Bena-Siràka 3
3
Adidy amin’ny ray aman-dreny
1Henoy, rey anaka, ny anatry ny rainareo
ary ampiharo izany mba hamonjena anareo#3.1 And 1-16: ampit 7.27-28; Eks 20.12; Ohab 30.17.;
2fa ny Tompo manome voninahitra ny ray eo amin-janany,
ary manorina ny fahefàn’ny reny eo amin’ny naterany.
3Izay manaja ny rainy dia manoni-pahotana
4ary izay manome voninahitra ny reniny
dia tahaka ny olona manangon-karena.
5Izay manaja ny rainy dia hampifalîn-janaka
ary hohenoina amin’ny andro ivavahany.
6izay manaja ny rainy ho lava andro iainana,
izay manaiky ny Tompo hahafa-po ny reniny#3.6 Misy stf grika manampy hoe: Izay manaja ny Tompo dia hanaja ny rainy. ;
7tahaka ny mpanabe azy no anompoany ray aman-dreny.
8Hajao ny rainao, na amin’ny atao na amin’ny teny,
mba hirotsahan’ny tsodranony aminao#3.8 Eto no manomboka ny anankiray amin’ireo stf izay manome ampahan’ny rijan-teny hebreo lavalava ihany.;
9fa ny tsodranon-dray aman-dreny
manamafy ny tranon’ireo zanany,
ary ny ozony kosa mampiongotra ny fanorenany#3.9 And 9: ny stf hebreo dia manao hoe: Ny tsodranon-dray mampiorina voly fa ny ozon-dreniny manongotra azy. .
10Aza atao voninahitra ho anao
ny fahafaham-baràkan-drainao,
satria tsy ahazoanao voninahitra
ny fahafaham-baràka mihatra aminy;
11ny voninahitry ny rainy manko
no iavian’ny hajan’ny olona;
ary ny reny voatevateva
dia henatra ho an’ny zanany.
12Karakarao, anaka, ny rainao amin’ny fahanterany
ary aza ampalahelovina izy amin’ny andro iainany.
13Na dia very saina aza izy, dia anehoy fandeferana;
ary aza manatsinontsinona azy ianao izay heni-tanjaka#3.13 Ampit Ohab 23.22..
14Satria ny fiantrana ataonao amin-drainao
dia ho tsaroan’Andriamanitra hatrany;
ho solon’ny fahotanao izany
sy ho fanambinana ny tranonao.
15Hotsarovan’Andriamanitra ianao amin’ny andro mahory;
ka toy ny ranomandry levon’ny masoandro
no indro hahalevonan’ny fahotanao.
16Izay mahafoy an-drainy dia mpanevateva an’Andriamanitra
ary izay mampahatezitra ny reniny dia ho voaozon’ny Tompo#3.16 Ampit Ohab 29.26..
Ny fanetrentena
17Anaka, ataovy amin-kalemen-panahy ny asanao,
dia hotiavina noho ny olona malala-tanana ianao.
18Arakaraka ny maha lehibe anao no ietreo tena,
dia hahita sitraka amin’ny Tompo ianao#3.18 And 18: ampit Nom 12.3; Ohab 3.34; Fil 2.3. –Misy stf grika manampy hoe: 19 Betsaka ny olona ambony toerana sy manan-daza, / kanefa ny manetry tena no anehoan’ny Tompo ireo tsiambaratelony. !
20Na lehibe aza manko ny fahefàn’ny Tompo,
dia ny manetry tena no manome voninahitra Azy.
21Aoka ianao tsy hitady zava-tsarotra loatra aminao
ary tsy hikarokaroka izay tsy tratry ny herinao!
22ny didy nampitaina taminao no saintsaino,
fa tsy ilaina hanadihady ny zava-miafina ianao#3.22 Ampit Deot 29.28..
23Aza milofo amin-draharaha tsy tratran’ny eritreritrao,
fa ny naseho anao aza efa tsy takatry ny sain’olona.
24Efa nampivoana olona maro ny fahadisoan-keviny,
ka ny fisainana ratsy no nampivily eritreritra azy#3.24 Misy stf manampy hoe: 25 Raha tsy manana anakandriamaso ianao, dia tsy manam-pahazavana; / raha tsy manam-pahaizana ianao, dia aza mihambo ho mahay. .
Ny fiavonavonana
26Hiafara amin’ny fahavoazana ny fo maditra,
ary izay mankamamy loza no ho fatin’izany.
27Hivesatra fahoriana ny fo maditra,
ary fahotana mifanongoa no havosan’ny mpanota.
28Tsy laitram-panafody ny voina mahazo ny mpiavonavona,
satria efa tsara fototra ao aminy ny tsirim-paharatsiana.
29Ny fon’ny olona misaina no hieritreritra ny fanoharana;
ny sofina malady no zavatra irîn’ny hendry.
Ny asa fiantrana
30Ny rano mamono ny afo midedadeda
ary ny asa fiantrana mikosoka ny fahotana.
31Izay manao asa soa dia mitsinjo ny ho avy,
ka hahita fiankinana fony izy hivembena#3.31 And 31a: araka ny stf hebreo; mampiroaroa saina ny rijan-teny grika. –And 30-31: ampit Deot 15.7-11; Ohab 19.17; Tôb 4.10. Mt 5.7..
Dikanteny Iombonana Eto Madagasikara © Malagasy Bible Society, 2004.