Meke 145
145
A Meke ni vakavinavinaka, a nei Tevita.
1AU na vakacaucautaki iko, noqu Kalou, na Tui; ia ena tawa mudu na noqu vakavinavinaka ki na yacamu. 2E na veisiga kecega kaʼu na vakavinavinaka vei iko; ia ena tawa mudu na noqu meketaka na yacamu. 3Sa levu ko Jiova, a sa dodonu na dauia vua na vakavinavinaka; ia sa tawa kilai rawa na kena levu. 4Ena meketaka na nomu cakacaka nai tabatamata e dua me yacova e dua, ka tukuna na nomu cakacaka kaukauwa. 5Au na cavuta voli nai ukuuku ni kemui rogo vakaturaga levu, kei na nomu cakacaka veivakidacalataki. 6Ia era na vosataka na kena kaukauwa na nomu cakacaka rerevaki: au na tukuna voli talega na kemu levu. 7Era na daucavuta tikoga na ka me nanumi kina na nomu yalololoma levu, ka meketaka na nomu cakacaka dodonu.
8Sa daulomasoli ko Jiova, ka yalololoma; sa berabera ni cudru, a sa levu na nona loloma. 9Sa yalovinaka ko Jiova ki na ka kecega: a sa yacova na nona cakacaka kecega na nona yalololoma. 10Sa vakacaucautaki iko, Jiova, na nomu cakacaka kecega; a ra na vakavinavinakataki iko na nomu tamata yalododonu. 11Era na vosataka nai ukuuku ni nomu matanitu, ka veivosakitaka na nomu kaukauwa. 12Me ra vakatakila vei ira na luve ni tamata na nona cakacaka kaukauwa, kei nai ukuuku vakaturaga ni nona matanitu. 13A nomu matanitu sa tiko ga e na gauna vakaaduaga, a sa yacova nai tabatamata kecega na nomu lewa.
14Sa tokoni ira kecega era sa bale ko Jiova, a sa vakadodonutaki ira kecega era sa lako roko. 15Sa qaravi iko na matadra na ka kecega; ia ko sa solia vei ira ua kedra kakana o na gauna e dodonu. 16O sa tevuka na ligamu, ka vakamamautaka na ka bula kecega e na ka era domona. 17Sa dodonu ko J iova e na nonai valavala kecega, ka yalololoma e nona cakacaka kecega.
18Sa voleka ko Jiova vei ira kecega era sa masu vua, vei ira kecega era masu vua e na yalodina. 19Ena vakayacora ko koya na ka era domona ko ira era rerevaki koya: ena rogoca talega na nodra tagi, ka vakabulai ira. 20Sa maroroi ira kecega ora lomani koya ko Jiova: ia ena vakawabokotaki ira kecega nai valavala ca. 21Ena vosataka na gusuqu na kena vinaka ko Jiova: ia me vakavinavinakataka talega na yacana tabu na tamata kecega, ka tawa mudu.
Currently Selected:
Meke 145: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
