Hezrà Sava lalana
Sava lalana
–Ny tontolo iainana nipoiran’ireo Bokin’ny Tantara no nipoiran’ny bokin’i Hezrà sy ny bokin’i Nehemià (jereo ny sava lalana momba ny 1 Tantara) ary miendrika ho tohin’ireo bokin’ny Tantara mihitsy izy roa tonta. Toe-panahy sy fomba fijery iombonana no nanoratana azy rehetra.
Ny bokin’i Hezrà dia manomboka amin’ilay fanomezan-dalana nataon’i Kirôsa amperôran’i Persia mba hahazoan’ny Jiosy hiverina any Jerosalema sy hanorina indray ny tempoly (toko 1). Olona maro tamin’ireo jiosy voasesitany no miainga hiverina an-tanindrazana (toko 2); ka ny zavatra voalohany imasoany ao Jerosalema dia ny manangana indray ny alitara fisoronana sy mampisy indray ny fanompoam-pivavahana (toko 3). Saingy rehefa niomana sy niroso hanorina ny tena tempoly ry zareo, dia niseho ny fisakanan’ny mpanohitra sasantsasany, ka mahatonga fifanoratan-taratasy amin’ny fitondrana persianina. Fanamafisana ilay fanomezan-dalana sy fampijoroana ny tempoly no vokatry ny fifampiraharahana.
Ny fizaràna faharoa amin’ity kosa mitantara momba an’i Hezrà mpisorona izay nirahin’ny amperôra Artakserksesa tamin’ny taonjato manaraka, dia ny hamelombeloman’i Hezrà indray sy hanitsiany ny fiainana ara-pivavahana ao Jerosalema (toko 7–10).
Ny hafatra raketin’ny bokin’i Hezrà dia manindry mafy fa ilaina hangarangarana ny finoana sy ny fitondrantena. Aharihariny koa ny herimpo sy ny finiavana nasehon’ity mpisorona mpanitsy fivavahana ity mba hampijoroana indray ny firaiketam-pon’ireo Israelita amin’Andriamanitra. Faha-Hezrà no nitsirian’ny jodaîsma tena izy; ka ao anatin’izany jodaîsma izany indrindra, taonjato vitsivitsy aty aoriana, no hahaterahan’i Jesoa.
Currently Selected:
Hezrà Sava lalana: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.