Marika 16
16
Sa tukuna e dua na agilose vei iratou na yalewa ni sa tu cake tale mai ko Jisu, 1-8. Sa qai rairai vei iratou e so ko Jisu, 9-14. Sa qai kaya me ia na lako ki na veivanua kecega me tukuni koya, 15-20.
1IA ni sa oti na siga ni vakacecegu, o iratou ko Meri na kai Makitala, kei Meri na tina i Jemesi, kei Salomi, eratou sa volia na waiwai vakaisaluaki, me ratou laʼki lumuti koya. 2Ia e na mataka caca sara e nai matai ni siga ni wiki, eratou sa lako mai ki nai bulubulu ni sa qai cabe na siga. 3A ratou sa kaya vakai iratou, O cei ena vaqiqica tani na vatu vei kedatou mai na katuba ni bulubulu? 4(Ia ni ratou sa raica, eratou sa kunea ni sa vaqiqici tani na vatu:) ni sa levu sara.
5Ia ni ratou sa curu ki nai bulubulu, eratou sa kunea e dua na cauravou sa tiko e na tikina i matau, sa vakaisulu e nai sulu balabalavu ka vulavula; a ratou sa rere. 6A sa kaya ko koya vei iratou, Dou kakua ni rere: dou sa vakasaqarai Jisu na kai Nasareci, o koya ka lauvako ki na kauveilatai: sa tu cake tale mai ko koya: sa sega eke: raica na yasana era a vakotora kina: 7ia dou lako, tukuna vei iratou na nona tisaipeli, vei Petero talega, ni sa liutaki kemudou ko koya ki Kalili; dou na raici koya kina, me vaka na nona vosa vei kemudou. 8A ratou sa lako kusarawa yani, ka dro tani mai nai bulubulu; ia eratou sa sautaninini ka kidroa; eratou sa sega talega ni kaya e dua na ka vua e dua; ni ratou sa rere.
9Ia ni sa tu cake tale ko koya e na mataka e nai matai ni siga ni wiki, sa rairai eliu ko koya vei Meri na kai Makitala, o koya ka vakasava tani vua ko koya na tevoro e lewe vitu. 10Sa qai lako na yalewa o qori ka tukuna vei iratou eratou dautiko vata kaya eliu, ni ratou sa rarawa ka tagi. 11Ia ko iratou, ni ratou sa rogoca ni sa bula ko koya ka sa rairai vei koya, eratou sa sega ni vakadinata. 12Sa qai rairai ko koya sa dua tani na yagona ki na lewe rua vei iratou, ni rau sa lako ki na dua na yasana kisau: 13a rau sa lako ka tukuna vei iratou sa vo; a ratou sa sega ni vakadinati rau.
14Sa oti, sa rairai ko koya vei iratou na lewe tinikadua ni ratou sa tiko me kana, a sa vunauci iratou e na vuku ni nodratou tawa-vakabauta kei na nodratou lomakaukauwa, ni ratou sa sega ni vakadinati iratou eratou sa raici koya ni sa tu cake tale.
15A sa kaya vei iratou, Dou lako yani ki vuravura kecega, ka vunautaka nai tukutuku-vinaka ki na tamata kecega. 160 koya sa vakabauta ka papitaisotaki ena bula: ia ena cudruvi ga ko koya sa sega ni vakabauta. 17Ia na veivakatakilakila o qo era na cakava ko ira sa vakabauta: Era na vakasava tani na tevoro e so e na yacaqu; era na vosataka na vosa ni veivanua tani; 18era na tomika na gata e so; ia kevaka era gunuva na ka e gaga sara, era na sega ni ca kina; era na tabaki ira talega sa tauvi-mate e na ligadra, a ra na bula kina.
19Ia ni sa vosa oti vei iratou na Turaga, sa kau cake ki lomalagi, ka sa tiko sobu e na liga i matau ni Kalou.
20Ia ko iratou, eratou sa lako yani, ka vunau e na veiyasana kecega, a sa cakacaka vata kei iratou na Turaga, a sa vakadinadinataka na vosa e na veivakatakilakila sa muri. Emeni.
Currently Selected:
Marika 16: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
