1 Timôty 2
2
1Hafatrafarako voalohany indrindra àry ny hanaovana fangatahana sy fivavahana ary fitalahoana sy fisaorana amin’Andriamanitra ho an’ny olona rehetra; 2mivavaha ho an’ireo filoham-pirenena sy ny manam-pahefana rehetra, mba hiainantsika miadana sy mandry feizay ombàn’ny firaiketam-po tanteraka amin’Andriamanitra sy ny fitondrantena maotina. 3Izany no tsara sady sitrak’Andriamanitra, Mpamonjy antsika, 4Izay tia ny hahavoavonjy ny olona rehetra#2.4 Ampit Ezek 18.23. sy ny hahalalan’izy rehetra ny finoana marina. 5Satria iray Andriamanitra, iray koa ny mpanalalana amin’Andriamanitra sy ny olona, dia i Kristy Jesoa Izay olona 6nanolo-tena ho fanavotana ny olona rehetra#2.6 Ampit Mt 20.28.: izany no porofo mby amin’ny fotoanandrony tokoa fa tia ny hahavoavonjy ny olona rehetra Andriamanitra. 7Ary ny hitory izany no nanendrena ahy ho mpitoriteny sady apôstôly#2.7 Ampit 2Tim 1.11., ho mpampianatra ny finoana tena izy amin’ny hafa firenena. Milaza ny marina aho fa tsy mandainga.
8Tiako mba hivavaka ny lehilahy na aiza na aiza, ka hanandra-tanana#2.8 Ny manandra-tanana dia isan’ny fihetsika fanao teo amin’ny vahoaka Israely fahiny rehefa mivavaka. Jereo Eks 9.29; 1 Mp 8.22. hanao izany amin’ny fo madio, tsy misy fahatezerana na fifandirana.
9Toraka izany koa ny vehivavy: tiako mba hihaingo maotina tsara sy mahalala onony izy ireo ka hitondra fitafiana mendrika, tsy hanao taovolo mihaitraitra, tsy hirenty volamena na vatosoa na fitafiana sarobidy#2.9 Ampit 1Pt 3.3., 10fa hiravaka asa soa mifanentana amin’ny vehivavy mankatò ny fivavahana amin’Andriamanitra. 11Aoka ny vehivavy mba hahay mandray fampianarana amim-panginana ka hanaiky tanteraka. 12Tsy mamela azy hampianatra aho na hanjakazaka amin’ny lahy, fa tokony hangina: 13satria i Adama no ary voalohany vao i Eva; 14tsy mba i Adama no voafitaka, fa ny vehivavy no voafitaka sady tonga nandika ny didin’Andriamanitra#2.14 And 13-14: jereo Gen 2.7, 21-22; 3.1-6.. 15Kanefa hovonjena ihany ny vehivavy amin’ny fananan-janaka, raha maharitra amin’ny finoana sy ny fitiavana ary ny fahamasinana ombàn’ny fahononan-tena.
Currently Selected:
1 Timôty 2: DIEMDC
Highlight
Share
Copy
Want to have your highlights saved across all your devices? Sign up or sign in
Dikanteny Iombonana Eto Madagasikara © Malagasy Bible Society, 2004.