Maciu 25
25
A vosa vakatautauvata ni gonealewa e tini, 1-13; kei na taledi, 14-30. Sa vakatakila ko Jisu nai valavala ni siga ni lewa, 31-46.
1ENA qai vakatauvatani na matanitu vakalomalagi kei na gonealewa e lewe tini, eratou sa kauta na nodratou veicina, ka laʼki veitata kei na watina-tagane. 2Ka lewe lima vei iratou sa vuku, a ratou sa lewe lima sa lialia. 3O iratou na lialia eratou sa kauta na nodratou veicina, a ratou sa sega ni kauta vata kei na waiwai; 4ia ko iratou na vuku eratou sa kauta na waiwai e na nodratou tavaya, vata kei na nodratou veicina. 5Ia ni sa dede mai na watina-tagane, eratou sa sosovu kecega ka moce. 6Ni sa qai lomaloma-ni-bogi na vanua, sa ia na kacikaci, Raica, sa lako mai na watina-tagane; dou laʼki veitata kaya. 7Eratou sa qai tu cake kecega na gonealewa o qo, a ratou sa vakarautaka na nodratou veicina. 8A sa kaya ko iratou na lialia vei iratou na vuku, Solia mai vei keitou e so na nomudou waiwai; ni sa boko na neitou veicina. 9A sa vosa ko iratou na vuku, ka kaya, De sega ni takiveilevu vei keda: e vinaka mo dou lako ga vei ira na dauveivoli, ka volia me nomudou. 10Ia ni ratou sa lako me ratou volivoli, sa tadu mai na watina-tagane; ia ko iratou sa vakarau oti tu, eratou sa curu vata kaya ki na vakawati: a sa qai sogo na katuba. 11Sa qai lako talega mai emuri ko iratou na gonealewa ko ya, ka kaya, Turaga, Turaga, dolavi keitou. 12A sa vosa ko koya, ka kaya, Au sa kaya vakaidina vei kemudou, au sa sega ni kilai kemudou.
13O koya mo dou qai vakatawa, ni dou sa sega ni kila na Siga, se na tiki-ni-siga, sa lako mai kina na Luve ni tamata.
14Ni sa tautauvata ko koya kei na dua na tamata sa lako ki na dua na vanua tani, o koya sa kacivi ira na nona tamata, ka solia vei ira na nonai yau: 15a sa solia vua e dua na taledi e lima, vua tale e dua e rua, vua tale e dua e dua bauga; vei ira yadua me vaka na ka era sa dui cakava rawa: a sa qai lako sara yani. 16Ia ko koya sa taura na taledi e lima sa laʼki veivoli kina, a sa rawata e lima tale na taledi. 17Sa vaka talega kina ko koya sa taura e rua, sa rawata e rua tale. 18Ia ko koya sa taura e dua bau, sa lako ka kelia na qele, ka vunia nai lavo ni nona turaga.
19A sa dede sara mada sa qai lako mai na nodra turaga na tamata ko ya, a sa tarogi ira. 20Ia ko koya ka taura na taledi e lima, sa lako mai ka kauta mai e lima tale na taledi, ka kaya, Turaga, e lima na taledi ko a solia mai vei au: raica, au sa rawata e lima tale na taledi me kenai kuri. 21A sa kaya na nona turaga vei koya, E vinaka, a tamata vinaka ka dina; o sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga. 22O koya talega ka taura na taledi e rua, sa lako mai ka kaya, Turaga, e rua na taledi ko a solia mai vei au: raica, au sa rawata e rua tale na taledi me kenai kuri. 23Sa kaya na nona turaga vei koya, E vinaka, a tamata vinaka ka dina: o sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga. 24Ia ko koya ka taura na taledi e dua bauga, sa lako mai ka kaya, Turaga, au sa kilai iko, ni ko sa tamata lawaki dredre, o sa tamusuka e na vanua ko a sega ni kaburaka kina, ka kumuna mai na vanua ko a sega ni veibiuyaka kina: 25ia kaʼu a rere kina, ka laʼki vunia na nomu taledi e na qele: raica, o qori na nomu sa tu ga vei iko. 26Sa qai vosa na nona turaga vei koya, ka kaya, A tamata ca ka vucesa! o sa kila niʼu sa tamusuka e na vanua kaʼu a sega ni kaburaka kina, ka kumuna mai na vanua kaʼu a sega ni veibiuyaka kina: 27o koya ga o qo e kilikili kina kei iko me solia na noqui lavo vei ira na dauveisaui lavo, niʼu sa qai lako mai meʼu sa taura na noqu vata kei na kenai sau talega. 28O koya mo dou qai kauta tani vua na taledi, ka solia vua sa tu vei koya na taledi e tini. 29Ni sa dua na ka ke sa tu vua na tamata, ena qai soli vua ka na levu na nona: ia na tamata ke sa sega ni tu vua e dua na ka, ena qai kau tani mai vua na ka sa tu vua. 30Ia na tamata tawa yaga mo dou biuta ki na butobuto etautuba: ena dautagi kina, ka katia na batina.
31Ia e na siga ena lako mai kina na Luve ni tamata e na nonai ukuuku, kei ira vata kaya na agilose yalosavasava kecega, ena qai tiko e na nonai tikotiko vakaturaga sa vakaiukuuku: 32ena qai soqoni vata e matana na lewe ni veivanua kecega: ena qai tawasei ira rua ko koya, me vaka nai vakatawa ni sipi sa tawasei ira na sipi maivei ira na koti; 33ia ena vakatikori ira na sipi e na ligana i matau, kei ira na koti e nai mawi.
34Ena qai kaya na Tui vei ira e na ligana i matau, Dou lako mai, oi kemudou sa vakalougatataki vei Tamaqu, mo dou rawata na matanitu sa vakarautaki vei kemudou mai nai vakatekivu kei vuravura: 35ni kaʼu a viakana, ka dou a solia mai vei au na kakana: au a viagunu, ka dou a vagunuvi au: au a vulagi, ka dou a kauti au ki vale: 36luvawale, ka dou a vakasulumi au: au a tauvi-mate, ka dou a mai raici au: au a tiko e na vale ni veivesu, ka dou a lako mai vei au. 37Ena qai vosa vua ko ira na yalododonu, ka kaya, Turaga, keitou a raici iko mada ninaica ni ko a viakana, ka vakani iko? se viagunu, ka vagunuvi iko? 38se keitou a raici iko ninaica ni ko a vulagi, ka kauti iko ki vale? se luvawale, ka vakasulumi iko? 39se keitou a raici iko ninaica ni ko a tauvi-mate, se e na vale ni veivesu, ka lako vei iko? 40Ena qai vosa na Tui, ka kaya vei ira, Au sa kaya vakaidina vei kemudou, E na vuku ni dou a cakava vua e dua sa lailai vei ira na wekaqu o qo, dou a cakava vei au.
41Ena qai vosa talega ko koya vei ira e na ligana i mawi, Lako tani vei au koi kemudou sa cudruvi, ki na buka waqa tawa boko, sa vakarautaki vei koya na tevoro kei ira na nona agilose: 42ni kaʼu a viakana, ka dou a sega ni solia mai vei au na kakana: au a viagunu, ka dou a sega ni vagunuvi au: 43au a vulagi, ka dou a sega ni kauti au ki vale: luvawale, ka dou a sega ni vakasulumi au: tauvi-mate, ka e na vale ni veivesu, ka dou a sega ni mai raici au. 44Ena qai vosa vua ko ira talega, ka kaya, Turaga, keitou a raici iko ninaica ni ko a viakana, se viagunu, se vulagi, se luvawale, se tauvi-mate, se e na vale ni veivesu, ka sega ni qaravi iko? 45Ena qai vosa ko koya vei ira, ka kaya, Au sa kaya vakaidina vei kemudou, E na vuku ni dou a sega ni cakava vua e dua sa lailai vei ira o qo, dou a sega talega ni cakava vei au. 46Era na qai lako ko ira o qo ki na cudruvi tawa mudu; ia ko ira na yalododonu ki na bula tawa mudu.
Currently Selected:
Maciu 25: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
Maciu 25
25
A vosa vakatautauvata ni gonealewa e tini, 1-13; kei na taledi, 14-30. Sa vakatakila ko Jisu nai valavala ni siga ni lewa, 31-46.
1ENA qai vakatauvatani na matanitu vakalomalagi kei na gonealewa e lewe tini, eratou sa kauta na nodratou veicina, ka laʼki veitata kei na watina-tagane. 2Ka lewe lima vei iratou sa vuku, a ratou sa lewe lima sa lialia. 3O iratou na lialia eratou sa kauta na nodratou veicina, a ratou sa sega ni kauta vata kei na waiwai; 4ia ko iratou na vuku eratou sa kauta na waiwai e na nodratou tavaya, vata kei na nodratou veicina. 5Ia ni sa dede mai na watina-tagane, eratou sa sosovu kecega ka moce. 6Ni sa qai lomaloma-ni-bogi na vanua, sa ia na kacikaci, Raica, sa lako mai na watina-tagane; dou laʼki veitata kaya. 7Eratou sa qai tu cake kecega na gonealewa o qo, a ratou sa vakarautaka na nodratou veicina. 8A sa kaya ko iratou na lialia vei iratou na vuku, Solia mai vei keitou e so na nomudou waiwai; ni sa boko na neitou veicina. 9A sa vosa ko iratou na vuku, ka kaya, De sega ni takiveilevu vei keda: e vinaka mo dou lako ga vei ira na dauveivoli, ka volia me nomudou. 10Ia ni ratou sa lako me ratou volivoli, sa tadu mai na watina-tagane; ia ko iratou sa vakarau oti tu, eratou sa curu vata kaya ki na vakawati: a sa qai sogo na katuba. 11Sa qai lako talega mai emuri ko iratou na gonealewa ko ya, ka kaya, Turaga, Turaga, dolavi keitou. 12A sa vosa ko koya, ka kaya, Au sa kaya vakaidina vei kemudou, au sa sega ni kilai kemudou.
13O koya mo dou qai vakatawa, ni dou sa sega ni kila na Siga, se na tiki-ni-siga, sa lako mai kina na Luve ni tamata.
14Ni sa tautauvata ko koya kei na dua na tamata sa lako ki na dua na vanua tani, o koya sa kacivi ira na nona tamata, ka solia vei ira na nonai yau: 15a sa solia vua e dua na taledi e lima, vua tale e dua e rua, vua tale e dua e dua bauga; vei ira yadua me vaka na ka era sa dui cakava rawa: a sa qai lako sara yani. 16Ia ko koya sa taura na taledi e lima sa laʼki veivoli kina, a sa rawata e lima tale na taledi. 17Sa vaka talega kina ko koya sa taura e rua, sa rawata e rua tale. 18Ia ko koya sa taura e dua bau, sa lako ka kelia na qele, ka vunia nai lavo ni nona turaga.
19A sa dede sara mada sa qai lako mai na nodra turaga na tamata ko ya, a sa tarogi ira. 20Ia ko koya ka taura na taledi e lima, sa lako mai ka kauta mai e lima tale na taledi, ka kaya, Turaga, e lima na taledi ko a solia mai vei au: raica, au sa rawata e lima tale na taledi me kenai kuri. 21A sa kaya na nona turaga vei koya, E vinaka, a tamata vinaka ka dina; o sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga. 22O koya talega ka taura na taledi e rua, sa lako mai ka kaya, Turaga, e rua na taledi ko a solia mai vei au: raica, au sa rawata e rua tale na taledi me kenai kuri. 23Sa kaya na nona turaga vei koya, E vinaka, a tamata vinaka ka dina: o sa dina e na ka e vica ga, au na lesi iko mo lewa na ka e vuqa: curu ki na marau ni nomu turaga. 24Ia ko koya ka taura na taledi e dua bauga, sa lako mai ka kaya, Turaga, au sa kilai iko, ni ko sa tamata lawaki dredre, o sa tamusuka e na vanua ko a sega ni kaburaka kina, ka kumuna mai na vanua ko a sega ni veibiuyaka kina: 25ia kaʼu a rere kina, ka laʼki vunia na nomu taledi e na qele: raica, o qori na nomu sa tu ga vei iko. 26Sa qai vosa na nona turaga vei koya, ka kaya, A tamata ca ka vucesa! o sa kila niʼu sa tamusuka e na vanua kaʼu a sega ni kaburaka kina, ka kumuna mai na vanua kaʼu a sega ni veibiuyaka kina: 27o koya ga o qo e kilikili kina kei iko me solia na noqui lavo vei ira na dauveisaui lavo, niʼu sa qai lako mai meʼu sa taura na noqu vata kei na kenai sau talega. 28O koya mo dou qai kauta tani vua na taledi, ka solia vua sa tu vei koya na taledi e tini. 29Ni sa dua na ka ke sa tu vua na tamata, ena qai soli vua ka na levu na nona: ia na tamata ke sa sega ni tu vua e dua na ka, ena qai kau tani mai vua na ka sa tu vua. 30Ia na tamata tawa yaga mo dou biuta ki na butobuto etautuba: ena dautagi kina, ka katia na batina.
31Ia e na siga ena lako mai kina na Luve ni tamata e na nonai ukuuku, kei ira vata kaya na agilose yalosavasava kecega, ena qai tiko e na nonai tikotiko vakaturaga sa vakaiukuuku: 32ena qai soqoni vata e matana na lewe ni veivanua kecega: ena qai tawasei ira rua ko koya, me vaka nai vakatawa ni sipi sa tawasei ira na sipi maivei ira na koti; 33ia ena vakatikori ira na sipi e na ligana i matau, kei ira na koti e nai mawi.
34Ena qai kaya na Tui vei ira e na ligana i matau, Dou lako mai, oi kemudou sa vakalougatataki vei Tamaqu, mo dou rawata na matanitu sa vakarautaki vei kemudou mai nai vakatekivu kei vuravura: 35ni kaʼu a viakana, ka dou a solia mai vei au na kakana: au a viagunu, ka dou a vagunuvi au: au a vulagi, ka dou a kauti au ki vale: 36luvawale, ka dou a vakasulumi au: au a tauvi-mate, ka dou a mai raici au: au a tiko e na vale ni veivesu, ka dou a lako mai vei au. 37Ena qai vosa vua ko ira na yalododonu, ka kaya, Turaga, keitou a raici iko mada ninaica ni ko a viakana, ka vakani iko? se viagunu, ka vagunuvi iko? 38se keitou a raici iko ninaica ni ko a vulagi, ka kauti iko ki vale? se luvawale, ka vakasulumi iko? 39se keitou a raici iko ninaica ni ko a tauvi-mate, se e na vale ni veivesu, ka lako vei iko? 40Ena qai vosa na Tui, ka kaya vei ira, Au sa kaya vakaidina vei kemudou, E na vuku ni dou a cakava vua e dua sa lailai vei ira na wekaqu o qo, dou a cakava vei au.
41Ena qai vosa talega ko koya vei ira e na ligana i mawi, Lako tani vei au koi kemudou sa cudruvi, ki na buka waqa tawa boko, sa vakarautaki vei koya na tevoro kei ira na nona agilose: 42ni kaʼu a viakana, ka dou a sega ni solia mai vei au na kakana: au a viagunu, ka dou a sega ni vagunuvi au: 43au a vulagi, ka dou a sega ni kauti au ki vale: luvawale, ka dou a sega ni vakasulumi au: tauvi-mate, ka e na vale ni veivesu, ka dou a sega ni mai raici au. 44Ena qai vosa vua ko ira talega, ka kaya, Turaga, keitou a raici iko ninaica ni ko a viakana, se viagunu, se vulagi, se luvawale, se tauvi-mate, se e na vale ni veivesu, ka sega ni qaravi iko? 45Ena qai vosa ko koya vei ira, ka kaya, Au sa kaya vakaidina vei kemudou, E na vuku ni dou a sega ni cakava vua e dua sa lailai vei ira o qo, dou a sega talega ni cakava vei au. 46Era na qai lako ko ira o qo ki na cudruvi tawa mudu; ia ko ira na yalododonu ki na bula tawa mudu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.