रोमि किताब नाल्पाका
किताब नाल्पाका
इदोइ चिथि पावल रोमता हिका मन्डलिहेङ लेखिका हिघाखे। वा बेन्यामिन खालको यहुदि मास्टर हिघाखे (फिलिप्पि ३:५-६)। जेलाउ ख्रिस्टको रेम्काबानाल फाइलेलि तेङहि कालाउ पावल खान्धुरिगेलाइहेङ सान्ताइलि तेङहि (साल्तेङ दिङगिल्का २२:३-५, २६:९-११)। एअ्नि इङकोङ कामता दमस्कस पुरभारि हानिकाताङ पालाउ वा प्रभु इसु ख्रिस्टको दरसन निङहि (साल्तेङ दिङगिल्का ९:३-६; २२:६-८; २६:१२-१८)। ख्रिस्ट एन्सालाउसो इङकोहेङ साल्तेङ दिङगिल्का बान्हाइहि। कालाउ इङको पहरसो यहुदि साल्हा मामानिकालाइको माझाता रेम्काबानाल पारचार पालि इसु पावलहेङ दिङगिल्हि।
पावल सुमखे पारचार पालि हानिलाउ एफिसि, फिलिप्पि, थेसलोनिके, कोरिन्थ, टरकि रो ग्रिसता हिका हेन्जाङ बो पुरगेलाइता ख्रिस्टियन मन्डलिगेलाइ बान्हाइतेङ इङको ताइमिको बान्हाइका नावा मन्डलिगेलाइहेङ चिथि लेखिहि। पावल कलस्सि रो रोमता हिका मन्डलिगेलाइहेङ बुङ चिथि लेखिहि, जेदोङ मन्डलिगेलाइहेङ वा बान्हाइका मान्थुघाहि। पावल तिमोथि, तितस रो फिलेमोनहेङ बुङ ताइपाहासो चिथिगेलाइ लेखिका हिघाखे। जेदोङ चिथि ख्रिस्टको बिद्या बुझिलि रो केलाइ ख्रिस्टियनगेलाइ हिसिका चालाता चलिलि गोइका दोअ्तेङ धिरलिको भाअ्सिङ इदोइ चिथिगेलाइ केलाइहेङ हेन्जाङ हारजा हि।
पावल रोमिगेलाइहेङ लेखिका इदोइ चिथि ग्रिसता हिका कोरिन्थ दोअ्का पुरसो सन् ५५ ता पिगिल्का हिघाखे। रोमिगेलाइहेङ लेखिका पावलको इदोइ चिथि ख्रिस्टको मुल बिसाइ इदोङ: गोताङ द्याङगेलाइ पापि हि, द्याङको कामगेलाइसो माको कालाउ ख्रिस्टता खान्धुरपातेङ खिनिङ एम्बालाइ परमेस्वरको नजरता धरमाति ठार्हाइन्हातेङ छुटकारा रो हेअ्लाउ मामुअ्का जिबन निङलि दोखे। इदोइभाअ्सिङ जेलाउ केलाइ पावलको लेखिका चिथिगेलाइ पोर्हेन्हाखे, केलाइ फोम पालिगोयाङ इदोइ चिथिगेलाइ परमेस्वरदोङ लेखितेङ पिगिल्का चिथिगेलाइ।
पोतोका बिसाइ सुचि
नाल्पाका १:१-१७
द्याङहेङ गोइका छुटकारा १:१८-३:२०
छुटकाराको भाअ्सिङ परमेस्वरको उपाइ ३:२१-४:२५
ख्रिस्टता नावा जिबन ५:१-८:३९
परमेस्वरको उपाइता यहुदिगेलाइ ९:१-११:३६
ख्रिस्टियन आनिबानि १२:१-१५:१३
आखिरि रो सेउपाका १५:१४-१६:२७
Currently Selected:
रोमि किताब नाल्पाका: DHIM
Highlight
Copy
Compare
Share
Want to have your highlights saved across all your devices? Sign up or sign in
© 2025 by Nepal Bible Society and Wycliffe Bible Translators, Inc.