Salamo 93
93
SALAMO Mpanjaka ny Tompo
1Mpanjaka ny TOMPO, mitafy fiandrianana;
eny, mitafy fiandrianana IZY ary misikina hery
ka voaorina tsara tsy hihontsona izao tontolo izao.
2Efa niorina hatry ny ela ny sezafiandriananao;
hatrizay hatrizay dia Andriamanitra Ianao.
3Fahiny dia nisamboaravoara ny riaka, TOMPO ô,
eny, nisamboaravoaran’ny hatezerana
ary mbola mety misamboaravoara ihany.
4Fa mahery noho ny feon’ny ranobe
sy ny fidoboky ny onja vaventy, TOMPO ô,
ny fanapahanao any ambony any.
5Azo antoka tanteraka ny fepetra nataonao, TOMPO ô;
ho masina lalandava koa ny tranonao.
Currently Selected:
Salamo 93: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.