२ कोरीन्थी 13
13
1लौ इकुस्इ द्याह् सुम् पेन्ह्कायः नीङ्कःताङ् वाङ्लेःनाङः। परमेस्वर्कोः आखरःहाङःपाय् “यात्चाक्इ अरुकायः गाल्तुम्ती नोःओ बेलाहाङः अरु नीस्सुम्चाक्इ ओउः गाल्तुम्ओ कुरा चाङःती नोःसा खेःतो” त दाय्ह्ओ लेखती मुनाः। 2अरु ङ्हा वाङ्तोक् बेलाहाङः ङाइ गानाक्ती तोओ कुरापाय् द्याह् वाङ्धाङ्मालोहाङः सबैकायः कोदीङःती तोनेःनाङ्स। ङा द्यान्ह्ती वाङ्तोक्हाङः ओउः पेमालो काम् जाङ्ह्ओलम्कायः सबैलेः न्युम्ह्ताक्नेःनाङ्सु। 3ङाइ तोओ कुरापाय् ख्रीस्सै वाङ्ओ लेःआः त छ्यानःसाकायः ओउःतलेः हायःनाङः बा। ओउः ख्रीस्पाय् ग्वम् नाःमालो खेःल ओउःकोः ग्वम् नीङ्कायः छ्यानःतोलेः मुनाः। 4क्ल्याय्ओ सीङःहाङः सात्ओ बेलाहाङः ख्रीस्पाय् ग्वम् नाःआक्मालो खेःतो। द्याह् परमेस्वर्कोः ग्वम्पाय् दोःती ओउःपाय् उह्ती च्योक्आक्तीको सेलःलेः मुनाः। ङीमा ओउःकुस् ब्राङ्तीलेः ग्वम् नाःमालो खेःङीतो नीङ्कायः काम् जाङ्ह्साकायः ङीमा ओउःकुस् परमेस्वर्कोः ग्वम् दोःती सेलःलेः वाह्नाङी।
5लौ लयःकोः ल्हुङ्तुक् तय्छनःती योनीङ्सी पेतोलेः ङ्हाम्तेःनानीया पेतो ङ्हाम्तेःनीलीया त योनीङ्सी। येसु ख्रीस्पाय् नीङ्कुस् ब्राङ्ती मुलेःनाः त चीःतेःनानी माःर चीःतेःनीली त खेःया नीङ् स्याव्मालो खेःतेःनै। 6ङीकायःपाय् “पेतोलेः स्याव्नै” त लोने चीःतेःनानी यादो एतलेः ताःती म्हर्नाङः। 7ओहाङःसैको नीङ्कायःपाय् “पेमालो काम् जाङ्ह्सा ताक्ताक्लाम्” त दाय्ह्ती परमेस्वर्कः तेलेःनाङी। ङीखेकायः पेतोलेः त छ्यानःसाकायः ह इत तेनाङीली नीङ्खेकायः दोङ् पेओ काम् जाङ्ह्ओलम् स्याव्साकायः इतलेः परमेस्वर्कः तेनाङी। ङी गतलोमा स्याव्नाङी पेतो स्याव्नाङीया पेमालो स्याव्नाङीया ओउःतलेः तेनाङी। 8ङीइपाय् दोङ् कुरा ह जाङ्ह्सा खाय्नाङःसु दोङ्मालो कुराखेपाय् ङीइ दोह्मा जाङ्ह्सा खाय्ङुसुलु। 9ङीखे मीतो नीङ्खे ताङ्ह्तो स्याव्तेःनै त खेःया ङी चोङाय्नाङी। नीङ् जुगाङ् पेतो स्याव्नै त झाक्ती ङी परमेस्वर्कः तेती तोनेःनाङ्स। 10ओउःत झ्यान्ते ङा नीङ्कुस् मुधाङ्मालो बेलाहाङः इ कुरा तोती लेखनेःनाङ्स दोह् हायःती दाय्ह्सा नीङ्कुस् मुतोक्हाङः इतलेः खह्र्तो तोसामा जाङ्ह्सामा परङल खह्र्तो तोयाकायःपाय् ङाइ पेमालो स्याव्ताक्नेःनाङ्स यादो। ओउःत हायःओ स्याव्ल। नीङ्कायः पेतो स्याव्ताक्सा काम् जाङ्ह्साकायः ह प्रभुइ ग्वम् बयःआक्तीको ल्होक्आताङः नीङ्कायः पेमालो स्याव्ताक्साकायः खेःल।
11लौ द्याह् पुःचोङ् हौचोङ्लम् पेतोलेः मुन ङाइ तोओ कुरा सायःती गलकायःमा जुगाङ् पेओ काम् जाङ्ह्सा बोङःनु दा। लयःकुस् काय्काय्माःत ब्राङ्तोलेः मुन। ओहाङःसैको ओउः धोमाय्ताक्ओमा राप्काय्ताक्ओ परमेस्वर्पाय् नीङ्कुस् मुलेःनाः। 12सबैकायः ग्रोम्ती रोम्काय्न 13इहाङःकोः ङ्हाम्ओलम्इ सबैइ नीङ्कायः नमस्ते ल्होक्तेःनै। 14लौ प्रभु येसु ख्रीस्इलेः नीङ्कायः योनःती योतेःपै। परमेस्वर्इ नीङ्कायः राप्तेःपै ओउःकोः ग्वालामःमा नीङ्कुस् ब्राङ्ती मुपै। ओउःच्युक्लेः।
Currently Selected:
२ कोरीन्थी 13: CDM93
Highlight
Copy
Compare
Share
Want to have your highlights saved across all your devices? Sign up or sign in
© 1993 Wycliffe Bible Translators Inc., All Rights Reserved.
