Meke 12
12
A masu sa tukuni kina ko ira sa viavialevu.
Vua na Domo-ni-meke e na Seminica. A Meke i Tevita.
1MO ia na veivakabulai, Jiova, ni sa oti na tamata lotu dina: sa yali ko ira sa lomadina maivei ira na luve ni tamata. 2Era sa cavuta tiko yadua na ka wale vua na nonai tokani: era sa vosa vakavei-cavilaki tiko e na lomalomarua. 3Ena seledrutia ko Jiova na tebenigusu dauveicavilaki, kei na yame sa dauvosalevu. 4O ira era sa kaya, Keitou na gumatua e na yame i keitou: sa neitou ga na tebenigusu i keitou: o cei sa turaga vei keitou?
5E na vuku ni ra sa vakararawataki na tamata malumalumu, e na vuku ni ra sa vutugu tiko na tamata dravudravua, sa kaya ko Jiova. Au na qai tu cake; au na vakabulai ira yadua maivei koya sa dauvakalialiai ira. 6A vosa savasava na vosa i Jiova: me vaka na siliva sa vakatovolei e na kuro qele, sa vakasavasavataki vakavitu. 7O na maroroi ira, Jiova, o na maroroi ira e nai tabayatamata o qo ka tawa mudu. 8Era sa daulako voli e na veiyasana kecega na tamata ca, ni ra sa vakalevulevui na tamata velavela sara.
Currently Selected:
Meke 12: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
