Maciu 26
26
Era sa bosei Jisu ko ira na turaga me ra vakamatea, 1-5. Sa lumuti koya ko Meri, 6-13. Sa volitaka ko Juta, 14-16. Sa ia na solevu ni lako-sivia ko Jisu, 17-25; a sa vakatekivuna nai vakayakavini Turaga, 26-35. Sa qai laki masu e na were ko Kecisemani, 36-46. Sa solia yani ko Juta, 47-56. Era sa kauta vei Kaiafa, 57-68. Sa cakitaka ko Petero na nona kilai koya, 69-75.
1A SA yaco ni sa vakaotia ko Jisu na vosa kecega o qo, sa kaya vei iratou na nona tisaipeli, 2Dou sa kila ni sa vo ga na bogi e rua me qai ia na solevu ni lako-sivia: ena qai soli yani na Luve ni tamata me lauvako ki na kauveilatai.
3Era sa qai soqoni vata ko ira na bete levu, kei ira na vu-ni-vola, kei ira na nodra qase na tamata, e na vale ni bete levu, o Kaiafa na yacana, 4a ra sa bose me ra lawakitaki Jisu me ra taura, ka vakamatea. 5A ra sa kaya, Me kakua ga ni sa ia na solevu, de ra ue kina na tamata.
6Ia ni sa tiko ko Jisu mai Pecania e na vale i Saimoni na vukavuka, 7sa lako mai vei koya e dua na yalewa sa tama e dua na tavaya alapasiteri ni waiwai talei sara, a sa livia ki na uluna, ni sa tiko ko koya me kana. 8Ia ni sa raica ko iratou na nona tisaipeli, eratou sa cudru sara, ka kaya, Sa biu walega o qori e na vuku ni cava? 9ni sa rawarawa me volitaki na waiwai o qo e nai lavo e levu, ka soli vei ira na dravudravua. 10Ia ni sa kila ko Jisu, sa kaya vei iratou, Dou sa saga na yalewa e na vuku ni cava? ni sa cakava vei au e dua na cakacaka vinaka. 11Ni sa tiko vakadua kei kemudou ko ira na dravudravua; ia koi au, kaʼu na sega ni tiko vakadua kei kemudou. 12Ni sa sova ko koya na waiwai o qo ki na yagoqu, sa kitaka me noqui waiwai ni bulu. 13Au sa kaya vakaidina vei kemudou, E na veiyasana kecega e vuravura taucoko ena vunautaki kina nai tukutuku-vinaka o qo, ena bau tukuni talega kina na ka sa kitaka na yalewa o qo, me kenai divi.
14Sa qai dua vei iratou na tinikarua, sa vakatokai ko Juta Isikarioti, sa lako vei ira na bete levu, 15ka kaya, A cava dou sa via solia vei au, kevaka kaʼu na soli koya yani vei kemudou? A ra sa vakarautaka vua na tiki ni siliva e tolusagavulu. 16Ia mai na siga ko ya sa vakasaqara ko koya na gauna e rawarawa me soli koya kina.
17Ia e nai matai ni siga ni ka tawa vakaleveni, sa lako mai vei Jisu ko iratou na tisaipeli, ka kaya vua, Evei na tikina ko sa vinakata me keitou vakarautaka kina mo kania na solevu ni lako-sivia? 18A sa kaya ko koya, Lako vua e dua na tamata ki na koro, ka kaya vua, Sa kaya nai Vakavuvuli, Sa voleka na noqu siga; oi au kei iratou na noqu tisaipeli, keitou na ia na solevu ni lako-sivia e na nomu vale. 19A ratou sa kitaka na tisaipeli me vaka sa vakarota vei iratou ko Jisu; a ratou sa vakarautaka na solevu ni lako-sivia.
20Ia ni sa yakavi mai, sa tiko sobu ko koya kei iratou na tinikarua. 21Ia ni ratou sa kana tiko, sa kaya ko koya, Au sa kaya vakaidina vei kemudou, ni na soli au yani e dua vei kemudou. 22Eratou sa qai rarawa vakalevu, a ratou sa vakatekivu yadua me kaya vua, Turaga, oi au beka? 23A sa vosa ko koya, ka kaya, O koya keirau sa tonidromuca vata kaya na ligana e na bilo, o koya o qo ena soli au yani: 24sa lako na Luve ni tamata me vaka sa volai e na vukuna: ia ka ca vua na tamata ko ya sa solia yani na Luve ni tamata! ke sa sega ni sucu mai na tamata ko ya, ke sa vinaka vua. 25Sa qai vosa ko Juta, o koya sa solia yani, ka kaya, Vakavuvuli, oi au beka? Sa kaya vua ko koya, 0sa kaya dina mai.
26Ia ni ratou sa kana tiko, sa taura na madrai ko Jisu, ia ni sa vatonaka oti, sa dovia, ka solia vei iratou na tisaipeli, ka kaya, Taura, kania; o qo na yagoqu. 27Sa qai taura na bilo ko koya, ia ni sa vakavinavinaka oti, sa solia vei iratou, ka kaya, Dou gunu kece kina; 28ni sa noqu dra o qo ni veiyalayalati vou, a ya sa sova e na vukudra e lewe vuqa, me bokoci nai valavala ca: 29ia kaʼu sa kaya vei kemudou, Au na sega ni gunuva emuri na vua ni vaini o qo, ka malua me yaco mada na siga kaʼu na gunuva vou kina kei kemudou e na matanitu nei Tamaqu.
30Ia ni ratou sa sere oti, eratou sa lako yani ki na ulu-ni-vanua ni veiolive. 31Sa qai kaya vei iratou ko Jisu, Dou na tarabe kecega e na vukuqu e na bogi edaidai: ni sa volai, Au na yavita nai vakatawa ni sipi, ka ra na dui vakasesei na qele ni sipi. 32Ia ni kaʼu sa tu cake tale oti mai, au na qai liutaki kemudou ki Kalili.
33Sa qai vosa ko Petero, ka kaya vua, Kevaka ena tarabe ko ira kecega e na vukumu, oi au, kaʼu na sega ni tarabe. 34Sa kaya vua ko Jisu, Au sa kaya vei iko, E na bogi ga edaidai, ni sa sega ni tagi mada eliu na toa, o na cakitaki au vakatolu. 35Sa kaya vua ko Petero, Kevaka edaru na mate vata, au na sega sara ni cakitaki iko. Sa vosa vaka talega kina ko iratou kecega na tisaipeli.
36Sa qai lako mai ko Jisu kei iratou ki na dua na yasana sa vakatokai ko Kecisemani, a sa kaya vei iratou na tisaipeli, Dou tiko ga eke, meʼu lako mada kikea me masu.
37A sa kauti Petero ko koya kei rau na luve i Sepeteo, a sa vakatekivu me rarawa na lomana ka yaluma sara. 38Sa qai kaya vei iratou ko koya, Sa rarawa vakalevu na yaloqu, me vaka na mate: dou tiko ga eke, me datou vakatawa. 39A sa lako vakalailai vaka kiliu ko koya, a sa bale sobu vakatobocu, a sa masu, ka kaya, Tamaqu, kevaka e rawarawa, me lako tani mada vei au na bilo o qo; ia me kakua ga ni vaka na noqu veitalia, me vaka ga na nomu. 40A sa qai lako mai vei iratou na tisaipeli, a sa kunei iratou ni ratou sa moce tu, a sa kaya vei Petero, Oi! dou sa sega ni rawata me datou vakatawa vata ka dua bauga na tiki-ni-bogi, ne? 41Dou vakatawa ka masu, me kakua ni rawai kemudou na vere: e dina ya ni sa gu na yalo, ia na yago sa malumalumu.
42Sa lako vakarua ko koya ka masu, ka kaya, Tamaqu, kevaka e sega ni rawarawa me lako tani vei au na bilo o qo, keʼu sega ni gunuva, me yaco ga na nomu veitalia. 43Sa qai lako mai ko koya, a sa kunei iratou ni ratou sa moce tale: ni sa bibi na matadratou.
44A sa laivi iratou ko koya, a sa lako tale yani, ka masu vakatolu, a sa cavuta tale na vosa ko ya. 45Sa qai lako mai vei iratou na nona tisaipeli, ka kaya vei iratou, Dou qai moce ga, ka dou cegu; raica, sa voleka na gauna, a sa soli yani na Luve ni tamata ki na ligadra na tamata ca: 46tu cake, me datou lako: raica, sa voleka mai ko koya sa soli au yani.
47Ia ni sa vosa tiko ko koya, raica, sa lako mai ko Juta, e dua vei iratou na tinikarua, kei ira vata kaya e lewe vuqa sara era sa taura e so nai seleiwau kei nai wau, maivei ira na bete levu kei ira na nodra qase na tamata. 48Ia ko koya sa soli koya yani sa cavuta oti vei ira e dua nai vakatakilakila, ka kaya, O koya kaʼu na reguca, sai koya; taura matua. 49A sa qai lako sara mai vei Jisu, ka kaya, Sa loloma, vakavuvuli! a sa reguca. 50A sa kaya vua ko Jisu, Noqui tau, o sa lako mai e na vuku ni cava? Era sa qai lako mai, ka kauti Jisu, ka taura matua.
51Ka raica, e dua vei iratou sa tiko vata kei Jisu sa dodoka na ligana, ka ucuna na nonai seleiwau, a sa yavita na nona tamata na bete levu, a sa seledrutia na daligana. 52Sa qai kaya vua ko Jisu, Daramaka tale na nomui seleiwau ki na kena taga: ni ra na mate e nai seleiwau ko ira kece era taura nai seleiwau. 53O sa nanuma beka e sega ni rawarawa vei au meʼu qai masuti Tamaqu, ka na solia mai vei au ko koya na agilose e tinikarua nai vavakoso ka mani vakacaoa? 54Ena qai vakayacori vakaevei nai Vola, sa tukuna na kena dodonu ni yaco vakaoqo?
55E na tiki-ni-bogi ko ya sa kaya ko Jisu vei ira na lewe vuqa, Dou sa lakova beka mai e dua na daubutako, ni dou sa taura e so nai seleiwau kei nai wau, mo dou tauri au, ne? Au a dautiko sobu vata kei kemudou e na veisiga, ka vakatavuvuli e na vale ni soro, ia dou a sega ni tauri au. 56Ia sa caka kecega na ka o qo, me vakayacori kina na nodrai vola na parofita. Sa qai biuti koya ko iratou kecega na tisaipeli, ka dro.
57Ia ko ira sa tauri Jisu era sa kauta yani vei Kaiafa na bete levu, ki na yasana era sa soqoni vata kina na vu-ni-vola kei na qase.
58A sa muri koya vakayawa ko Petero ki na vale ni bete levu, a sa curu kina, a sa tiko sobu vata kei ira nai talatala kei ira na vada, me raica mada na kenai otioti.
59Ia ko ira na bete levu, kei ira na qase, kei ira kecega na mataveilewai, era vakasaqara e so me ra beitaki Jisu vakailasu, me mate kina ko koya: 60a ra sa tawa kunea: ia, sa vuqa na dauveibeitaki vakailasu sa lako mai; ia era sa sega ni kunea. Sa qai lako mai emuri e lewe rua na dauveibeitaki vakailasu, 61a rau sa kaya, O koya o qo sa kaya, Au sa rawata meʼu basuka na vale ni soro ni Kalou, ka tara e na bogi e tolu. 62Sa qai tu cake na bete levu, a sa kaya vua, Sa sega na ka ko kaya mai, ne? a cava o qo erau sa beitaki iko kina koi rau o qo? 63A sa galu tu ga ko Jisu.
A sa qai vosa na bete levu, ka kaya vua, Au vakaroti iko matua e na vuku ni Kalou bula, mo tukuna mai vei keitou se na Karisito ko iko, na Luve ni Kalou, se segai. 64Sa kaya vua ko Jisu, O sa kaya dina mai: ia kaʼu sa kaya talega vei kemudou, E na gauna emuri dou na raica na Luve ni tamata ni sa tiko e na liga i matau i Koya sa kaukauwa, ni sa lako talega mai e na veio ni lomalagi.
65Sa qai dresulaka na nonai sulu na bete levu, ka kaya, Sa qai vosavakacacataka na Kalou ko koya: sa yaga tale vakacava me so na dauveibeitaki? raica, dou sa rogoca ga na nona vosavakacacataka na Kalou: 66a cava dou lewa? A ra sa vosa ka kaya, E dodonu ga me vakamatei. 67Era sa qai kasivita na matana, ka vaculaka; a sa sabica ko ira e so, 68ka kaya, Tukuna vei keitou, i Karisito, se ko cei sa yaviti iko.
69A sa tiko etautuba ko Petero e na rara ni vale, a sa dua na vada sa lako vua, ka kaya, O iko talega ka tiko vata kei Jisu na kai Kalili. 70A sa cakitaka ko koya e matadra kecega, ka kaya, Au sa sega ni kila na ka ko sa kaya. 71Ni sa qai lako ko koya kivaka ki na katuba, sa dua tale sa raica, a sa kaya vei ira sa tiko kina, O koya o qo talega erau a tiko vata kei Jisu na kai Nasareci. 72A sa cakitaka tale ko koya e na bubului, ka vaka, Au sa sega ni kila na tamata ko ya. 73A sa dede vakalailai ga ka sa lako mai ko ira era a tu kina, a ra sa kaya vei Petero, Sa i dina ga ni sa dua vei ira ko iko; ni sa vakatakilai iko na nomu vosa. 74Sa qai vakatekivu ko koya me ruru ka bubului, ka vaka, Au sa sega ni kila na tamata ko ya. Sa qai tagi sara na toa. 75Sa qai nanuma na vosa i Jisu ko Petero, ni sa kaya vua, Ni sa sega ni tagi mada eliu na toa, o na cakitaki au vakatolu. A sa curu ki tautuba, ka tagi vakalevu sara.
Currently Selected:
Maciu 26: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
Maciu 26
26
Era sa bosei Jisu ko ira na turaga me ra vakamatea, 1-5. Sa lumuti koya ko Meri, 6-13. Sa volitaka ko Juta, 14-16. Sa ia na solevu ni lako-sivia ko Jisu, 17-25; a sa vakatekivuna nai vakayakavini Turaga, 26-35. Sa qai laki masu e na were ko Kecisemani, 36-46. Sa solia yani ko Juta, 47-56. Era sa kauta vei Kaiafa, 57-68. Sa cakitaka ko Petero na nona kilai koya, 69-75.
1A SA yaco ni sa vakaotia ko Jisu na vosa kecega o qo, sa kaya vei iratou na nona tisaipeli, 2Dou sa kila ni sa vo ga na bogi e rua me qai ia na solevu ni lako-sivia: ena qai soli yani na Luve ni tamata me lauvako ki na kauveilatai.
3Era sa qai soqoni vata ko ira na bete levu, kei ira na vu-ni-vola, kei ira na nodra qase na tamata, e na vale ni bete levu, o Kaiafa na yacana, 4a ra sa bose me ra lawakitaki Jisu me ra taura, ka vakamatea. 5A ra sa kaya, Me kakua ga ni sa ia na solevu, de ra ue kina na tamata.
6Ia ni sa tiko ko Jisu mai Pecania e na vale i Saimoni na vukavuka, 7sa lako mai vei koya e dua na yalewa sa tama e dua na tavaya alapasiteri ni waiwai talei sara, a sa livia ki na uluna, ni sa tiko ko koya me kana. 8Ia ni sa raica ko iratou na nona tisaipeli, eratou sa cudru sara, ka kaya, Sa biu walega o qori e na vuku ni cava? 9ni sa rawarawa me volitaki na waiwai o qo e nai lavo e levu, ka soli vei ira na dravudravua. 10Ia ni sa kila ko Jisu, sa kaya vei iratou, Dou sa saga na yalewa e na vuku ni cava? ni sa cakava vei au e dua na cakacaka vinaka. 11Ni sa tiko vakadua kei kemudou ko ira na dravudravua; ia koi au, kaʼu na sega ni tiko vakadua kei kemudou. 12Ni sa sova ko koya na waiwai o qo ki na yagoqu, sa kitaka me noqui waiwai ni bulu. 13Au sa kaya vakaidina vei kemudou, E na veiyasana kecega e vuravura taucoko ena vunautaki kina nai tukutuku-vinaka o qo, ena bau tukuni talega kina na ka sa kitaka na yalewa o qo, me kenai divi.
14Sa qai dua vei iratou na tinikarua, sa vakatokai ko Juta Isikarioti, sa lako vei ira na bete levu, 15ka kaya, A cava dou sa via solia vei au, kevaka kaʼu na soli koya yani vei kemudou? A ra sa vakarautaka vua na tiki ni siliva e tolusagavulu. 16Ia mai na siga ko ya sa vakasaqara ko koya na gauna e rawarawa me soli koya kina.
17Ia e nai matai ni siga ni ka tawa vakaleveni, sa lako mai vei Jisu ko iratou na tisaipeli, ka kaya vua, Evei na tikina ko sa vinakata me keitou vakarautaka kina mo kania na solevu ni lako-sivia? 18A sa kaya ko koya, Lako vua e dua na tamata ki na koro, ka kaya vua, Sa kaya nai Vakavuvuli, Sa voleka na noqu siga; oi au kei iratou na noqu tisaipeli, keitou na ia na solevu ni lako-sivia e na nomu vale. 19A ratou sa kitaka na tisaipeli me vaka sa vakarota vei iratou ko Jisu; a ratou sa vakarautaka na solevu ni lako-sivia.
20Ia ni sa yakavi mai, sa tiko sobu ko koya kei iratou na tinikarua. 21Ia ni ratou sa kana tiko, sa kaya ko koya, Au sa kaya vakaidina vei kemudou, ni na soli au yani e dua vei kemudou. 22Eratou sa qai rarawa vakalevu, a ratou sa vakatekivu yadua me kaya vua, Turaga, oi au beka? 23A sa vosa ko koya, ka kaya, O koya keirau sa tonidromuca vata kaya na ligana e na bilo, o koya o qo ena soli au yani: 24sa lako na Luve ni tamata me vaka sa volai e na vukuna: ia ka ca vua na tamata ko ya sa solia yani na Luve ni tamata! ke sa sega ni sucu mai na tamata ko ya, ke sa vinaka vua. 25Sa qai vosa ko Juta, o koya sa solia yani, ka kaya, Vakavuvuli, oi au beka? Sa kaya vua ko koya, 0sa kaya dina mai.
26Ia ni ratou sa kana tiko, sa taura na madrai ko Jisu, ia ni sa vatonaka oti, sa dovia, ka solia vei iratou na tisaipeli, ka kaya, Taura, kania; o qo na yagoqu. 27Sa qai taura na bilo ko koya, ia ni sa vakavinavinaka oti, sa solia vei iratou, ka kaya, Dou gunu kece kina; 28ni sa noqu dra o qo ni veiyalayalati vou, a ya sa sova e na vukudra e lewe vuqa, me bokoci nai valavala ca: 29ia kaʼu sa kaya vei kemudou, Au na sega ni gunuva emuri na vua ni vaini o qo, ka malua me yaco mada na siga kaʼu na gunuva vou kina kei kemudou e na matanitu nei Tamaqu.
30Ia ni ratou sa sere oti, eratou sa lako yani ki na ulu-ni-vanua ni veiolive. 31Sa qai kaya vei iratou ko Jisu, Dou na tarabe kecega e na vukuqu e na bogi edaidai: ni sa volai, Au na yavita nai vakatawa ni sipi, ka ra na dui vakasesei na qele ni sipi. 32Ia ni kaʼu sa tu cake tale oti mai, au na qai liutaki kemudou ki Kalili.
33Sa qai vosa ko Petero, ka kaya vua, Kevaka ena tarabe ko ira kecega e na vukumu, oi au, kaʼu na sega ni tarabe. 34Sa kaya vua ko Jisu, Au sa kaya vei iko, E na bogi ga edaidai, ni sa sega ni tagi mada eliu na toa, o na cakitaki au vakatolu. 35Sa kaya vua ko Petero, Kevaka edaru na mate vata, au na sega sara ni cakitaki iko. Sa vosa vaka talega kina ko iratou kecega na tisaipeli.
36Sa qai lako mai ko Jisu kei iratou ki na dua na yasana sa vakatokai ko Kecisemani, a sa kaya vei iratou na tisaipeli, Dou tiko ga eke, meʼu lako mada kikea me masu.
37A sa kauti Petero ko koya kei rau na luve i Sepeteo, a sa vakatekivu me rarawa na lomana ka yaluma sara. 38Sa qai kaya vei iratou ko koya, Sa rarawa vakalevu na yaloqu, me vaka na mate: dou tiko ga eke, me datou vakatawa. 39A sa lako vakalailai vaka kiliu ko koya, a sa bale sobu vakatobocu, a sa masu, ka kaya, Tamaqu, kevaka e rawarawa, me lako tani mada vei au na bilo o qo; ia me kakua ga ni vaka na noqu veitalia, me vaka ga na nomu. 40A sa qai lako mai vei iratou na tisaipeli, a sa kunei iratou ni ratou sa moce tu, a sa kaya vei Petero, Oi! dou sa sega ni rawata me datou vakatawa vata ka dua bauga na tiki-ni-bogi, ne? 41Dou vakatawa ka masu, me kakua ni rawai kemudou na vere: e dina ya ni sa gu na yalo, ia na yago sa malumalumu.
42Sa lako vakarua ko koya ka masu, ka kaya, Tamaqu, kevaka e sega ni rawarawa me lako tani vei au na bilo o qo, keʼu sega ni gunuva, me yaco ga na nomu veitalia. 43Sa qai lako mai ko koya, a sa kunei iratou ni ratou sa moce tale: ni sa bibi na matadratou.
44A sa laivi iratou ko koya, a sa lako tale yani, ka masu vakatolu, a sa cavuta tale na vosa ko ya. 45Sa qai lako mai vei iratou na nona tisaipeli, ka kaya vei iratou, Dou qai moce ga, ka dou cegu; raica, sa voleka na gauna, a sa soli yani na Luve ni tamata ki na ligadra na tamata ca: 46tu cake, me datou lako: raica, sa voleka mai ko koya sa soli au yani.
47Ia ni sa vosa tiko ko koya, raica, sa lako mai ko Juta, e dua vei iratou na tinikarua, kei ira vata kaya e lewe vuqa sara era sa taura e so nai seleiwau kei nai wau, maivei ira na bete levu kei ira na nodra qase na tamata. 48Ia ko koya sa soli koya yani sa cavuta oti vei ira e dua nai vakatakilakila, ka kaya, O koya kaʼu na reguca, sai koya; taura matua. 49A sa qai lako sara mai vei Jisu, ka kaya, Sa loloma, vakavuvuli! a sa reguca. 50A sa kaya vua ko Jisu, Noqui tau, o sa lako mai e na vuku ni cava? Era sa qai lako mai, ka kauti Jisu, ka taura matua.
51Ka raica, e dua vei iratou sa tiko vata kei Jisu sa dodoka na ligana, ka ucuna na nonai seleiwau, a sa yavita na nona tamata na bete levu, a sa seledrutia na daligana. 52Sa qai kaya vua ko Jisu, Daramaka tale na nomui seleiwau ki na kena taga: ni ra na mate e nai seleiwau ko ira kece era taura nai seleiwau. 53O sa nanuma beka e sega ni rawarawa vei au meʼu qai masuti Tamaqu, ka na solia mai vei au ko koya na agilose e tinikarua nai vavakoso ka mani vakacaoa? 54Ena qai vakayacori vakaevei nai Vola, sa tukuna na kena dodonu ni yaco vakaoqo?
55E na tiki-ni-bogi ko ya sa kaya ko Jisu vei ira na lewe vuqa, Dou sa lakova beka mai e dua na daubutako, ni dou sa taura e so nai seleiwau kei nai wau, mo dou tauri au, ne? Au a dautiko sobu vata kei kemudou e na veisiga, ka vakatavuvuli e na vale ni soro, ia dou a sega ni tauri au. 56Ia sa caka kecega na ka o qo, me vakayacori kina na nodrai vola na parofita. Sa qai biuti koya ko iratou kecega na tisaipeli, ka dro.
57Ia ko ira sa tauri Jisu era sa kauta yani vei Kaiafa na bete levu, ki na yasana era sa soqoni vata kina na vu-ni-vola kei na qase.
58A sa muri koya vakayawa ko Petero ki na vale ni bete levu, a sa curu kina, a sa tiko sobu vata kei ira nai talatala kei ira na vada, me raica mada na kenai otioti.
59Ia ko ira na bete levu, kei ira na qase, kei ira kecega na mataveilewai, era vakasaqara e so me ra beitaki Jisu vakailasu, me mate kina ko koya: 60a ra sa tawa kunea: ia, sa vuqa na dauveibeitaki vakailasu sa lako mai; ia era sa sega ni kunea. Sa qai lako mai emuri e lewe rua na dauveibeitaki vakailasu, 61a rau sa kaya, O koya o qo sa kaya, Au sa rawata meʼu basuka na vale ni soro ni Kalou, ka tara e na bogi e tolu. 62Sa qai tu cake na bete levu, a sa kaya vua, Sa sega na ka ko kaya mai, ne? a cava o qo erau sa beitaki iko kina koi rau o qo? 63A sa galu tu ga ko Jisu.
A sa qai vosa na bete levu, ka kaya vua, Au vakaroti iko matua e na vuku ni Kalou bula, mo tukuna mai vei keitou se na Karisito ko iko, na Luve ni Kalou, se segai. 64Sa kaya vua ko Jisu, O sa kaya dina mai: ia kaʼu sa kaya talega vei kemudou, E na gauna emuri dou na raica na Luve ni tamata ni sa tiko e na liga i matau i Koya sa kaukauwa, ni sa lako talega mai e na veio ni lomalagi.
65Sa qai dresulaka na nonai sulu na bete levu, ka kaya, Sa qai vosavakacacataka na Kalou ko koya: sa yaga tale vakacava me so na dauveibeitaki? raica, dou sa rogoca ga na nona vosavakacacataka na Kalou: 66a cava dou lewa? A ra sa vosa ka kaya, E dodonu ga me vakamatei. 67Era sa qai kasivita na matana, ka vaculaka; a sa sabica ko ira e so, 68ka kaya, Tukuna vei keitou, i Karisito, se ko cei sa yaviti iko.
69A sa tiko etautuba ko Petero e na rara ni vale, a sa dua na vada sa lako vua, ka kaya, O iko talega ka tiko vata kei Jisu na kai Kalili. 70A sa cakitaka ko koya e matadra kecega, ka kaya, Au sa sega ni kila na ka ko sa kaya. 71Ni sa qai lako ko koya kivaka ki na katuba, sa dua tale sa raica, a sa kaya vei ira sa tiko kina, O koya o qo talega erau a tiko vata kei Jisu na kai Nasareci. 72A sa cakitaka tale ko koya e na bubului, ka vaka, Au sa sega ni kila na tamata ko ya. 73A sa dede vakalailai ga ka sa lako mai ko ira era a tu kina, a ra sa kaya vei Petero, Sa i dina ga ni sa dua vei ira ko iko; ni sa vakatakilai iko na nomu vosa. 74Sa qai vakatekivu ko koya me ruru ka bubului, ka vaka, Au sa sega ni kila na tamata ko ya. Sa qai tagi sara na toa. 75Sa qai nanuma na vosa i Jisu ko Petero, ni sa kaya vua, Ni sa sega ni tagi mada eliu na toa, o na cakitaki au vakatolu. A sa curu ki tautuba, ka tagi vakalevu sara.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.