Meke 20
20
A masumasu e na vuku ni tui.
Vua na Domo-ni-meke. A Meke i Tevita.
1ME rogoci iko ko Jiova e na siga ni rarawa; me maroroi iko na yaca ni Kalou i Jekope; 2me talaki ka vukei iko mai na nona vale tabu, ka vakaukauwataki iko mai Saioni. 3Me nanuma kecega na nomui soro, ka vakadonuya kecega na nomui madrali kama. Sela. 4Me solia vei iko me vaka na yalomu, ka vakayacora kecega na nomu vakanananu. 5Keitou na reki ni ko sa vakabulai keitou, keitou na vaka-rewataka na drotini e na yaca ni noda Kalou: me vakayacora kecega na nomu masumasu ko Jiova.
6Au sa qai kila ni sa vakabulai koya ka lumuta ko Jiova: ena rogoci koya mai na nona lomalagi tabu, io, e na kaukauwa ni ligana i matau sa dauia na veivakabulai. 7Sa lagilagi e so e na vale-vodoki, e so tale e na ose: ia koi keda e na yaca i Jiova na noda Kalou. 8O ira, era sa tauci sobu ka bale; ia koi keda, eda sa tu cake ka wavutu. 9Mo ia na veivakabulai, Jiova; me vakarogoci keitou na tui e na siga keitou sa kaci yani kina.
Currently Selected:
Meke 20: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
