Bena-Siràka 22
22
Ny Kamo
1Sahala amin’ny vato feno diky maloto ny kamo,
ka akorain’ny besinimaro izy satria afa-baràka.
2Sahala amin’ny avosan-jezika ny kamo,
ka izay mandray izany hanifikifi-tanana.
Ny zaza mahamenatra ray aman-dreny
3Ny zazalahy ratsy taiza
dia henatra ho an-drainy;
ny zazavavy izay toy izany koa
dia teraka hanome fatiantoka azy#22.3 And 3: ampit Ohab 17.21-25..
4Ny zazavavy misaina dia hahazo vady;
fa ny zazavavy ahazoan-kenatra kosa
dia mampalahelo ny ray niteraka azy#22.4 Ampit 42.9-11..
5Ny vehivavy tsy valahara dia henatra
na ho an’ny rainy na ho an’ny vadiny;
ka samy hanamavo azy izy roa tonta#22.5 Ampit Ohab 12.4..
6Ny fananarana dia tsy sahaza azy velively
toy ny mozikam-pifaliana eo anivom-pisaonana;
fa ny mampiasa tsora-kazo sy famaizana kosa
no fahendrena amin’ny fotoan-drehetra#22.6 Ampit 30.1-13. –Misy stf grika manampy hoe: Ny zaza manan-kohanina sy manana fomba fiainana mendrika dia mampanadino ny toerana tsotsotra nisy ireo ray aman-dreniny; 8 fa ny zaza mpanebaka sy ratsy taiza ary miavonavona dia manala baràka ny toeram-piandrianan’ny fianakaviany. .
Tsy laitra anarina ny olona adala
9Ny mampianatra olona adala
dia toy ny mamitrana vilany tany vaky
na toy ny mamoha mpatory
rendrika lalina amin’ny torimaso.
10Toy ny miteny amin’olona rendremana
ny miresaka amin’olona adala,
ka farany izy vao hanao hoe: «Ahoana ange?»
11Itomanio ny maty, satria very fahazavana izy;
itomanio koa ny olona adala satria very saina izy;
itomanio moramora kokoa ny maty
satria nahazo fitsaharana izy;
fa ny fiainan’ny olona adala kosa
dia ratsy noho ny fahafatesana.
12Ny fisaonana ny maty dia maharitra fito andro ihany.
fa ny fisaonana ny olona adala na ny tsy mpivavaka kosa
dia maharitra mandritra ny andro rehetra iainany.
13Aza lava resaka amin’olon adala
ary aza miara-dalana amin’ny tsy manan-tsaina;
mitandrema tena aminy mba tsy ho sahirana ianao
ary tsy ho voatolony rehefa mihifikifika izy;
ihodiviro izy, dia hahita fitsaharana ianao
sady tsy hotsiravina mahita ny hafokàny#22.13 Ampit Ohab 26.4-5. –Misy stf grika manampy hoe: satria tsy ampoiziny akory no anotorany fanesoana anao. .
14Inona moa no zavatra mavesatra noho ny firaka?
Tsy inona akory izany fa ny olona adala.
15Na ny fasika iray kitapo na ny sira iray gony na ny vongam-by
dia mora entina kokoa noho ny olona tsy manan-tsaina#22.15 And 14-15: ampit Ohab 27.3..
16Ny hazo voarafitra mafy eo amin’ny taon-trano
dia tsy mba ho ravan’ny horohoron-tany;
toy izany koa ny olona miraiki-po mafy
amina fikasana voahevitra tsara
dia tsy mba hanan-tahotra akory
na dia ao anatin’ny fotoan-tsarotra aza#22.16 Ampit Mt 7.24-25..
17Ny olona miankim-po tsara
amin’ny fotokevitra voasaintsaina
dia mitana mafy toy ny lalotra voaharo fasika
izay mandravaka rindrina malambolambo.
18Tsy mahatanty ny rivotra mitsoka mahery
ny vatokely apetraka ambonin’ny tamboho;
toy izany koa tsy mahatoha ny tahotra mianjady
ny fo ampihorohoroin’ny hevitra adaladala#22.18 Toa misy tsiahy toe-javatra tany Palestinina: rehefa mihoatra ny tamboho ny biby mpangala-boaloboka, dia mampianjera ny vatokely eo amboniny ka manaitra ny mpiambina..
Firaiketam-po amin’ireo sakaiza
19Izay manindrona ny maso hampilatsa-dranomaso;
ary izay manindrona ny fo hampamoaka alahelo.
20Mampandositra ny vorona ny mitora-bato azy,
ary mandrava fisakaizana ny manome tsiny sakaiza.
21Raha nanatsoaka antsy hanambana sakaiza ianao,
dia aza manary toky fa mety hisy ihany ny hiverenany.
22Raha niloa-bava hifanditra amin-tsakaiza ianao,
dia aza matahotra fa azo atao ny mihavana aminy indray;
fa ny fandatsana aman’avonavona
na ny fanambarana tsiambaratelo
na ny famelezana atao am-pitaka
no mampandositra ny sakaiza rehetra#22.22 And 21-22: ampit 6.5-17; 27.17-21..
23Aoka ianao hahatoky ny namanao
raha mbola ao anaty fahantrana izy,
mba hahazoanao tombontsoa miaraka aminy
rehefa mby amin’ny fanambinana izy;
aza mandao azy amin’ny andro fitsapana azy,
mba hanananao anjara rehefa handray lova izy#22.23 Misy stf grika manampy hoe: Tsy tokony hoesoina hatrany manko ny miendrika mahantra tahaka ny tsy tokony hiderana ny mpanankarena tsy misaina. .
24Ny setroka na ny etona avy amin’ny memy
dia misondrotra alohan’ny afo;
toy izany koa ny teny manala baràka
dia mipoaka alohan’ny fandatsahan-dra#22.24 Ampit 28.11; Ohab 22.3. Tsara toerana kokoa ity and ity raha apetraka aorian’ny and 20..
25Tsy hahamenatra ahy ny miaro sakaiza
ary tsy hiery velively hanalavitra azy aho;
26fa raha misy kosa loza manjo ahy avy amin’ny ataony,
dia hitandrin-tena aminy avokoa izay mandre izany.
Vavaka mba hahay mifehy tena
27Irîko hisy fiambenana eo amin’ny vavako
sy tombokasem-pahamalinana eo amin’ny molotro
mba hisakana azy tsy hahasolafaka ahy
ary hisakana ny teniko tsy hahavery ahy.
Dikanteny Iombonana Eto Madagasikara © Malagasy Bible Society, 2004.