Meke 2
2
A matanitu i Koya ka Lumuta ko Jiova, 1-9. Sa vakarota vei ira na turaga kei vuravura me ra vakabauti koya, 10-12.
1E NA vuku ni cava era sa daucudru kina na veimatanitu, ka vakananuma na ka walega ko ira na lewe ni veivanua? 2Era sa tuvai valu na tui kei vuravura, a ra sa bose vata ko ira na turaga, me ra veivala kei Jiova, kei koya ka lumuta ko koya, a ra sa kaya, 3Tou drutilaka sara na nodraui vesu, ka biuta tani vei keda na nodrau dali.
4O koya sa tiko mai lomalagi ena dredre: ena vakalialiai ira na Turaga: 5ena qai vosa vei ira ko koya e na nona cudru: ka vakararawataki ira e na nona cudru katakata, ka kaya, 6Ia koi au ga, kaʼu sa buli koya na noqu tui e na noqu ulu-ni-vanua tabu ko Saioni.
7Au na tukuna nai lesilesi, Sa kaya vei au ko Jiova, A luvequ ko iko; au sa vakasikavi iko e na siga o qo: 8kerea maivei au, kaʼu na solia na veimatanitu me nomui yau, kei nai yalayala kei vuravura me nomui votavota: 9o no-voroti ira e nai titoko kaukamea: me vaka na bilo kei koya na dautuli kuro ko na vorolaki ira.
10Ia mo dou qai vuku o qo, koi kemudou na tui: dou vakatavulici, koi kemudou na dauveilewai kei vuravura: 11dou qaravi Jiova e na rere, ka ia vata na reki kei na sautaninini: 12reguca na Luvena, de cudru ko kova, a kemudou sa rusa tani mai na sala, ni sa waqawaqa vakalailai ga na nona cudru. Era sa kalougata kecega sa vakararavi vei koya.
Currently Selected:
Meke 2: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
