Ehanita 25
25
Awotya Paulo Ihosyere Festo
1Ninya afany Festo ifau ania ihalu oŋitek hunihoi olo nya inyi to Cesarea many Yerusalem. 2Nyo iramani ehumak eleittaha iko eleittaha hulo Yudea eram ono Paulo jihonyi bwo ilolyahini jihonyi, 3iloŋuniere Paulo many Yerusalem. Nyo igigiloi isi ifwarri irrari inyi ikoi ittohori. 4Ati itarraŋ Festo jihosi ojo, Ifita Paulo ifau Cesarea bwo awak ni leten ihwania dia. 5Ette inyi jaran jihosi, Ijara omuk eleittaha hatai efwo ikoŋ. Kuyya owon obo eram jyo atulo olo oremehini isi ’rosyo inyi.
6Ihalu omuk oŋitek hottohunik kuyya ’tomon, olo inyi Cesarea ilokikoi. Nya motye itoŋo inyi imaji lokiko ette iloŋuna isi heteyaŋuniehe Paulo jihonyi. 7Ninya ottu inyi ette Yudea hul ofwoi’to to Yerusalem wotya ihosyere honyi irrasaniere inyi erre arryai hun obeŋi’to italeyehini nelahode. 8Ojo Paulo, Abeŋ ni amesyo efahita Yudea kuyya amyana aji imojit eneittok, ara bu amoryo Cesare, obeŋ ’tuŋ. 9Ati awak Festo itilik atajya Yudea ette jaran jyo Paulo, ?Iwak iye leten Yerusalem iwwahari eram hoi dia ihosyere hoŋ? 10Ati ojo Paulo, Awotya ni ihwania ilokiko ono Cesare. Oremik ana. Imijak iye abeŋ ni ehanio obo ariŋ on orroho jyo Yudea. 11Kuyya ehanio ni on orroho bwo fe osiru jihoŋ aye, abeŋ ni afuho. Ati kuyya orrosi isi ani asai obeŋ tulo oremik itujulumonia ani jihosi. Ati ejulum ni jyo Hobu Cesare. 12Inyyak Festo iwwaha iko ewwak hirre hama ette jaran jyo Paulo, Ijo iye iyaro adi iye eram hoi jyo Cesare, ilo ati jyo Cesare.
Awotya Paulo Ihosyere Hobu Agripa
13Ihalu omuk oŋitek ofwonni Hobu Agripa iko ŋorwoi honyi Bernika many Cesarea irraŋuniere Festo. 14Arasai nya isi dia oŋitek arryai attati Festo iwwaha eram ono Paulo jyo hobu Agripa jo, Owon obo atulo ol obusak nya Filice ibabus. 15To ninya awanari ni Yerusalem, iramani ehumak eleittaha iko aati eleittaha hulo Yudea inyi jihoŋ ojori, ijara ani aŋot eram honyi. 16Ajo nya ni jihosi jo, abeŋ ni aremik isyarana inyi jihatai nyo obeŋ efahi ono Roma ojo oŋida isyori obo atulo jyo aati horos honyi hobeŋi iwwahai eram honyi ihomomite hosi bwo inyi itarraŋ erositi hosi. 17To ninya ottubarik isi dini abeŋ nya ni elliŋya ati nya motye alo ni imaji lokiko bwo etiloŋu ni inyi. 18Ninya owotyai arrosok honyi obeŋi isi arrasani inyi omuk erre hun orrohoji ihwa egigilo ni. 19Ati aŋalafai isi ikonyi ta neruhita hosi bwo fe iko to obo atulo afure honyi Yesu linya oye’to, bwo ojo Paulo, isu inyi. 20Ati abeŋ nya ni amijak aŋai aŋot adi ni neram ania, attati ni ifiyo Paulo kuyya awak inyi ijulum many jyo olokiko eneittok otto Yerusalem. 21Ati olwaha nya Paulo jihoŋ lirrirryari inyi libabus many eyari inyi eram honyi jyo hobu Cesare. Ania, efak ni lomuk loseŋer lirrirryari inyi many ifahinierek inyi jyo Cesare. 22Ojo Agripa jyo Festo, Awak ni itaniŋuna nekyana ono atulo alya ta ahwan hoŋ. Ojo Festo, Itaniŋu adi yo motye.
23Ojo nya motye, ofwonni Agripa iko ŋorwoi honyi Bernika te etahabwo on obolo ette jiŋana ihaji ono lokiko iko oseŋer arryai ojo eleittaha hul omuk. Attati Festo ifahina heteyaŋuniehe Paulo. 24Ojo Festo, Hobu Agripa, ikatai daŋ hul afanyi’to dini, imijyete atulo lya olo. Inyi alya inya iwuwoŋitarik laati Yudea jihoŋ dini bwo fe Yerusalem jo, ijara inyi hotoye. 25Ati abeŋ ni anyurak omuk erre jihonyi hun itasiruni’to aye tenyi. Bwo fe inyi ihwania ta ahwan honyi awak ijulum jyo Cesare bwo fe ajo ni efak inyi dia. 26Ati abeŋ ni amijak anyo adi egyorok ni jyo hobu tenyi. Tania eyaŋuno ni inyi jihoi, hobu Agripa, oŋida iye bwo fe ikyem inyi linyuraniere neram honyi an aremehiniere ni igyoroniere jyo Cesare. 27Nyo obeŋ oyyu ifahiniere ababus ihwo olo jyo hobu bwo ebeŋ egyorok nerre hun ojori ihan inyi.
Currently Selected:
Ehanita 25: LOT1969
Highlight
Share
Compare
Copy
Want to have your highlights saved across all your devices? Sign up or sign in
This text was originally published by the British and Foreign Bible Society in 1969.
