Ai Vola I Isaia, na Parofita 22
22
A raivotu e na ka ca me yacovi ira na kai Jerusalemi, 1-14; kei na nona vakasivoki ko Sepina e dua na turaga, 15-25.
1AI colacola ni Buca ni Raivotu.
A cava mada sa tauvi iko, ni ko sa cabe cake sara ki na dela ni veivale? 2O iko sa dauyavala, na koro daumasa, na koro daumamarau: o ira era baleti iko era sa sega ni bale e nai seleiwan, se mate e nai valu. 3O ira kece na nomu turaga era sa dro vata mai na dakai, era sa vauci: ia ko ira kece era sa kune vei iko era sa vauci vata, era sa dro vakayawa mai. 4O koya kaʼu a kaya kina, Dou rai tani vei au; ena ka rarawa na noqu tagi; dou kakua ni gu me vakacegui au e na vuku ni kena vakacacani na gonealewa ni noqu tamata. 5Ni sa siga ni kidroa, kei na veibuturaki, kei na taqaya, mai vua na Turaga ko Jiova ni lewe vuqa e na buca ni raivotu, na siga ni basu bai, kei na tagi ki na ulu-ni-vanua. 6A sa cola taga gasau ko ira na Elama, e na vale-vodoki, kei na tamata, kei na tamata sa vodo tu e na ose; ia ko ira na Kiri era sa luvata nai sala ni sasabai. 7A sa yaco, ni sa oso na nomu veibuca vinaka e na vale-vodoki, a sa lautuva na tamata sa vodo tu e na ose kivakaki na matamata-ni-koro. 8A sa kauti tani na nodrai vakaruru na Juta, ia ko a qai goleva nai yaragi mai na Vale-ni-veikau e na siga ko ya. 9Dou sa qai kunea na tiki ni bai ni koro i Tevita sa kabasu, ni sa vuqa; dou sa vakasoqona vata talega na wai ni drano e ra. 10Dou sa wilika talega na veivale mai Jerusalemi, ka basuka sobu na veivale e so me vakaukauwataka kina na bai. 11Ia dou sa cakava nai keli-wai e na maliwa ni bai e rua me tu kina na wai ni drano makawa: ia dou sa tawa golevi koya sa cakava, ka sega ni nanumi koya ka qisia eliu. 12Ia e na siga ko ya sa kacivi kemudou na Turaga ko Jiova ni lewe vuqa me ia na tagi yaso, kei na tasi ulu, kei na vauci e nai sulu taqarotu: 13ia ka raica, sa ia na rereki kei na marau, na moku karavau, kei na vakamate sipi, na kana manumanu, kei na gunu waini: me tou kana ka gunu, ni da na mate e na sabogibogi. 14Ia ka sa tukuna e daligaqu ko Jiova ni lewe vuqa, Ena sega sara ni bokoci nai valavala ca o qo ni dou sa bula tiko, sa kaya na Turaga ko Jiova ni lewe vuqa.
15Sa vaka na Turaga ko Jiova ni lewe vuqa, Mo lako, laʼki curu mada vua na turaga-ni-yau o qo, io vei Sepina, o koya sa lewa na vale levu, ka kaya, 16A cava sa nomu eke? se ko cei sa nomu eke? mo sa taya kina na nomui bulubulu eke? me sa taya li na nonai bulubulu ecake, ka ceuta na nonai tikotiko e na Uluvatu! 17Raica, ko Jiova ena qai biuti iko tani sara, o iko na tamata, ka tabonaka vakaidina na matamu. 18Ena vakawiri taki iko sara, ka rabotaki iko me vaka na ka momokiti ki na vanua rabailevu: sa kikea ko na laʼki mate kina, sa kikea ena kauti iko na vale-vodoki ko sa dokai iko kina, o iko na ka e veivakamaduataki e na vale ni nomu turaga. 19Ia kaʼu na vakasavi iko tani mai na nomui tikotiko, ka vakasivoki iko mai na nomu cakacaka. 20Ia ena yaco e na siga ko ya, kaʼu na kaciva na noqui talatala ko Eliyakimi na luve i Ilikiya, 21ka vakaisulutaki koya e na nomui sulu, ka vauci koya e na nomui vau ni sulu, kaʼu na lesi koya me lewa na ka ko sa lewa: ia ena yaco ko koya me tamadra na kai Jerusalemi, kei na mataqali i Juta. 22Ia kaʼu na tauca ki domona nai dola ni vale i Tevita; ena dolava, ka sega o dua me sogota; ka sogota, ka sega e dua me dolava. 23Ia kaʼu na vakataudeitaki koya me vaka nai vako e na tikina sa dei sara; ena yaco talega mei tikotiko vakaiukuuku e na vale i tamana. 24A ra na rubeca vua nai ukuuku kecega ni vale i tamana, na gone kei na kawa, kei na bilo lalai kecega, mai na bilo ni gunu ka yacova na bilo ni takitaki. 25Sa kaya ko Jiova ni lewe vuqa, Ena kauti tani e na siga ko ya nai vako sa vakataudeitaki e na tikina sa dei sara, ena tamusuki ka lutu; ia nai colacola ka rube kina ena tamusuki: ni sa tukuna ko Jiova.
Currently Selected:
Ai Vola I Isaia, na Parofita 22: FIJ1864
Highlight
Copy
Compare
Share
Want to have your highlights saved across all your devices? Sign up or sign in
First full Bible in the Fijian language © British and Foreign Bible Society, 1864.
