Bena-Siràka 5
5
Fadio ny fitokiana diso toerana
1Aza miantehitra amin’ny harenao
ary aza manao hoe: «Ampy ahy izany!»
2Aza mety hotarihin’ny fironanao mahery vaika
mba hanaraka ny fanirian’ny fonao#5.2 And 1-2: ampit Sal 62.11; 1Tim 6.8-10..
3Aza manao hoe: «Iza no hanam-pahefana amiko?»,
satria hiharan’ny sazin’ny Tompo tokoa ianao.
4Aza manao hoe: «Efa nanota aho,
kanefa tsy nisy zavatra nanjo ahy!»,
fa mahari-po tokoa ny Tompo#5.4 Ampit Kôh 8.11..
5Aza mitoky loatra havela heloka
hany ka hanampy ota ny ota.
6aza manao hoe: «Be hatsarampo Andriamanitra
ka hamela ny heloka maro miavosa!»,
satria samy ao aminy ny indrafo sy ny hatezerana;
ary hianjera amin’ny mpanota ny fahavinirany.
7Aza mitaredretra hiverina amin’ny Tompo,
ary aza mangataka andro isan’andro izao;
satria hipoaka tampoka ny fahatezerany.
ka ho levona ianao amin’ny andro famaizany.
8Aza miantehitra amin’ny harena azo tsy an-drariny,
fa tsy hahefanao na inona na inona ireny
amin’izay andro mahory anao#5.8 Ampit Ohab 10.2; 11.4..
Mitenena amim-pahendrena
9Aza ny rivotra rehetra no ikororoham-bary
ary aza ny lalana rehetra no andehanana
toy ny fanaon’ny mpanota miroa lela#5.9 Jereo Jer 4.11 sy nta..
10Miorena mafy amin’ny fihevitrao,
ary aoka ho tokan-teny ianao!
11Aoka hahafaingana anao ny mihaino,
fa tsy hahamailaka anao ny mamaly#5.11 Ampit Jak 1.19.!
12Raha manan-kevitra ianao no mamalia ny namanao;
fa raha tsy izany kosa, tampeno tanana ny vavanao.
13Na ny voninahitra na ny henatra
dia samy ao amin’ny resaka atao;
ary ny tenin’ny olona ihany
no mety hitarika faharavana ho azy#5.13 Ampit Ohab 10.19; 13.3; Jak 3.6..
14Aza mitady laza ho mpanaratsy
ary aza mamela-pandrika amin’ny fiteny,
satria ny mpangalatra no iantefan’ny henatra
ary ny mpiroa lela no iharam-panamelohana mafy,
15Aza diso na amin’ny zavatra kely na lehibe.
Dikanteny Iombonana Eto Madagasikara © Malagasy Bible Society, 2004.