Isaià 49
49
Ilay Mpanompon’ny Tompo
(tononkira faharoa)
1Mihainoa ahy ianareo,
ry mponina any amin’ny nosy any;
ary atongilano ny sofinareo,
ry firenena any lavitra.
Ny TOMPO no niantso ahy hatrany am-bohòka;
vao teraka aho, dia nantsoiny tamin’ny anarako#49.1 Jereo Jer 1.5; Gal 1.15..
2Nataony toy ny sabatra maranitra ny teniko,
sady arovany ao ambany aloky ny tanany aho;
nataony toy ny zana-tsipîka voarangitra tsara aho
ka voaafiny tao amin’ny tranon-jana-tsipîkany#49.2 Ampit Heb 4.12; Apôk 1.16..
3Hoy Izy tamiko: «Ianao no mpanompoko,
ilay Israely entiko maneho ny voninahitro.»
4Fa izaho kosa manao anakampo hoe:
Very maina ny nisasarako;
zava-poana sy tsinontsinona
no nandaniako ny heriko.
Kanefa ny rariny ananako dia ao amin’ny TOMPO;
ary Izy Andriamanitro no valisoako.
5Ankehitriny kosa niteny tamiko ny TOMPO,
Izay namorona ahy hatrany am-bohòka
mba hahatonga ahy ho mpanompony
ka hampodiako aminy ny taranak’i Jakôba
sy hamoriako ny vahoaka Israely ho eo anilany;
fa mahazo voninahitra eo imason’ny TOMPO aho,
ary Izy Andriamanitro no heriko.
6Dia nitenenany aho ka nataony hoe:
«Tsy ampy raha tonga mpanompoko fotsiny ianao
mba hampitraka ireo foko taranak’i Jakôba
sy hampody ny sisa velona amin’ny vahoaka Israely.
Fa omeko ho fanazavana ho an’ny firenen-kafa koa ianao
mba hitaran’ny famonjeko hatrany amin’ny faran’ny tany#49.6 Ny and 6 dia voatsiahy ao amin’ny Asa 13.47, ary voateny ao amin’ny Lk 2.32. Jereo koa Is 42.6; Jôh 8.12; Asa 26.23..»
Famerenana ny fampanantenana fanafahana
7Ny TOMPO Mpanavotra sady Masin’i Israely,
dia miteny aminao, ry voaeson’ny olona
sy ankahalain’ny firenen-kafa,
ary andevozin’ireo mpanjakazaka;
ka izao no lazainy aminao:
«Raha vao mahita anao ny mpanjaka
dia hitsangana hiala amin’ny sezafiandrianany;
ary hiankohoka ny manampahefana,
raha vao mahatazana anao.
Izany no hanajany Ahy TOMPO mahatoky,
dia Ilay Masin’i Israely efa nifidy anao.»
8Izao koa no lazain’ny TOMPO:
«Tamin’ny fotoana mety
dia namaly ny antsonao Aho,
ary tamin’ny androm-pamonjena
dia tonga namonjy anao Aho.
Nokolokoloiko ianao mba hataoko
ho antoky ny fanekempihavanako amin’ny olona#49.8 androm-pamonjena: jereo 2Kôr 6.2. ho antoky... olona: jereo Is 42.6 sy nta. –Ny faran’ity and ity dia milaza kely ny fizaràna ny tany Kanahàna, teo ambany fitantanan’i Josoa (jereo Jos 13–21)..
Noho izany, dia hanarina ny tany Aho
sy hizara indray ny lova efa rava;
9ka ny mpifatotra izay ao anaty haizina
dia hitenenako hoe:
‹Mivoaha tao ianareo, misehoa.›
Eny an-dalana eny izy dia hahazo sakafo,
ka ho tahaka ny andiam-biby fiompy
mirao-bilona amin’ny havoana rehetra.
10Tsy ho noana sady tsy hangetaheta ireo
ary tsy hampaninona azy akory
na ny rivo-mahamay na ny masoandro,
satria am-pitiavana no hitarihako azy
ary any amin’ny loharano miboiboika
no hitondrako azy hiala hetaheta#49.10 Ampit Apôk 7.16-17..
11Ny tendrombohitra rehetra hasiako lalana;
ary ny arabe kosa hataoko tsara voatra.
12Indreny izy fa tonga avy any lavitra,
ny sasany avy any avaratra,
ny sasany avy any andrefana, avy any an-dranomasina,
ny sasany avy any atsimo, avy any Ejipta.»
13Mifalia, ry lanitra, miravoravoa, ry tany;
manaova horakora-pifaliana, ry tendrombohitra,
fa ny TOMPO efa nampahery ny vahoakany
ary naneho indrafo tamin’ny mahantrany.
Fatra-pitia an’i Tsiôna ny Tompo
14I Tsiôna nanao hoe:
«Efa nandao sy nanadino ahy
ilay ANDRIANANAHARY Tompo.»
15Fa ny TOMPO kosa mamaly hoe:
Moa manadino ny zanany minono ve ny vehivavy
na tsy tia ny zaza naloaky ny kibony intsony?
Na dia mety manadino aza izy,
Izaho kosa tsy mba hanadino anao.
16Indro efa vitako tombokavatsa
eo am-pelatanako ny anaranao,
ary eo imasoko hatrany ny mandanao.
17Tamy faingana ireo mpanarina anao;
fa miala manalavitra anao kosa
ireo nandrava sy nanimba anao,
18Atopazo ny masonao hijery manodidina,
ny zanakao rehetra dia mivory mankeo aminao.
Velona Aho, hoy ny teny hentitry ny TOMPO,
ka mianiana fa izy rehetra
dia hataonao fihaingo toy ny firavaka
ary hataonao fietra toy ny fehikibon’ny ampakarina.
19Eny, toerana rava sy fonenana lao
ary koa tany simba no fahitana anao izao;
kanefa tsy ho omby mponina intsony ianao atsy ho atsy
ary handositra lavitra ireo nandripaka anao.
20Nihevi-tena tsy hanan-janaka intsony ianao,
kanefa hiteny eo an-tsofinao indray ny zanakao
hifampilaza hoe: «Tery ny toerako,
fa mikisaha kely mba hipetrahako.»
21Ianao kosa, ry Tsiôna, dia hanontany tena hoe:
«Iza no nanome ahy ireto zanaka ireto?
Maty anaka aho teo
ary tsy mba nanantena
ny hanan-janaka intsony,
sady natao sesitany sy ankilabao.
Koa iza no nahalehibe an’ireto?
Indro aho navela hanirery,
fa mba avy taiza kosa ireto?»
22Izao no lazain’ny Tompo ANDRIANANAHARY:
«Indro hasandratro ny tanako hanatsika ny firenen-kafa;
ary hatsangako ny fanevako ho hitan’ny vahoaka.
Dia hotrotroiny no fitondra ny zanakao lahy;
ary hoentiny an-tsoroka ny zanakao vavy.
23Mpanjaka no ho mpanabe ny zanakao
ary andriambavy no ho reny mpampinono azy.
Hiankohoka eo anatrehanao ireo manankaja ireo
ary hilelaka ny vovoka amin’ny tongotrao,
dia hoekenao fa Izaho no TOMPO
ka izay miandry Ahy tsy ho diso fanantenana.
24Alaina amin’ny miaramila mahery ve ny rembiny?
Sarihina amin’ny olon-doza ve ny babony?
25Eny, hoy ny famalin’ny TOMPO,
na dia ny babon’ny miaramila mahery aza
dia halaiko aminy;
ary hosarihiko amin’ny olon-doza ny rembiny.
Fa Izaho mihitsy, ry Jerosalema,
no hiady amin’izay miady aminao
sady hanafaka ny zanakao.
26Ireo olona mpampahory anao kosa
hampihinaniko ny nofon’ny tenany ihany
ary hataoko mamon’ny ran’ny tenany ihany
toy ny mimamo amin’ny divay vaovao.
Amin’izay dia ho fantatry ny olona rehetra
fa Izaho TOMPO no mpamonjy anao,
ary Izaho ilay Maherin’i Jakôba no mpanavotra anao.»
Currently Selected:
Isaià 49: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.
Isaià 49
49
Ilay Mpanompon’ny Tompo
(tononkira faharoa)
1Mihainoa ahy ianareo,
ry mponina any amin’ny nosy any;
ary atongilano ny sofinareo,
ry firenena any lavitra.
Ny TOMPO no niantso ahy hatrany am-bohòka;
vao teraka aho, dia nantsoiny tamin’ny anarako#49.1 Jereo Jer 1.5; Gal 1.15..
2Nataony toy ny sabatra maranitra ny teniko,
sady arovany ao ambany aloky ny tanany aho;
nataony toy ny zana-tsipîka voarangitra tsara aho
ka voaafiny tao amin’ny tranon-jana-tsipîkany#49.2 Ampit Heb 4.12; Apôk 1.16..
3Hoy Izy tamiko: «Ianao no mpanompoko,
ilay Israely entiko maneho ny voninahitro.»
4Fa izaho kosa manao anakampo hoe:
Very maina ny nisasarako;
zava-poana sy tsinontsinona
no nandaniako ny heriko.
Kanefa ny rariny ananako dia ao amin’ny TOMPO;
ary Izy Andriamanitro no valisoako.
5Ankehitriny kosa niteny tamiko ny TOMPO,
Izay namorona ahy hatrany am-bohòka
mba hahatonga ahy ho mpanompony
ka hampodiako aminy ny taranak’i Jakôba
sy hamoriako ny vahoaka Israely ho eo anilany;
fa mahazo voninahitra eo imason’ny TOMPO aho,
ary Izy Andriamanitro no heriko.
6Dia nitenenany aho ka nataony hoe:
«Tsy ampy raha tonga mpanompoko fotsiny ianao
mba hampitraka ireo foko taranak’i Jakôba
sy hampody ny sisa velona amin’ny vahoaka Israely.
Fa omeko ho fanazavana ho an’ny firenen-kafa koa ianao
mba hitaran’ny famonjeko hatrany amin’ny faran’ny tany#49.6 Ny and 6 dia voatsiahy ao amin’ny Asa 13.47, ary voateny ao amin’ny Lk 2.32. Jereo koa Is 42.6; Jôh 8.12; Asa 26.23..»
Famerenana ny fampanantenana fanafahana
7Ny TOMPO Mpanavotra sady Masin’i Israely,
dia miteny aminao, ry voaeson’ny olona
sy ankahalain’ny firenen-kafa,
ary andevozin’ireo mpanjakazaka;
ka izao no lazainy aminao:
«Raha vao mahita anao ny mpanjaka
dia hitsangana hiala amin’ny sezafiandrianany;
ary hiankohoka ny manampahefana,
raha vao mahatazana anao.
Izany no hanajany Ahy TOMPO mahatoky,
dia Ilay Masin’i Israely efa nifidy anao.»
8Izao koa no lazain’ny TOMPO:
«Tamin’ny fotoana mety
dia namaly ny antsonao Aho,
ary tamin’ny androm-pamonjena
dia tonga namonjy anao Aho.
Nokolokoloiko ianao mba hataoko
ho antoky ny fanekempihavanako amin’ny olona#49.8 androm-pamonjena: jereo 2Kôr 6.2. ho antoky... olona: jereo Is 42.6 sy nta. –Ny faran’ity and ity dia milaza kely ny fizaràna ny tany Kanahàna, teo ambany fitantanan’i Josoa (jereo Jos 13–21)..
Noho izany, dia hanarina ny tany Aho
sy hizara indray ny lova efa rava;
9ka ny mpifatotra izay ao anaty haizina
dia hitenenako hoe:
‹Mivoaha tao ianareo, misehoa.›
Eny an-dalana eny izy dia hahazo sakafo,
ka ho tahaka ny andiam-biby fiompy
mirao-bilona amin’ny havoana rehetra.
10Tsy ho noana sady tsy hangetaheta ireo
ary tsy hampaninona azy akory
na ny rivo-mahamay na ny masoandro,
satria am-pitiavana no hitarihako azy
ary any amin’ny loharano miboiboika
no hitondrako azy hiala hetaheta#49.10 Ampit Apôk 7.16-17..
11Ny tendrombohitra rehetra hasiako lalana;
ary ny arabe kosa hataoko tsara voatra.
12Indreny izy fa tonga avy any lavitra,
ny sasany avy any avaratra,
ny sasany avy any andrefana, avy any an-dranomasina,
ny sasany avy any atsimo, avy any Ejipta.»
13Mifalia, ry lanitra, miravoravoa, ry tany;
manaova horakora-pifaliana, ry tendrombohitra,
fa ny TOMPO efa nampahery ny vahoakany
ary naneho indrafo tamin’ny mahantrany.
Fatra-pitia an’i Tsiôna ny Tompo
14I Tsiôna nanao hoe:
«Efa nandao sy nanadino ahy
ilay ANDRIANANAHARY Tompo.»
15Fa ny TOMPO kosa mamaly hoe:
Moa manadino ny zanany minono ve ny vehivavy
na tsy tia ny zaza naloaky ny kibony intsony?
Na dia mety manadino aza izy,
Izaho kosa tsy mba hanadino anao.
16Indro efa vitako tombokavatsa
eo am-pelatanako ny anaranao,
ary eo imasoko hatrany ny mandanao.
17Tamy faingana ireo mpanarina anao;
fa miala manalavitra anao kosa
ireo nandrava sy nanimba anao,
18Atopazo ny masonao hijery manodidina,
ny zanakao rehetra dia mivory mankeo aminao.
Velona Aho, hoy ny teny hentitry ny TOMPO,
ka mianiana fa izy rehetra
dia hataonao fihaingo toy ny firavaka
ary hataonao fietra toy ny fehikibon’ny ampakarina.
19Eny, toerana rava sy fonenana lao
ary koa tany simba no fahitana anao izao;
kanefa tsy ho omby mponina intsony ianao atsy ho atsy
ary handositra lavitra ireo nandripaka anao.
20Nihevi-tena tsy hanan-janaka intsony ianao,
kanefa hiteny eo an-tsofinao indray ny zanakao
hifampilaza hoe: «Tery ny toerako,
fa mikisaha kely mba hipetrahako.»
21Ianao kosa, ry Tsiôna, dia hanontany tena hoe:
«Iza no nanome ahy ireto zanaka ireto?
Maty anaka aho teo
ary tsy mba nanantena
ny hanan-janaka intsony,
sady natao sesitany sy ankilabao.
Koa iza no nahalehibe an’ireto?
Indro aho navela hanirery,
fa mba avy taiza kosa ireto?»
22Izao no lazain’ny Tompo ANDRIANANAHARY:
«Indro hasandratro ny tanako hanatsika ny firenen-kafa;
ary hatsangako ny fanevako ho hitan’ny vahoaka.
Dia hotrotroiny no fitondra ny zanakao lahy;
ary hoentiny an-tsoroka ny zanakao vavy.
23Mpanjaka no ho mpanabe ny zanakao
ary andriambavy no ho reny mpampinono azy.
Hiankohoka eo anatrehanao ireo manankaja ireo
ary hilelaka ny vovoka amin’ny tongotrao,
dia hoekenao fa Izaho no TOMPO
ka izay miandry Ahy tsy ho diso fanantenana.
24Alaina amin’ny miaramila mahery ve ny rembiny?
Sarihina amin’ny olon-doza ve ny babony?
25Eny, hoy ny famalin’ny TOMPO,
na dia ny babon’ny miaramila mahery aza
dia halaiko aminy;
ary hosarihiko amin’ny olon-doza ny rembiny.
Fa Izaho mihitsy, ry Jerosalema,
no hiady amin’izay miady aminao
sady hanafaka ny zanakao.
26Ireo olona mpampahory anao kosa
hampihinaniko ny nofon’ny tenany ihany
ary hataoko mamon’ny ran’ny tenany ihany
toy ny mimamo amin’ny divay vaovao.
Amin’izay dia ho fantatry ny olona rehetra
fa Izaho TOMPO no mpamonjy anao,
ary Izaho ilay Maherin’i Jakôba no mpanavotra anao.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.