Jeremià 52
52
Nataon’i Nebokadnetsara sambo-belona i Tsedekià
(Jereo 39.4-7; 2 Mp 24.18–25.7)
1Feno 21 taona i Tsedekià fony tonga mpanjakan’i Joda; ary naharitra 11 taona no nanjakany tao Jerosalema. Ny anaran-dreniny dia Hamotala zanakavavin’i Jeremià avy ao Libnà#52.1 Libnà: jereo 2 Mp 8.22.. 2Ary nanao izay ratsy eo imason’ny TOMPO izy tahaka izay rehetra nataon’i Jôiakima.
3Fa ny fahatezeran’ny TOMPO no nahatonga izany loza izany tamin’i Jerosalema sy tamin’i Joda, ka niafara tamin’ny fandroahany an’ireo Jodeanina hiala teo anatrehany.
Ary nikomy tamin’i Nebokadnetsara mpanjakan’i Babilôna i Tsedekià. 4Koa tonga tao Jerosalema niaraka tamin’ny tafiny manontolo i Nebokadnetsara. Nitoby manoloana ny tanàna ireo miaramilany, ary nanao tovon-tany manodidina an’i Jerosalema. Taona fahasivy nanjakan’i Tsedekià tamin’izay, ary andro fahafolon’ny volana fahafolo#52.4 Izany hoe tamin’ny faramparan’ny volana Desambra 589 tal J.K. Jereo ny FTS amin’ny voambolana hoe FANISANANDRO. Ampit Ezek 24.1.. 5Naharitra hatramin’ny taona faha-11 nanjakàn’i Tsedekià ny fanaovana fahirano#52.5 Izany hoe fiandohan’ny lohataona 587 tal J.K..
6Mafy dia mafy ny mosary tao an-tanàna fa tsy nanan-kohanina ny mponina. Ary tamin’ny andro fahasivin’ny volana fahefatra#52.6 Faran’ny volana Jona 587 tal J.K., 7dia nisy noloahan’ireo Babilônianina ny mandan’ny tanàna. Koa nony alina dia nitsoaka nandositra ny miaramila jodeanina rehetra. Na dia voahodidin’ny Babilônianina aza ny tanàna, dia niala tao Jerosalema ihany ireo, ka nandalo ny vavahady tanelanelan’ny manda roa sady takaikin’ny sahan’ny mpanjaka#52.7 nandositra ny miaramila jodeanina rehetra: tahaka izay voalazan’ny and 8 sy ny andalana mitovy ao amin’ny 39.4 dia nandositra ireo miaramila izay niaraka tamin’i Tsedekià mpanjaka. –ny vavahady tanelanelan’ny manda roa: dia eo atsimon’ny tanàna. –faharavan’i Jerosalema: jereo Ezek 33.21., ary nihazo ny lalana mankany amin’ny lohasahan’i Jôrdàna. 8Kanjo nenjehin’ny miaramila babilônianina i Tsedekià mpanjaka ary tratrany teo amin’ny lemak’i Jerikao; dia nihahaka nandao an’i Tsedekià ny tafiny manontolo. 9Rehefa voasambotra ny mpanjaka, dia nentina tany amin’ny mpanjakan’i Babilôna izay tao Riblà anatin’ny faritr’i Hamata#52.9 Jereo 39.5 sy nta.; ary namoahan’i Nebokadnetsara didim-pitsarana tao izy. 10Novonoina ho faty teo imason-drainy ireo zanakalahin’i Tsedekià; ary tao Riblà koa no namonoana ho faty ireo mpiasam-panjakana jodeanina. 11Avy teo dia nasain’i Nebokadnetsara nopotsirina ny mason’i Tsedekià; ary nasainy nafatotra gadra halimo sy nentina ho any Babilôna izy mba hatao an-tranomaizina ka nahibony tao ambara-pahafatiny#52.11 Ny fampijaliana nihatra tamin’i Tsedekià: jereo Ezek 12.13..
I Nebozaradàna no namarana ny fandravana an’i Jerosalema
(Jereo 39.8-10; 2 Mp 25.8-21)
12Tamin’ny taona faha-19 nanjakàn’i Nebokadnetsara, nony andro fahafolon’ny volana fahadimy#52.12 Izany hoe ny volana Aogositra 587 tal J.K., dia tafiditra tao Jerosalema i Nebozaradàna, filohan’ny mpiambina sady manamboninahitry ny mpanjakan’i Babilôna. 13Izy no nandoro ny tranon’ny TOMPO#52.13 Faharavàn’ny tempoly: ampit 1 Mp 7.47-50. sy ny lapan’ny mpanjaka ary ireo trano tao an-tanàna, indrindra ny an’ny olona ambony rehetra. 14Ny manda manodidina an’i Jerosalema dia narodan’ny miaramila babilônianina rehetra izay niaraka tamin’ny filohan’ny mpiambina.
15Ary nentin’i Nebozaradàna ho babo ireo mponina sisa tao an-tanàna, dia ireo fianakaviana mahantra vitsivitsy sy ireo olona nitolo-batana tamin’ny mpanjakan’i Babilôna ary ny sisa tamin’ireo mpahay taozavatra#52.15 Jereo 39.3 sy nta.. 16Kanefa dia nisy ampahan’ny vahoaka mahantra navelany mba hamboly ny tanimboaloboka sy ny saha.
17Nopotehin’ny Babilônianina ireo andry halimo tao an-tranon’ny TOMPO mbamin’ireo kalesy ary ilay fitobian-drano halimo goavana teo an-kianja#52.17 andry halimo: jereo 1 Mp 7.15-22. –kalesy: jereo 1 Mp 7.27-37. –fitobian-drano halimo goavana: jereo 1 Mp 7.23-26.; dia nentiny nankany Babilôna avokoa ny halimo. 18Nalainy koa ny fanaka halimo rehetra fampiasa tamin’ny fanompoam-pivavahana, dia ny vilany fasian-davenona sy ny sotron’afo mbamin’ny antsy sy ny tsatokaty famafazana ary ireo lovia madinika. 19Nentin’ny filohan’ny mpiambina koa ny fitaovana volamena sy volafotsy rehetra: ny lovia, ny fandoroana zava-manitra, ny tsatokaty famafazana, ny fandraofan-davenona, ny fitoeran-jiro ary ny kaopy sy ny tavoara#52.19 Momba ireo fanaka halimo, volafotsy na volamena fampiasa teo amin’ny fanompoam-pivavahana: jereo 1 Mp 7.45-50..
20Tsy hita lanja ny halimo tamin’ireo fanaka rehetra izay namboarin’i Salômôna ho an’ny tranon’ny TOMPO: dia ireo andry anankiroa sy ilay fitobian-drano goavana miaraka amin’ireo ombilahy halimo 12 mitondra azy, ary ireo kalesy. 21Ny andry tsirairay dia sivy metatra ny haavony ary enina metatra ny manodidina. Poakaty izy nefa misy valo santimetatra ny hatevin’ny metaly. 22Misy lohany halimo tsirairay avy ny andry ka mahatratra roa metatra sy sasany ny haavony sady voaravaka harato sy ampongabendanitra halimo ny manodidina azy. Mitovy ireo andry roa sy ny ravaka natao taminy. 23Miisa 96 ireo ampongabendanitra teo amin’ny lafiny efatra, izany hoe ampongabendanitra zato no tontaliny tamin’ny manodidina ny harato#52.23 Mety ho azo tsara ihany ny ravaky ny andohalambony izay mizara ho 24 voany avy isaky ny ilany (24 x 4 =96), miampy iray isaky ny zorony efatra. Ny fanehoana antsipiriany omena ao 1 Mp 7.17-21, 41-42 dia milaza fa misy 200 ny ampongabendanitra isaky ny andry..
24Nosamborin’ny filohan’ny mpiambina i Seraià mpisorombe sy i Tsefanià lefiny ary ireo mpisorona telo lahy mpiandry varavarana. 25Nosamboriny koa ny mpiasam-panjakana iray mpiandraikitra ny miaramila sy ny olona fito lahy mpanolotsainan’ny mpanjaka, sy ny mpitantsoratr’ilay manamboninahitra misahana ny fiantsoana ho miaramila, ary ny teratany jodeanina miisa enimpolo lahy; fa samy hitany tao Jerosalema avokoa ireo. 26Nentin’i Nebozaradàna ho any amin’ny mpanjakan’i Babilôna tao Riblà anatin’ny faritr’i Hamata izy rehetra 27ary nasain’ny mpanjakan’i Babilôna novonoina ho faty tao ihany. Toy izany no nitondrana ny vahoaka jodeanina ho babo lavitry ny taniny.
28Ireto no isan’ireo olona nasain’i Nebokadnetsara nentina ho babo: tamin’ny taona fahafito nanjakany#52.28 ny taona fahafito nanjakany: nanjakàn’i Nebokadnetsara no tiany holazaina, izany hoe 598 na 597 tal J.K, mifanandrify amin’ireo zava-nitranga voatatitra ao 2 Mp 24.10-17., Jodeanina 3 023; 29tamin’ny taona faha-18 nanjakany#52.29 Izany hoe tamin’ny 587 na 586 tal J.K., olona 832 avy tao Jerosalema.
30Tamin’ny taona faha-23 nanjakany#52.30 Izany hoe tamin’ny 582 na 581 tal J.K. Ao amin’ny Baiboly dia eto ihany no voalaza io fahababoana fanintelony io., dia mbola nitondra Jodeanina 745 ho babo ihany i Nebozaradàna filohan’ny mpiambina. Koa ny tontalin’izy rehetra dia 6 400.
Nomen’ny mpanjakan’i Babilôna famotsoran-keloka i Jôiakina.
(Jereo 2 Mp 25.27-30)
31Fony 37 taona taorian’ny fanaovana sesitany an’i Jôiakina mpanjakan’i Joda, dia i Evila-Merôdaky no tonga mpanjakan’i Babilôna. Koa tamin’ny volana faha-12 tao anatin’io taona io, nony andro faha-27,#52.31 Momba ny nanaovana sesitany an’i Jôiakina, jereo 2 Mp 24.10-17; Jer 22.24-27. –afaka 37 taorian’ny nanaovana sesitany an’i Jôiakina: izany hoe 562 na 561 tal J.K. –ny volana faha-12: izany hoe tapaky ny volana Marsa any ho any; jereo ny FTS amin’ny voambolana hoe FANISANANDRO., dia nomeny famotsoran-keloka i Jôiakina ka nasainy navoaka ny tranomaizina. 32Dia nanaovany teny mamy izy, ary nomeny toerana ambony kokoa noho ny an’ireo mpanjaka niaraka taminy tao Babilôna. 33Tsy navela hanao ny fitafian’ny mpigadra intsony i Jôiakina; ary niara-nisakafo isan’andro tamin’ny mpanjakan’i Babilôna izy nandritra ny andro sisa rehetra niainany. 34Izany koa no nahazoan’i Jôiakina tamin’ny mpanjakan’i Babilôna ny zavatra nilainy araka ny sahaza azy isan’andro mandra-pahafatiny.
Currently Selected:
Jeremià 52: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.