Maciu 17
17
Sa matalia na yago i Jisu, a sa sikavotu vua ko Mosese kei Ilija, 1-13. Sa vakabula ko koya e dua sa tauvi-mate eratou a dredreta na tisaipeli, 14-21. A sa vakatakila na nona mate vei iratou na tisaipeli, 22, 23. Sa solia na drawe ni vale ni Kalou, 24-27.
1IA ni sa oti na bogi e ono sa kauti Petero kei Jemesi, kei Joni na tacina, ko Jisu, a sa kauti iratou vakatikitiki ki na dua na ulu-ni-vanua cecere. 2A sa matalia na yagona e matadratou; a sa serau na matana me vaka na mata-ni-siga, ka vulavula mai na nonai sulu me vaka na rarama. 3Ka raica, sa sikavotu vei iratou ko Mosese kei Ilija, a ratou sa veivosaki kaya. 4Sa qai vosa ko Petero, ka kaya vei Jisu, Turaga, sa vinaka na nodatou tiko eke: kevaka ko sa vinakata, me keitou tara eke na vale-vakacevaceva e tolu; e dua me nomu, ka dua me nei Mosese, ka dua me nei Ilija., 5Ni sa vosa tiko ko koya, raica, sa dua na o lumilumisa sa vakarurugi rau: ka raica, sa dua na vosa mai na o, sa kaya, O qo na noqu Gone ni toko, au sa dauvinakata vakalevu; dou vakarogoci koya. 6Ia ni ratou sa rogoca na tisaipeli, eratou sa bale vakatobocu, ka rere vakalevu. 7A sa lako mai ko Jisu ka tarai iratou, ka kaya, Tu cake, ka kakua ni rere. 8Ia ni sa ta cake na matadratou, eratou sa tawa raica e dua tale, o Jisu duaduaga.
9Ia ni ratou sa kevu sobu tiko mai na ulu-ni-vanua, sa vakarota vei iratou ko Jisu, ka kaya, Kakua ni tukuna na veika sa rairai vua e dua, ka malua me tu cake tale mai na mate na Luve ni tamata. 10A sa tarogi koya ko iratou na nona tisaipeli, ka kaya, Era sa kaya e na vuku ni cava na vu-ni-vola ni sa dodonu me lako mada mai eliu ko Ilija? 11A sa vosa ko Jisu, ka kaya vei iratou, Sa lako dina mada mai ko Ilija, me vukica na ka kece me vinaka tale. 12Ia kaʼu sa kaya vei kemudou, Sa tadu oti mai ko Ilija, a ra sa tawa kilai koya, a ra sa kitaka vua na ka kecega era sa vinakata: ena vaka talega kina ko na Luve ni tamata, ena vosota na ka vei ira. 13Eratou sa qai kila na tisaipeli ni sa vosataki Joni na dauveipapitaiso vei iratou ko koya.
14Ia ni ratou sa yaco vei ira na lewe vuqa, sa lako mai vua e dua na tamata, sa tekiduru vua, ka kaya, 15Turaga, lomani koya na luvequ-tagane: ni sa tauvi mate ni lialia, a sa rarawa vakalevu: ni sa bale vakavuqa ki na buka waqa, ka vakavuqa ki na wai: 16ia kaʼu a kauta vei iratou na nomu tisaipeli, a ratou sa sega ni vakabulai koya rawa. 17Sa qai vosa ko Jisu, ka kaya, Ai tabatamata tawa vakabauta ka yalo vakatani! me bogi vica meʼu tiko kei kemudou? me bogi vica meʼu vosoti kemudou? kauti koya mai vei au kike. 18Sa qai vunauca na tevoro ko Jisu; a sa lako tani mai vua: a sa bula na gone e na tiki-ni-siga ko ya.
19Eratou sa qai lako vakatikitiki mai na tisaipeli vei Jisu, a ratou kaya, E na vuku ni cava keitou sa sega ni vakasavi koya tani rawa kina? 20A sa kaya vei iratou ko Jisu, E na vuku ni dou sa tawa vakabauta: niʼu sa kaya vakaidina vei kemudou, Kevaka e tu vei kemudou na vakabauta e vaka na sore ni musita, dou na kaya ki na ulu-ni-vanua o qo, Lako tani kikea? ka na lako tani: a sa sega na ka ena dredre vei kemudou: 21ia ko ira sa vakaoqo era sa sega ni vakasavi tani, a ya ga e na daumasu kei na daulolo.
22Ia ni ratou sa lako voli e Kalili, sa kaya vei iratou ko Jisu, Ena soli yani na Luve ni tamata ki na ligadra na tamata: 23ka ra na vakamatei koya, ka na vakaturi cake tale mai ko koya e nai katolu ni siga. A sa rarawa vakalevu na lomadratou.
24Ia ni ratou sa tadu ki Kaperinaumi, sa lako mai vei Petero ko ira sa kumuna vata na dra we ni vale ni Kalou; ka kaya, Sa sega li ni solia na drawe ni vale ni Kalou na nomudoui vakavuvuli? 25Sa kaya ko koya, Io. Ia ni sa curu ki vale, sa taumadaka yani na nona vosa ko Jisu, ka kaya, A cava ko lewa, Saimoni? era sa kumuna vata vei cei nai vakacavacava se na drawe ko ira na turaga vakavuravura? vei ira na nodra gone, se vei ira ga na tani? 26Sa kaya vua ko Petero, Vei ira ga na tani. Sa kaya vua ko Jisu, Sa qai sega na nodrai tavi na gone o qori: 27ia me datou kakua ni vakacalai ira, mo laʼki wai, ka viritaka na siwa, ka taura na ika ena yavi mada mai; ia ni ko sa basuka na gusuna, ko na kunea kina nai lavo sa tauvata kei na drawe e rua ni vale ni Kalou: o qori mo kauta, ka solia vei ira me nodarui tavi.
Currently Selected:
Maciu 17: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
Maciu 17
17
Sa matalia na yago i Jisu, a sa sikavotu vua ko Mosese kei Ilija, 1-13. Sa vakabula ko koya e dua sa tauvi-mate eratou a dredreta na tisaipeli, 14-21. A sa vakatakila na nona mate vei iratou na tisaipeli, 22, 23. Sa solia na drawe ni vale ni Kalou, 24-27.
1IA ni sa oti na bogi e ono sa kauti Petero kei Jemesi, kei Joni na tacina, ko Jisu, a sa kauti iratou vakatikitiki ki na dua na ulu-ni-vanua cecere. 2A sa matalia na yagona e matadratou; a sa serau na matana me vaka na mata-ni-siga, ka vulavula mai na nonai sulu me vaka na rarama. 3Ka raica, sa sikavotu vei iratou ko Mosese kei Ilija, a ratou sa veivosaki kaya. 4Sa qai vosa ko Petero, ka kaya vei Jisu, Turaga, sa vinaka na nodatou tiko eke: kevaka ko sa vinakata, me keitou tara eke na vale-vakacevaceva e tolu; e dua me nomu, ka dua me nei Mosese, ka dua me nei Ilija., 5Ni sa vosa tiko ko koya, raica, sa dua na o lumilumisa sa vakarurugi rau: ka raica, sa dua na vosa mai na o, sa kaya, O qo na noqu Gone ni toko, au sa dauvinakata vakalevu; dou vakarogoci koya. 6Ia ni ratou sa rogoca na tisaipeli, eratou sa bale vakatobocu, ka rere vakalevu. 7A sa lako mai ko Jisu ka tarai iratou, ka kaya, Tu cake, ka kakua ni rere. 8Ia ni sa ta cake na matadratou, eratou sa tawa raica e dua tale, o Jisu duaduaga.
9Ia ni ratou sa kevu sobu tiko mai na ulu-ni-vanua, sa vakarota vei iratou ko Jisu, ka kaya, Kakua ni tukuna na veika sa rairai vua e dua, ka malua me tu cake tale mai na mate na Luve ni tamata. 10A sa tarogi koya ko iratou na nona tisaipeli, ka kaya, Era sa kaya e na vuku ni cava na vu-ni-vola ni sa dodonu me lako mada mai eliu ko Ilija? 11A sa vosa ko Jisu, ka kaya vei iratou, Sa lako dina mada mai ko Ilija, me vukica na ka kece me vinaka tale. 12Ia kaʼu sa kaya vei kemudou, Sa tadu oti mai ko Ilija, a ra sa tawa kilai koya, a ra sa kitaka vua na ka kecega era sa vinakata: ena vaka talega kina ko na Luve ni tamata, ena vosota na ka vei ira. 13Eratou sa qai kila na tisaipeli ni sa vosataki Joni na dauveipapitaiso vei iratou ko koya.
14Ia ni ratou sa yaco vei ira na lewe vuqa, sa lako mai vua e dua na tamata, sa tekiduru vua, ka kaya, 15Turaga, lomani koya na luvequ-tagane: ni sa tauvi mate ni lialia, a sa rarawa vakalevu: ni sa bale vakavuqa ki na buka waqa, ka vakavuqa ki na wai: 16ia kaʼu a kauta vei iratou na nomu tisaipeli, a ratou sa sega ni vakabulai koya rawa. 17Sa qai vosa ko Jisu, ka kaya, Ai tabatamata tawa vakabauta ka yalo vakatani! me bogi vica meʼu tiko kei kemudou? me bogi vica meʼu vosoti kemudou? kauti koya mai vei au kike. 18Sa qai vunauca na tevoro ko Jisu; a sa lako tani mai vua: a sa bula na gone e na tiki-ni-siga ko ya.
19Eratou sa qai lako vakatikitiki mai na tisaipeli vei Jisu, a ratou kaya, E na vuku ni cava keitou sa sega ni vakasavi koya tani rawa kina? 20A sa kaya vei iratou ko Jisu, E na vuku ni dou sa tawa vakabauta: niʼu sa kaya vakaidina vei kemudou, Kevaka e tu vei kemudou na vakabauta e vaka na sore ni musita, dou na kaya ki na ulu-ni-vanua o qo, Lako tani kikea? ka na lako tani: a sa sega na ka ena dredre vei kemudou: 21ia ko ira sa vakaoqo era sa sega ni vakasavi tani, a ya ga e na daumasu kei na daulolo.
22Ia ni ratou sa lako voli e Kalili, sa kaya vei iratou ko Jisu, Ena soli yani na Luve ni tamata ki na ligadra na tamata: 23ka ra na vakamatei koya, ka na vakaturi cake tale mai ko koya e nai katolu ni siga. A sa rarawa vakalevu na lomadratou.
24Ia ni ratou sa tadu ki Kaperinaumi, sa lako mai vei Petero ko ira sa kumuna vata na dra we ni vale ni Kalou; ka kaya, Sa sega li ni solia na drawe ni vale ni Kalou na nomudoui vakavuvuli? 25Sa kaya ko koya, Io. Ia ni sa curu ki vale, sa taumadaka yani na nona vosa ko Jisu, ka kaya, A cava ko lewa, Saimoni? era sa kumuna vata vei cei nai vakacavacava se na drawe ko ira na turaga vakavuravura? vei ira na nodra gone, se vei ira ga na tani? 26Sa kaya vua ko Petero, Vei ira ga na tani. Sa kaya vua ko Jisu, Sa qai sega na nodrai tavi na gone o qori: 27ia me datou kakua ni vakacalai ira, mo laʼki wai, ka viritaka na siwa, ka taura na ika ena yavi mada mai; ia ni ko sa basuka na gusuna, ko na kunea kina nai lavo sa tauvata kei na drawe e rua ni vale ni Kalou: o qori mo kauta, ka solia vei ira me nodarui tavi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.