Jônà Sava lalana
Sava lalana
–Ny bokin’i Jônà dia mitantara ny fahavoazan’ny mpaminany iray izay nitady tsy hankato baikon’Andriamanitra, saingy herim-po very maina. Ny fisehoan-javatra samihafa mampihetsi-po amin’io tantara io dia manazava ireo fampianarana kendren’ny boky homena. Noho izany dia anisan’ny raki-tsoa mitahiry ny fahendren’i Israely izy.
Ny tantaran’i Jônà dia maneho ireto fahamarinana fototra ireto: Andriamanitra tsy mitahiry ny fitiavany ho an’ny Israelita irery ihany, fa mampiseho izany koa amin’ny hafa firenena izay mihevitra izany ho zava-dehibe; vonona mandrakariva Izy hiala amin’ny fandrahonany rehefa mihaino ny fampitandremany ny olona ka miova tanteraka amin’ny fitondrantenany; farany dia Izy no Tompo manontolon’ny zavaboaary, indrindra fa ny fiainana sy ny fahafatesana, koa tsy tokony hisendaotra ny mpaminany raha avelan’Andriamanitra heloka ny mpanota. Ny bokin’i Jônà koa dia maneho amin’ny fomba monge-mahalatsaka sy malemy fanahy ireo zava-tsarotra sy fakampanahy ary fisalasalana izay mety hitranga eo amin’ny fiainan’ny mpaminany, ary koa amin’ny fiainan’ny olona rehetra voairak’Andriamanitra. Mampianatra antsika izy fa Andriamanitra tsy mba mandao ny mpaminany mikorontan-tsaina sy manirery, tahaka ny tsy hamelany azy koa handositra lavitra Azy, satria Andriamanitra dia vonona ny hamerimberina sy hanazava lalandava fa tsy mba manavakavaka akory ny fitiavany.
I Jesoa dia niankina tamin’izay nanjo an’i Jônà mba hanambaràna ny fitsanganany avy any amin’ny maty ary mba hanomezana ny fiovam-pon’ireo olona tao Ninive (Mt 12.38-42) ho ohatra ho an’ireo mpiara-belona taminy.
Currently Selected:
Jônà Sava lalana: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.