Maciu 15
15
Sa vunauci ira na Farisi kei ira na vu-ni-vola ko Jisu, ni ra sa vakabauta na vosa ni tamata ka biuta na vosa ni Kalou, 1-9. Sa vakatakila ni sa vu ni ka ca kecega na yalo ni tamata, 10-20. A sa Vakabula na nona gonealewa e dua na kai Kenani, 21-28; kei ira na lewe vuqa, 29-31. Sa vakani ira na lewe vuqa, 32-39.
1SA qai lako mai vei Jisu ko ira na vu-ni-vola kei ira na Farisi mai Jerusalemi, ka kaya, 2Sa talaidredre ko ira na nomu tisaipeli ki na nodrai vakavuvuli na qase e na vuku ni cava? ni ra sa sega ni vuluvulu na ligadra ni ra sa kana. 3A sa vosa ko koya, ka kaya vei ira, Dou sa talaidredre talega ki na vunau ni Kalou e na nomudoui vakavuvuli e na vuku ni cava? 4Ni sa vakarota na Kalou, ka kaya, Vakarokoroko vei rau na tamamu kei na tinamu: ia, Ko koya sa vosavakacacataka na tamana se na tinana, me sa vakamatei. 5Ia dou sa kaya, O koya yadua ena kaya vei tamana se tinana, Sa tabu na noqu ka sa yaga vei iko: 6sa sega ni tara vei koya me vakarokoroko vei tamana se tinana. Ia dou sa vakawaletaka na vunau ni Kalou e na nomudoui vakavuvuli. 7A dauveivakaisini koi kemudou! sa tukuni kemudou vinaka eliu ko Isaia, ni sa kaya, 8O ira na tamata o qo era sa toro voleka vei au e na gusudra, a ra sa vakarokorokotaki au e na bele-ni-gusudra: ia na yalodra sa yawa tani vei au: 9a sa sega ni yaga na nodra masuti au, ni ra sa vakatavuvulitaka na vunau ni tamata mei vakavuvuli.
10A sa kacivi ira mai na lewe vuqa, ka kaya vei ira, Dou rogoca, ka vakasama: 11a ka sa curu ki na gusu sa sega ni vakadukadukalitaka na tamata; ia na ka ga sa lako mai na gusuna, o koya ga o qori sa vakadukadukalitaka na tamata.
12Sa qai lako mai ko iratou na nona tisaipeli, ka kaya vua, O sa kila beka era sa lomaca na Farisi, ni ra sa rogoca na vosa ko ya? 13A sa vosa ko koya, ka kaya, A kau vakaaduaga, e sega ni tea ko Tamaqu vakalomalagi, ena cavu laivi. 14Dou laivi ira tu yani: era sa mataboko, a ra sa tuberi ira na mataboko. Ia kevaka e tubera na mataboko na mataboko, erau ua sikalutu ruarua ki na keli.
15Sa qai vosa ko Petero, ka kaya vua, Tukuna mai vei keitou na vosa vakatautauvata o qori. 16A sa kaya ko Jisu, Oi kemudou talega, dou sa tawa kila rawa tu, ne? 17Dou sa sega beka ni kila, na ka kecega sa curu ki na gusu sa lutu ki kete, a sa biu yani ki nai benubenu? 18Ia na veika sa curu yani mai na gusu, sa lako dina mai na yalo; a veika ga o qo sa vakadukadukalitaka na tamata. 19Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaoa: 20a veika ga o qori sa vakadukadukalitaka na tamata: ia ka sega ni vakadukadukalitaka na tamata, ni sa kana ka sega ni vuluvulu mada na ligana.
21Sa qai lako tani maikeri ko Jisu, ka lako ki na veiyasana i Teiri kei Saitoni. 22Ka raica, sa dua na yalewa ni Kenani sa lako mai na yasana ko ya, a sa tagi vua, ka kaya, Lomani au mai, Turaga, na Luve i Tavita; na luvequ-yalewa sa rarawa vakalevu ni sa curumi koya e dua na tevoro. 23A sa tawa kaya vua e dua na vosa ko koya. A ratou sa lako mai na nona tisaipeli ka masuti koya, ka kaya, Vakatalai koya tani; ni sa mai tagi muri kedatou tikoga. 24A sa vosa ko koya, ka kaya, Au sa sega ni talai mai, a ya ga kivei ira na sipi ni mataqali i Isireli era yali tu. 25Sa qai lako mai na yalewa, ka cuva vua, ka kaya, Turaga, vukei au mai. 26A sa vosa ko koya, ka kaya, Sa sega ni vinaka me kauta na kedra na gone, ka biuta vei ira na koli. 27A sa kaya na yalewa, E dina ya, Turaga: ia ko ira na koli era kania na meme ni kakana sa qeqera mai nai kanakana ni nodra turaga. 28Sa qai vosa ko Jisu, ka kaya vua, Yalewa, sa levu na nomu vakabauta: me yaco vei iko me vaka na ka ko vinakata. A sa bula na luvena-yalewa e na tiki-ni-siga ko ya.
29A sa lako tani maikea ko Jisu, ka lako voleka ki na wai mai Kalili; a sa cabe ki na ulu-ni-vanua, ka tiko sobu kina. 30A ra sa lewe vuqa sara sa lako mai vua, era sa kauta mai e so na lokiloki, na mataboko, na galu, na gera, kei ira tale e so era lewe vuqa; a ra sa tauci ira sobu ki na yava i Jisu; a sa vakabulai ira ko koya: 31a ra sa kidacala kina ko ira na lewe vuqa, ni ra sa raica ni sa vosa rawa na galu, sa bula na gera, sa lako rawa na lokiloki, a sa rai rawa na mataboko: a ra sa vakarokorokotaka na Kalou nei Isireli.
32Sa qai kacivi iratou mai na nona tisaipeli ko Jisu, ka kaya, Au sa lomani ira na lewe vuqa, ni sa qai bogi tolu era sa tiko ga vei au, a sa sega na ka me ra kania: ia kaʼu sa sega ni via vakatalai ira yani ni ra sa sega ni kana, de ra malumalumu e na gau-ni-sala. 33A sa kaya vua ko iratou na nona tisaipeli, Edatou na rawata maivei na madrai e lekutu, me ra mamau kina ko irana lewe vuqa o qo? 34A sa kaya vei iratou ko Jisu, E vica nai buli madrai sa tu vei kemudou? A ratou sa kaya, E vitu, kei na ika lalai e so. 35A sa vosa ko koya vei ira na lewe vuqa me ra tiko sobu e na qele. 36A sa taura ko koya nai buli madrai e vitu kei na ika, a sa vakavinavinaka, a sa dovia, a sa solia vei iratou na nona tisaipeli, ia ko iratou na tisaipeli vei ira na lewe vuqa. 37A ra sa kana kecega, a ra sa mamau: a ra sa tomika vata na vo ni ka sa dovi, a sa vitu na sova sa sinai kina. 38Ia ko ira sa kana era sa lewe va na udolu na tagane, ia ko ira na yalewa kei na gone era sa tawa wili.
39A sa talai ira yani na lewe vuqa ko koya, a sa qai vodoka na waqa, a sa tadu ki na yasayasa vaka-Makitala.
Currently Selected:
Maciu 15: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
Maciu 15
15
Sa vunauci ira na Farisi kei ira na vu-ni-vola ko Jisu, ni ra sa vakabauta na vosa ni tamata ka biuta na vosa ni Kalou, 1-9. Sa vakatakila ni sa vu ni ka ca kecega na yalo ni tamata, 10-20. A sa Vakabula na nona gonealewa e dua na kai Kenani, 21-28; kei ira na lewe vuqa, 29-31. Sa vakani ira na lewe vuqa, 32-39.
1SA qai lako mai vei Jisu ko ira na vu-ni-vola kei ira na Farisi mai Jerusalemi, ka kaya, 2Sa talaidredre ko ira na nomu tisaipeli ki na nodrai vakavuvuli na qase e na vuku ni cava? ni ra sa sega ni vuluvulu na ligadra ni ra sa kana. 3A sa vosa ko koya, ka kaya vei ira, Dou sa talaidredre talega ki na vunau ni Kalou e na nomudoui vakavuvuli e na vuku ni cava? 4Ni sa vakarota na Kalou, ka kaya, Vakarokoroko vei rau na tamamu kei na tinamu: ia, Ko koya sa vosavakacacataka na tamana se na tinana, me sa vakamatei. 5Ia dou sa kaya, O koya yadua ena kaya vei tamana se tinana, Sa tabu na noqu ka sa yaga vei iko: 6sa sega ni tara vei koya me vakarokoroko vei tamana se tinana. Ia dou sa vakawaletaka na vunau ni Kalou e na nomudoui vakavuvuli. 7A dauveivakaisini koi kemudou! sa tukuni kemudou vinaka eliu ko Isaia, ni sa kaya, 8O ira na tamata o qo era sa toro voleka vei au e na gusudra, a ra sa vakarokorokotaki au e na bele-ni-gusudra: ia na yalodra sa yawa tani vei au: 9a sa sega ni yaga na nodra masuti au, ni ra sa vakatavuvulitaka na vunau ni tamata mei vakavuvuli.
10A sa kacivi ira mai na lewe vuqa, ka kaya vei ira, Dou rogoca, ka vakasama: 11a ka sa curu ki na gusu sa sega ni vakadukadukalitaka na tamata; ia na ka ga sa lako mai na gusuna, o koya ga o qori sa vakadukadukalitaka na tamata.
12Sa qai lako mai ko iratou na nona tisaipeli, ka kaya vua, O sa kila beka era sa lomaca na Farisi, ni ra sa rogoca na vosa ko ya? 13A sa vosa ko koya, ka kaya, A kau vakaaduaga, e sega ni tea ko Tamaqu vakalomalagi, ena cavu laivi. 14Dou laivi ira tu yani: era sa mataboko, a ra sa tuberi ira na mataboko. Ia kevaka e tubera na mataboko na mataboko, erau ua sikalutu ruarua ki na keli.
15Sa qai vosa ko Petero, ka kaya vua, Tukuna mai vei keitou na vosa vakatautauvata o qori. 16A sa kaya ko Jisu, Oi kemudou talega, dou sa tawa kila rawa tu, ne? 17Dou sa sega beka ni kila, na ka kecega sa curu ki na gusu sa lutu ki kete, a sa biu yani ki nai benubenu? 18Ia na veika sa curu yani mai na gusu, sa lako dina mai na yalo; a veika ga o qo sa vakadukadukalitaka na tamata. 19Ni sa curu yani mai na yalo na nanuma ca, na daulaba, na dauyalewa, na daudara, na daubutako, na veibeitaki vakailasu, na vosa vakacaoa: 20a veika ga o qori sa vakadukadukalitaka na tamata: ia ka sega ni vakadukadukalitaka na tamata, ni sa kana ka sega ni vuluvulu mada na ligana.
21Sa qai lako tani maikeri ko Jisu, ka lako ki na veiyasana i Teiri kei Saitoni. 22Ka raica, sa dua na yalewa ni Kenani sa lako mai na yasana ko ya, a sa tagi vua, ka kaya, Lomani au mai, Turaga, na Luve i Tavita; na luvequ-yalewa sa rarawa vakalevu ni sa curumi koya e dua na tevoro. 23A sa tawa kaya vua e dua na vosa ko koya. A ratou sa lako mai na nona tisaipeli ka masuti koya, ka kaya, Vakatalai koya tani; ni sa mai tagi muri kedatou tikoga. 24A sa vosa ko koya, ka kaya, Au sa sega ni talai mai, a ya ga kivei ira na sipi ni mataqali i Isireli era yali tu. 25Sa qai lako mai na yalewa, ka cuva vua, ka kaya, Turaga, vukei au mai. 26A sa vosa ko koya, ka kaya, Sa sega ni vinaka me kauta na kedra na gone, ka biuta vei ira na koli. 27A sa kaya na yalewa, E dina ya, Turaga: ia ko ira na koli era kania na meme ni kakana sa qeqera mai nai kanakana ni nodra turaga. 28Sa qai vosa ko Jisu, ka kaya vua, Yalewa, sa levu na nomu vakabauta: me yaco vei iko me vaka na ka ko vinakata. A sa bula na luvena-yalewa e na tiki-ni-siga ko ya.
29A sa lako tani maikea ko Jisu, ka lako voleka ki na wai mai Kalili; a sa cabe ki na ulu-ni-vanua, ka tiko sobu kina. 30A ra sa lewe vuqa sara sa lako mai vua, era sa kauta mai e so na lokiloki, na mataboko, na galu, na gera, kei ira tale e so era lewe vuqa; a ra sa tauci ira sobu ki na yava i Jisu; a sa vakabulai ira ko koya: 31a ra sa kidacala kina ko ira na lewe vuqa, ni ra sa raica ni sa vosa rawa na galu, sa bula na gera, sa lako rawa na lokiloki, a sa rai rawa na mataboko: a ra sa vakarokorokotaka na Kalou nei Isireli.
32Sa qai kacivi iratou mai na nona tisaipeli ko Jisu, ka kaya, Au sa lomani ira na lewe vuqa, ni sa qai bogi tolu era sa tiko ga vei au, a sa sega na ka me ra kania: ia kaʼu sa sega ni via vakatalai ira yani ni ra sa sega ni kana, de ra malumalumu e na gau-ni-sala. 33A sa kaya vua ko iratou na nona tisaipeli, Edatou na rawata maivei na madrai e lekutu, me ra mamau kina ko irana lewe vuqa o qo? 34A sa kaya vei iratou ko Jisu, E vica nai buli madrai sa tu vei kemudou? A ratou sa kaya, E vitu, kei na ika lalai e so. 35A sa vosa ko koya vei ira na lewe vuqa me ra tiko sobu e na qele. 36A sa taura ko koya nai buli madrai e vitu kei na ika, a sa vakavinavinaka, a sa dovia, a sa solia vei iratou na nona tisaipeli, ia ko iratou na tisaipeli vei ira na lewe vuqa. 37A ra sa kana kecega, a ra sa mamau: a ra sa tomika vata na vo ni ka sa dovi, a sa vitu na sova sa sinai kina. 38Ia ko ira sa kana era sa lewe va na udolu na tagane, ia ko ira na yalewa kei na gone era sa tawa wili.
39A sa talai ira yani na lewe vuqa ko koya, a sa qai vodoka na waqa, a sa tadu ki na yasayasa vaka-Makitala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.