Wlomɛnya Welipiɛ
Welipiɛ
-Sɔɔdɛku Pɔle 'kɛle nɛ 'ɛ "bɔgo ne, 'ɔ -ko nɛ Kolɛtedu "me. Pɔle 'yɔbhɔ nɛ -gbɔ 'ɔ "kɛ nɛ Zeluzalɛme me "bhuɔ, -se 'ɔ "kɛ nɛ -da Wlɔmedu "me me. 'Ɛza, 'ɔ 'kɛle -lɔ Wlɔme 'na Lagɔnya "ku, -se 'ɔ "koa 'sloa, -se 'ɔ "koa 'kwɛme "tamalea. "Ci ta "ku 'ye- Pɔle -dli -lɔ "bɔgo ne "me. 'Tɛtɛcibhɛ "me (1–8). Lagɔweli 'ye 'ɔ 'sibhale -lɔ -glɔnya zɔ nɛɛ: Lagɔ 'yliku, 'nyakpa 'klekle, "nyinyonolinonya 'waa -lɔ. Lagɔ "pɔle- -anye 'kɛle yɔko (1.18–3.20). -Mɔ, Zezu Kli, -ɔ "ne lɛ 'nyinyonoli -no gou, 'ɔnɛɛ "kwiɛ 'ɛ "titli- -lɔ -anyɛɛ 'nyinyonoli "ku, "ne 'ɔ 'yi -lɔ -anye 'fuɔ. 'Ɛza, 'nyakpa 'klekle -wa -kɛ Klise 'dleku -wɛ, "meŋwinɛnenya 'waa -lɔ Lagɔ 'yliku (3.2–5.21). Pɔle bhulɛle 'nyakpa -gbɔ Lagɔ 'na -Lɔ -wɛ -bɛɛ' 'na "namanɔ yɛ -lɔ. -Mɔ, 'nyɔkpɔ "ne 'bhɛle 'ɔ 'cɛ kɔ 'kɛle-. 'Ɛnɛɛ 'ylime, Lagɔ -lebhe -lɔ -dudu 'ɔ Yowli Zezu Kli, -se 'ɔ -kɛ -anye 'kwɛle -se -a "kɛ Lagɔ 'na yua "zo (6–8). "Bɔgo 'na "ci 'na "sɔɔnɛɛ -wɛ "me (9–11), Pɔle bhulɛ Zufonya -wa "ne 'wayi Zezu kɔ 'je- -wɛ 'na weli. 'Ɛ Zufonya -wɛ 'pɔ- Zezu 'kwlɛ "me. -Mɔ, 'ɔyi Lagɔ "ne "ɛ 'nyakpa -wɛ 'kwlɛ "me 'pɔ-. "Bɔgo 'na "ci 'na tanɛ -wɛ "me (12.1–15.13) Pɔle -sloa Lagɔnya -se 'wa "kɛ 'wayi slu -wɛ. 'Ɔ bhulɛloa nɛɛ 'wa 'je 'wayi Zezu Kli kɔ. -Ɛ "nɛne -tiaa -noɔ -lɔ -gbɔ -wamale -eluyu -see -e -wa -eyi -wɛ. -Dee 'ɔ -bhiɛle 'kɛle kɔ -wɛ, 'ɔ -bhɛle 'ɔnɛɛ 'titoa 'wɔ -wa -ko Wlɔme -wɛ (15.14–16.27).
Currently Selected:
Wlomɛnya Welipiɛ: btg
Highlight
Share
Compare
Copy
Want to have your highlights saved across all your devices? Sign up or sign in
© 2024 (Active), Wycliffe Bible Translators, Inc. All rights reserved.