Ai Vola Kei Jope 40
40
Sa vakamalumalumutaki koya ko Jope vua na Kalou, 1-5. Sa kitaki Jope ko koya me vakatakila ni sa dodonu, ka kaukauwa, ka vuku, 6-14. Sa tukuni beemoci, 15-24.
1A SA vosa tiko vei Jope ko Jiova ka kaya, 2O koya sa veileti kei Koya sa Kaukauwa, me na vakavulici koya beka talega? o koya sa vunauca na Kalou, me vosa mada kina.
3Sa qai vosa vei Jiova ko Jope, ka kaya, 4Raica, au sa ca; a cava meʼu kaya vei iko? au na tabonaka na gusuqu e na ligaqu. 5Au sa vosa oti vakadua: ia kaʼu na sega ni vosa tale: io, sa vakarua: kaʼu na sega ga ni kuria.
6Sa qai vosa tale vei Jope ko Jiova mai na covulaca, ka kaya, 7Mo vauca mada vakatagane na tolomu: kaʼu na vakatataro vei iko, ia mo vakatakila mai vei au. 8O na vakatawayagataka beka na noqu lewa? o na vakacalai au, mo dodonu ko iko? 9A ligamu beka sa vaka na liga ni Kalou? se ko kitaka rawa beka na kurukuru e domomu me tautauvata kaya? 10Mo vakaiukuukutaki iko mada e na ka vakaturaga kei na vakarokoroko; ka vakaisulutaki iko e nai ukuuku kei na lagilagi. 11Mo duibiubiuti na katakata ni nomu cudru: ka raici ira kece era viavialevu, ka vakamalumalumutaki ira. 12Mo raici ira kecega era viavialevu, ka vakasivoya, ka buturaki ira nai valavala ca e nodra yasana. 13Mo vunitaki ira vata e na kuvu-ni-soso, sogolati ira e na vanua vuni. 14Kaʼu na qai vakadinadina vei iko, ni sa vakabulai iko rawa na ligamu i matau.
15Mo raici beemoci mada, o koya kaʼu sa cakavi kemudrau ruarua: sa daukana co me vaka na karavau. 16Mo raica mada, ni sa tiko e tolona na nona kaukauwa, kei na nona gulevu sa tu e nona vicovico. 17Sa yavalata na buina ka sa vaka na sitari: a dali ni sagana sa tobe vata. 18A suina sa vaka na tiki ni parasa kaukauwa; a suina sa vaka na tiki ni aironi. 19O koya na vuna e na cakacaka ni Kalou: o koya sa cakavi koya sa solia vua na nonai yaragi. 20Sa tubura dina na kena na veiulu-ni-vanua, a ra sa dauqito maikina na manumanu kecega ni vanua. 21Sa koto e ruku ni kau rugurugua, e na ruku ni gasau kei na woruworu. 22Sa ubi koya na kau rugurugua e na yaloya-lona; sa tu voliti koya na wilou mai na wai drodro. 23Raica, ni sa vuabale na uciwai, sa sega ni rere ko koya; sa yate-dei ga ni sa drodro sara mai na Joritani ki na gusuna. 24Ena rawai koya beka e dua ni sa raica tiko? se na cula rawa na ucuna ni sa coriti?
Currently Selected:
Ai Vola Kei Jope 40: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
