeang, spera saqeang nang shes saqeang nordaq songsed. 6Khyentiangnuk rshtanpo yodkhan Masihi chhebjiu nazomse (yodsuk). 7De phya khyentang shazde chigi phya-ang rgyabpoa minduk, dobasang nganti Ashipa Yeshu Masihi miklami ngonmaola gyeren yod. 8Khoresang khyentang nganti Ashipa Yeshu Masihi jaqa khyoqkyaq medkhan base juk thsaqpa rshtanpo jaqtuk. 9Khyentang Rangi Rshras nganti Ashipa Yeshu Masihi dresluksiang yong zere khyongshukkhan Ashipa khorang rdyangchan in.
10Darena, Kasa phonoun, nganti Ashipa Yeshu Masihi mingpoeka saqis tam chik-chigiang dukpa yang khyenti bariang po michadpa dobasang khyentang semba chik-chigiang yang snyingchigiang grikse dukshik zere khyentanga ju namzi bed. 11Chiazerbana Kasa phonoun khyentiang ṯang chhen yod zere ngâ khloepaunis khyen-ti rshmangeang rshtaḵẖspa bas. 12Amma ngas di sperao jaqed : khyentiangna ga rere saqis rang Paulosi in, hana rang Apollosi in, hana rang Kephasi in, hana Masihi in zere spera bed. 13Masih po base zgosa ? Paulos khyenti phya kaṯo shingika spyarsa ? Hana khyentes Paulosi mingika (chhesluksi) Baptisma lensa ? 14Khrispus nang Gayus la mene ngas khyentiangna yang sua Baptisma tanspamed zere Ashipâ ju bed. 15Dekana ngi mingpoeka khyentanga Baptisma tangsod zere susang mizer. 16Stephanasi khangmapaunla-ang ngas Baptisma na tangs; dyu basang mangmo yang sua. Baptisma tangspao ngâ rshtaḵẖspa med. 17Chiazerbana Masihis nga Baptisma tangma ma tangs, dobasang phrin-zang hagochukpa (tangs); Masihi Katoshingpo tonmedla michha zere speri shang-sika (hagochukpa) med. 18Chiazerbana katoshingpoe Phrinpo jikcha chhen dukkhanunla ldadkhyori las in, amma ngantang khomluks thoben dukkhanunla Ashipi Khyud in. 19Chiazorbana diu zbrise yod : NGAS SHANGSHANUNI SHANGSPO SHIKCHA IN, YANG SHESKHANUNI SHESPO PHANGCHA IN. 20Shangshanpo gare ? Chhoszbri-khanpo gare ? Di dusi spradsprad bakhanpo gare ? Ashipas miyulpoe shangspo ldadkhyoriluks chha machukspina ? 21Chiazerbana Ashipi shangspoa (ltase) miyuli shangspos base Ashipa mashespana mallaqa di kustabse hagochukkhanpoe ldadkhyori lukspos base chhesluks bakhanunla hute chhachukpa thad. 22Yuda-yapaunis rshtaḵẖsna rgospana yang Hellonpaunis shes tsalbana (dyao song). 23Amma ngachas de katoshingika spyarskhan Masih-yu kustabse hagochuged. Mantaḵẖsika Yudayaspaunla khato rgyabchi rdoek, yang janmi thsirpaunla ldad-khyorilukshik (in). 24Amma yong zero khyongskhanun nyiska Yudayaspaun nang janmimithsirpaunla Masih Ashipi khyudpo nang Ashipi Shangspo in. 25Chia-zerbana Ashipi ldadkhyori lukspo miun basang shangshan in, yang Ashipi ngad-medilukspo miun basang ngadchan in. 26Kasa phonoun! Rangi yong zore khyongspao yentanga rgoa ltase khyentiang shangshan mangmo, khyudchan mangmo, rikspachan mangmo medpao thongse shesed. 27Amma, Ashipas Shangshanpo khrel-chukpi phya miyuli shangsmedun salo phese rdams, yang Ashipas ngadchanpo khrelchukpi phya miyuli ngad medun sale phese rdams. 28Yang Ashipas miyuli rshtankhanun tonmedla chhachukpi phya miyuli riksmedun nang rinmedun nang rshtanmedun sale phese rdams. 29Dekana managasus khuri dunla ngar bacha mi nyan. 30Amma khyentang khoros base Masih Yeshu ngantanga Ashipikana shangs nang khadrangilulcspo nang rtsangmartsangdaqilukspo nang nyochi khyudpo ldanschukkhan khuriang yod. 31Dekana zbreskhanpo na zomse (songshik): Gasus ngarbana Ashipika ngarbachuk!
Currently Selected:
I Korinthyapaun I.: SOMA
Highlight
Share
Copy
Want to have your highlights saved across all your devices? Sign up or sign in
© Société Biblique de Genève