Meke 148
148
Me ia na vakavinavinaka vei Jiova.
1DOU ia vei Jiova na vakavinavinaka.
Dou vakavinavinaka vei Jiova mai na lomalagi: dou vakavinavinaka vua mai na vanua cecere. 2Dou vakavinavinaka vua, na nona agilose kecega: dou vakavinavinaka vua, na nonai valu kecega. 3Drau vakavinavinaka vua, na mata-ni-siga kei na vula: dou vakavinavinaka vua, na kalokalo caucaudre kecega. 4Dou vakavinavinaka vua, na lomalagi e cake sara, kei na wai sa sivia na lomalagi. 5Me ra ia na vakavinavinaka ki na yaca i Jiova: ni sa vosa ko koya, a sa buli mai. 6A sa vakataudeitaka ko koya me yacova na gauna kecega: sa lesia ko koya na kedrai yalayala me tawa sivia rawa.
7Dou vakavinavinaka vei Jiova mai vuravura, na tavuto, kei na ka kecega e na wai titobu: 8na buka waqa, kei na uca-cevata; na uca-vulavula, kei na kabukabu; na cagi liwa, ni sa vakayacora tiko na nona vosa; 9na ulu-ni-vanua, kei na ulu-ni-koro kecega; a kau vuavua, kei na sitari kecega: 10a manumanu kila, kei na manumanu lasa kecega; a ka sa dolo; kei na manumanu vakatabana: 11a tui kei vuravura, kei na veimataqali kecega; a turaga, kei na dauveilewai kecega kei vuravura: 12a gonetagane, kei na gonealewa; a tamata qase, kei na tamata cauravou: 13me ra ia na vakavinavinaka ki na yaca i Jiova: ni sa ka talei duaduaga na yacana; sa sivia na vuravura kei na lomalagi na nonai ukuuku. 14A sa laveta cake ko koya na nodra kaukamea na nona tamata, a nodrai ukuuku na nona tamata yalododonu kecega; ia na nodra na luve i Isireli, a mataqali sa voleka vua. Dou ia vei Jiova na vakavinavinaka.
Currently Selected:
Meke 148: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
