Rom A Dor Vaamaravazang Pana A Waambaar Angkari
A Dor Vaamaravazang Pana A Waambaar Angkari
Araan Pol xa iziar Korin o Senkriaa, naan ka varaar a waambaar angkari xa waan sin aubina di inaxam paazaai in Rom. Ka lis a waambaar zin aza ravin aizina xanaan Fibi ma naan ka ra zuruk kun Rom (16:1-2).
Rom adi bina laba mase, ina a xalxaal laba aizina Siza, a waamua laba laaxur wana amun pira vaakdul ina Rom ka rasin a lus laaxur wana naandi.
Araan Pol xa ra varaar a waambaar angkari, naan kawit nanga na ra waan Rom ma xawit nanga nat firaai naandi. Malasing ma lamaskana a waambaar angkari naan ka saxot kana viraai naandi wana amun saan ka varas. Pol xa vazei zaait naandi adu naan ka saxot kana waan sin naandi.
A maariaas iwana fararang ka malasing AD 57.
A baar Rom ka malasing kari:
(1) 1:1-7 A dor vaamaravazang
(2) 1:8-15 Pol xa saxot kana waan Rom
(3) 1:16-17 Avuvuna xunaze Pol xa farar
(4) 1:18-3:20 Aubina vaakdul di gigiu amun matmalabuk taksaat
(5) 3:21-5:21 Nakmai xana zaxot faulin dia wanaze dia di inaxam paazaai wana Kaarisito
(6) 6:1-8:39 Lamaskana Kaarisito dia di iziar wana roroiang faaxur
(7) 9:1-11:36 Nakmai xawit na naxambain Israael
(8) 12:1-15:13 Amun matmalabuk daxa dia dina valos
(9) 15:14-16:27 A vaanongang iwana dorang
Currently Selected:
Rom A Dor Vaamaravazang Pana A Waambaar Angkari: NAL
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Australia All Rights Reserved