رومیوں 15

آپنڑے آپ کُوں نئیں بلکہ ڈُوجھیاں کُوں راضی کرو

1اساں جیہڑے اِیمان ءچ پکّے ہیں ساڈا فرض ہے جو کمزور اِیمان آلیاں دیاں کمزوریاں دا لحاظ کرُوں، نہ جو آپنڑے آپ کُوں خوش کرُوں۔ 2ساڈے ءچوں ہر بندہ آپنڑے ہمسائے کُوں اُوندی بھلائی کیتے خوش کرے تاں جو اُوندی رُوحانی ترقی تھیوے۔ 3کیوں جو مسیح وی آپنڑی خوشی دا خیال نہ رکھیا بلکہ لِکھیا ہے جو ”تیڈے لعن طعن کرݨ آلیاں دی لعن طعن میڈے اُتے آ پئی ہے#زبُور 69‏:9۔۔“ 4جیہڑے گالھیں پہلے لِکھیاں گئیاں او ساڈی نصیحت کیتے لِکھیاں گئیاں تاں جو صبر نال تے خُدا دے کلام دی تسلی نال ساڈی اُمید قائم راہوے۔ 5ہُنڑ صبر تے تسلی ڈیوݨ آلا خُدا تُہاکُوں مسیح یسُوع دے بندے ہوندے ہوئے آپس ءچ ہِک دل تھی تے راہوݨ دی توفیق ڈیوے۔ 6تاں جو تُساں رَل تے، تے ہِک زبان تھی تے ساڈے مالک یسُوع المسیح دے خُدا تے باپ دی تمجید کرو۔

غیر قوماں کیتے خوشخبری

7جِینویں مسیح تُہاکُوں قبول کر گِھدے، اِینویں ای تُساں وی ہِک ڈُوجھے کُوں قبول کرو تاں جو خُدا کُوں جلال مِلے۔ 8مَیں تُہاکُوں ڈسیندا ہاں جو یسُوع مسیح خُدا دی سچائی ثابت کرݨ کیتے یہُودیاں دا خادم بنڑیا، تاں جو اُنہاں وعدیاں دی تصدیق کرے جیہڑے پِیُو ڈاڈے نال کیتے گئے ہَن، 9تے غیریہُودی خُدا دے رحم دی وجہ کنُوں اُوندی تعریف کرݨ۔ جِینویں لِکھیا ہے جو

”اِیں واسطے مَیں غیر قوماں ءچ تیڈا اِقرار کریساں،

تے تیڈے ناں دی حمد کریساں#زبُور 18‏:49۔۔“

10تے ایہ وی لِکھیا ہے جو

”غیر قومو! اُوندی اُمت نال خوشی مناؤ#اِستِثنا 32‏:43۔ ۔“

11تے ایہ وی جو

”سبھ قومو! رب دی حمد کرو

تے سبھ اُمتو! اُوندی تعریف کرو#زبُور 117‏:1۔ ۔“

12تے یسعیاہ وی آدھے جو

”یسّی دی جڑھ ءچوں نوِیں شاخ نِکلسی

یعنی او بندہ جیہڑا غیر قوماں اُتے حکُومت کرݨ کیتے اُٹھسی

اُوندے اُتے غیر قوماں اُمید رکھیسن#یسعیاہ 11‏:10۔ ۔“

13خُدا جیہڑا اُمید دا سرچشمہ ہے تُہاکُوں اِیمان رکھنڑ دے سببّوں ساری خوشی تے اِطمینان نال بھر ڈیوے تاں جو رُوح القُدس دی قُدرت نال تُہاڈی اُمید ودھدی ونجے۔

پولُس دی دلیری نال لِکھنڑ دی وجہ

14میڈے بِھراؤ! میکُوں تُہاڈے بارے ءچ یقین ہے جو تُساں خود وی نیکی تے علم نال بھریج گئے ہیوے تے ہِک ڈُوجھے کُوں نصیحت کرݨ دے قابل وی ہیوے۔ 15وَل وی مَیں کُجھ گالھیں بہُوں دلیری نال تُہاکُوں یاد ڈیواوݨ کیتے لِکھیاں ہِن۔ خُدا میڈے اُتے فضل کیتے 16جو مَیں غیریہُودیاں ءچ مسیح یسُوع دا خادم بنڑ تے خوشخبری دی خدمت کاہِندی طرحاں کراں، تاں جو غیریہُودی رُوح القُدس دے ذریعے پاک تھی تے ایجھی نذر بنڑ ونجنڑ، جیہڑی خُدا دے حضُور ءچ مقبول ہووے۔ 17اِیں واسطے مَیں یسُوع مسیح دے وسیلے خُدا کیتے آپنڑی خدمت اُتے فخر کر سگدا ہاں۔ 18پر میکُوں کہیں بئے کم کُوں بیان کرݨ دی جُرأت نئیں سوائے اِنہاں کماں دے جیہڑے مسیح غیریہُودیاں کُوں خُدا دے تابع کرݨ کیتے میڈے ذریعے کیتے۔ ایہ سبھ کُجھ اُوں کم، کلام، 19معجزیاں تے عجیب کماں دی طاقت تے رُوح القُدس دی قُدرت دے وسیلے نال کیتا۔ اِینویں مَیں یروشلیم تُوں گِھن تے اِلُرِکُم صوبے تئیں مسیح دی خوشخبری دی پُوری پُوری تبلیغ کیتی۔ 20میڈا مقصد ایہ ہا جو جِتھاں مسیح دا ناں نئیں پُجیا، اُتھاں خوشخبری سُنڑاواں، کیوں جو مَیں کہیں بئے دی بنیاد اُتے کُجھ بنڑاوݨ نئیں چاہندا۔ 21بلکہ جِینویں لِکھیا ہے اُونویں ای تھیوے جو

”جِنہاں کُوں اُوندی خبر نئیں پُجی، او ڈیکھسن

تے جِنہاں اصلُوں نئیں سُنڑیا، اُنہاں کُوں سمجھ آسی#یسعیاہ 52‏:15۔ ۔“

پولُس دا روم ونجنڑ دا منصوبہ

22اِیں سببّوں مَیں تُہاڈے کولھ آوݨ کنُوں حالی تئیں رُکیا ریہا۔ 23پر ہُنڑ اِنہاں علاقیاں ءچ میڈی خدمت کرݨ کیتے جاہ باقی نئیں ریہی، تے مَیں بہُوں سالاں کنُوں تُہاڈے کولھ آوݨ چاہندا وی ہاں۔ 24اِیں واسطے میکُوں اُمید ہے جو سپین ویندے ویلے تُہاڈے کنُوں تھیندا ویساں، تے تُہاڈے نال چنگی طرحاں مُلاقات کرݨ تُوں بعد میکُوں اُمید ہے جو تُساں اگُوں دے سفر کیتے میڈی مدد کریسو۔ 25پر ہُنڑ مَیں خُدا دے لوکاں دی خدمت کرݨ کیتے یروشلیم ویندا پِیا ہاں۔ 26کیوں جو مَکِدُنیہ تے اَخیہ دے ایماندار یروشلیم دے پاک لوکاں کیتے جیہڑے غریب ہِن، چندہ بھیجنڑ چاہندے ہِن۔ 27ایہ کم اُنہاں خوشی نال تاں کیتا پر یروشلیم دے پاک لوکاں دے قرضدار وی ہَن۔ کیوں جو جے غیر قوماں یہُودیاں دیاں رُوحانی برکتاں ءچ شامل تھئیاں ہِن تاں ضروری ہے جو او وی آپنڑی جِسمانی برکتاں نال یہُودیاں دی خدمت کرݨ۔ 28بس میں اِیں رقم کُوں اُنہاں تئیں پُچا تے اِیں خدمت کُوں پُورا کرݨ تُوں بعد تُہاڈے کنُوں تھیندا ہویا سپین روانہ تھی ویساں۔ 29مَیں جانڑدا ہاں جو جِیں ویلے تُہاڈے کولھ آساں تاں مسیح دیاں ساریاں برکتاں گِھن تے آساں۔

30بِھراؤ! مَیں تُہاکُوں ساڈے خُداوند یسُوع المسیح دا واسطہ ڈے تے، تے رُوح القُدس دی محبت یاد ڈیوا تے مِنت کریندا ہاں جو میڈے نال رَل تے خُدا کنُوں میڈے کیتے دُعا ءچ لگے راہو۔ 31دُعا کرو جو مَیں یہُودیہ دے غیر اِیمانداراں کنُوں بچیا راہواں تے میڈی خدمت یروشلیم دے پاک لوکاں کُوں پسند آوے۔ 32وَل میں خُدا دی مرضی نال تُہاڈے کولھ خوشی نال آساں تے تُہاڈے نال رہ تے تازہ تھی ویساں۔ 33خُدا جیہڑا اِطمینان دا سرچشمہ ہے، تُساں ساریاں نال راہوے۔ آمین۔

Currently Selected:

رومیوں 15: SKRV

Highlight

Copy

Compare