Kuurotokwe 19
19
Poolol wagwolago Efesos toru kuuguudo tokwe amoruudomolloka tovinokwono
1 #
Ef. 1:1
Apoolosol wagwolago Koorin toru kuuno mwaloduke toga Poolol proovins pun muumuudo toorai wo'dupudo su tomuu'aro avosulokabokaikono. Toro posulokabino sumaiyokwe wagwolago Efesos toru abai'movokaikono. Toro bai'mo'mno sumaiyokwe a'mwo Jisasollu uumjunyokwe pworai biyo'mgonomaro'no kuuru'marokaikono. 2Toro toorai wuuru'ma'no sumaiyokwe aro kuudoganokaikono. “Kevu Jisasolluno kuudo muudu'no kuubweyopo toga Gooti toolluro Kuullo tool kemoro poowokalago tonyu aulekumwalokaldukono?” Toro kuudoganoka tovi a'mwo su tooro aro kuudoporogano. “Awiyo, nemi maulonekumwalokanogano. Aki, Gooti toolluro Kuullo su tool domwallo, kuudo miyau'dowadonogano.” Kuudoporogano. 3Toro kuudopo tovi Poolol aro kuudoganokaikono. “Kemoro wonyo kuuvollunopo su tov adadomgu'aro kuuvollunoporekuldeyo?” Toro kuudoganoka tovi aro kuudoporogano. “Nemoro wonyo kuuvollunowo su tov aiyoga Joonolluro agaluvollajuko tomgu'aro kuuvollunowonogano.” Kuudoporogano.
4 #
Mt. 3:11; Mk. 1:4,7,8; Lk. 3:4,16; Jn. 1:26,27 Toro wuujuno sumaveyokwe Poolol aro kuudokaikono. “Aiyoga a'mwo abolo ton Gooti toollomno kuudo youragunyumo'nupino'moneyokwe Joonol wonyo mogaluvollodowo aro amoruujajukekono. “Mi lukomgu amjonumokabwo'ji toolluno kuudo neya duubweyulo.” Amoruujajukekono. Joonolluro toro amoruujajuko tool Jisasol kwekono.” Kuudokaikono. 5Poololluro toro kuudoka tovi wuu'nyuno sumaveyokwe a'mwo su tooro Aguto Jisasolluno yovo tovida'ai wonyo kuuvollunoporogano. 6Toro uuvollunyuno sumaveyokwe Poolol gamoro ato tokwe a'mwo su tooravuro mido tovi uubogai'noduke toga Gooti toolluro Kuullo tool wolabo'no a'mwo su tooravuro poowokalago tonyu auluumwalokaikono. Toro auluumwaloka toga a'mwo pwolno pwolnodo su tooro yogaljo judo'no judo'nodo tonyuda'ai kuuguudo sajunoporogano. Aki toro tooro Gooti toolluro kuuguudo tokwe kuu'maiyo toru'no amoruudomolloporogano. 7A'mwo su toro kwimo'noka tooro 12-pela tomgu'arorogano.
8Toruda'ai Poolol Juu tooravuro i'bwo'nyago tovi kuulodawo kuuguudo aulomoruudomollajukekono. Toro tool luko miyodowo guureji to'no amoruujajukekono. Toro tool lobako pworapwol kuuwolo'nokaikono. Poolol toro moruudomollodowodo toga a'mwo abolo ton aguto kig Gooti toolluro mido mollomwalo tovi dolago tomuu neya kuulomwalpino'moneyokwe pi'mwono sodubwasajukekono. Toro yodubwasodowo aki i'bwo'nyago tovida'ai a'mwo su toorogai kuuguudo adomwallajukekono. 9Toro domwaloduke kuvi kuruv a'mwo dogaipo'nyo kuumwiyo pworo Poololluro kuuguudo tovi wuu'nyo'mo mwinyajuporogano. Toro tooro a'mwo abolo i'bwo'nodopure tonyuro sumdollu toru kuuloda'mno sumaveyokwe Jisasolluro puuto tovino burolyogalo auladoporogano. Toro auladopo toorai Poolol kuugollu'movokaikono. Toro kwol kuruv Jisasolluro uumjunyokwe tooraino to'no momwora'no sumaiyokwe a'mwo ibwasokwe pwolluro skuul ago tovino amokavlavokaikono. A'mwo ibwasokwe su toolluno yovo tov Tiranosolekono. Toro te Poolol yiuwi'nokai iruko tobuullu a'mwo su toolluro skuul ago tovi kuulodawo a'mwo kuulomwalodopure toorai sodubwasajukekono. Toro yodubwasodowo a'mwo su toorogai gamoro kuuguudo tonyuno aulodomwallajuporogano. 10Poolol su toro ino sumaiyokwe kworomo pullal kuuwolo'nokaikono. Poololluro toro yodubwosumovla'mduke tovida'ai Aguto Jisasolluno kuuguudo sugudo tov yiuwi'nokai proovins Esiyada'ai Juuworodeyo oo Grikorodeyo mwalodupudo tooravuro kaduko tovi me'no abomje'nugoullajukokwono.
A'mwo Skeva'wolluro muugunyo tooro kuullo ma'no ma'nodo pwollu modovomjapiyo'mo kwinopo tovinokwono
11Aki Gooti tool gamoro duuwallo jurogudo judo'no judo'no bwotonyago ton a'mwo abolo tonyu wuuduuwallo'moneyokwe Poololluro ato tovi'aro kuuduuwallajukekono. 12Toro te a'mwo abolo ton kemi dukwogulo youropiyo'moneyokwe youro ton mokabodupu Poolol uubogai'noneyokweyo'mo abubweyajupogano. Poolol youro su tonyu me'no uubogai'nodowo a'mwo abolo ton kemi nobollokwe tooraiyomno amokavlaiyajupogano. Toro mokavla'mdupu nobollokwe ton youro su tonyu uubogai'nodopure toga kemoro nobollo ton kuugollu'meyajukogano. Aki kuullo ma'no ma'no kuulomwalodupudo kworo kuruv abuugollu'mokalokwiyajuporogano.
13-14Su toro togasuro Juu a'mwo pudoroto kuullo ma'no ma'nodo toorai movomjapiyo'mo winodupudo tooro somollajuporogano. A'mwo su todoroto Juu tooravuro pris mido mollomwalokwe pwolluro 7-pela muugunyo toorogano. Pris mido mollomwalokwe su toolluno yovo tov Skeva'wolekono. Muugunyo su todoroto toro yomollodupu aro kuudo saullajuporogano. Nevu Jisasolluro yovo tovida'ai aduuwiya'ji tov Jisasolluro jurogudo tokwe kuullo ma'no ma'nodo toorai nokwo modovomjapiyanonogano. Kuudo saullajuporogano. Toro tooro iruko pullugwoji a'mwo kuullo ma'no ma'nodokwe pwollu wuuru'maro'mno aro aduuwiyoporogano. “Poololluro yodubwasodowodo Jisasolluno yovo tovida'ai nevu kuullo ma'no ma'nodo tookuji aro adagujumawono, guu bolokwono.” Aduuwiyoporogano. 15Toro aduuwiyopo kuvi kuruv kuullo ma'no ma'nodo tool aro kuudokaikono. “Nuu Jisaseke Pooleke tooralluno kuudo me'no youroma'dumdorakono. Toro kuvi kuruv kemino'gwowi kuudo miyourekuma'dumdonyugono. Kevu gadomuuda'aiyorekuldeyo?” Kuudokaikono. 16Toro wuujuno sumaiyokwe a'mwo kuullo ma'no ma'nodokwe tool muugunyo su todorotai molo wino sumaiyokwe kuuwolovokaikono. Toro tool iwago romino sumaiyokwe kwa'dalo bwotonyo kwiyokaikono. Aki kemoro youro ton amodowiyodukwopiyokaikono. Toro modowiyodukwopino sumaiyokwe muugunyo su todoroto muukanyulmaiyo tooro ago tovida'ai bolokwo'mno lukado avlavoporogano. 17Muugunyo su todorotai toro kwimo'noka tovino wagwolago Efesosda'ai Juuworodeyo oo Grikorodeyo yiuwi'nokai a'mwo abolo mwalodupudo ton wuu'nyuno sumaveyokwe luko amorumoukuropiyopogano. Toro ton Aguto Jisasolluno yovo tov muunyu toru'aro sulomoropiyapogano. 18Aki su toro toga a'mwo abolo Jisasolluno kuudo muudu'no kuubweyopo bwotonyago ton bo'mno a'mwo abolo pun muugona'dopure toru abododowiyoku'bworosunopogano. Toro tobuuro kemi ma'no ma'nododeyo oo bula'yogalodeyo sajupo tonyuno kuu'maiyo toru'no adodoluwosunopogano. 19Toro dodoluwosunyuno sumaveyokwe aki Jisasolluro a'mwo abolo bula'yogalo ajajupo bwotonyago kun kuruv kemi buukiyo ton duko abomollurovopogano. Buukiyo su ton a'mwo bula'yogalo tovino pi'mwo kuudokwe tooro yakwollodupudogano. Buukiyo su tonyu maket kwosopujuko'mno'juki nuugwiyo bwotonyago amaropujukogano. Nuugwiyo amaropujuko su tovi ajagilopo tov 50,000 silva nuugwiyo tomgu'aro nokwo amaropujukogano. Toro kuvi kuruv kemi buukiyo su ton mokabino sumaveyokwe duko abomollurovopogano. 20Aguto toolluro kuuguudo sugudo tov su toro tomgu'aro bomje'nugoulno bomje'nugoulno sumaiyokwe jurogudo kuunodo sumo'nokakwono.
Wagwolago Efesosda'ai a'mwo tooro Poololluno magu'nyogalo adelowo'naropo tovinokwono
21Toruda'ai lukomgu Gooti toolluro Kuullo tool mollado'mo'mduke tovi Poolol kuvinono uumjuno'no aro kuudo sovo'dogallaurokaikono. Nuu wagwolago Jeruusalem'no plaiyo'mo toonyu proovins Masedooniyake Akaiyake tomuu'aro plavo'mi ki'movamonyugono. Toro kuudo yau'no sumaiyokwe aki aro adokaikono. “Nuu wagwolago Room kumuu kuruv wonomollo'mo anyunadopiyo. Toro tovino tov sumdomgu wagwolago Jeruusalem'no pla'monyugono. Aki toro plavo'mi lukomgu wagwolago Room'no pla'monyugono.” Adokaikono. 22Toro juno sumaiyokwe Poolol gavuge avaiwomdokwe pworallu proovins Masedooniya'no sumdomgu amorapiyokaikono. A'mwo amorapiyoka su tooralluno yovo tov Timootiyeke Erastoseke toorakono. Toro toorallu me'no morapino sumaiyokwe gavnokwe toolno'gwowi kwako Esiya tomuuda'ai wagwolago Efesos toru yere muugollu'movo'no iruko pubuul su towai kuuno amwalokaikono.
23Su toro mwaloduke toga a'mwo abolo Jisasolluro puuto tovi uumjunodupudo tonyuno tabunyu bwotonyo kuunodo puruv sumo'nokakwono. 24Su toro tov aro tovinokwono. Wagwolago Efesosda'ai a'mwo abolo mwalodupudo ton kuunano gooti abolo puvino sulomoropiyajupogano. Abolo su tovino yovo tov Atemisovokwono. Aki kuunano gooti su tovi ilomoropiyo'moneyokwe ago tov kemoro wagwolago tovi wo'dowodokwono. Toro te wagwolago su tovida'ai a'mwo mwalodowodo pwolluno yovo tov Demitriyosolekono. A'mwo su tool kuunano gooti su tovuro ilomoropiyo'moneyokwe ago to'busuko kula'noka pubuuro sakwollajukekono. Toro tool aro sakwollajukekono. Silva ton duko tovi duuwiyopiyodopure togai luvomarowo'ji kuunano gooti abolo su tovi ilomoropiyo'moneyokwe ago to'busuko kula'noka tobuurai sakwollajukekono. A'mwo su tooke'aro aki gavuge avaiwomdokwe pworogai'aro tooro ago to'busuko tobuurai sakwollajuporogano. Toro yokwollosodopure tobuurai a'mwo abolo pun abiyomorabiyajupogano. Toro biyomorabodopure tovida'ai a'mwo su tooro nuugwiyo bwotonyo amallajuporogano. 25Toro te Demitriyosol gavuge avaiwomdo yodupudo toorai ju'bworoma'no sumaiyokwe aro kuudokaikono. “Mi a'mworavoo, nemoro womdo yodowado tovida'ai nuugwiyo bwotonyago ma'dowado tovino kevu kuudo nyau'mwakovo. 26Aki Poololluro kuuguudo moruudomollodowodo tovino me'no kuu'nadokwoporekikono. A'mwo su tobal aro amoruudomolladopikekono. “Oo kwako akavida'ai a'mwo tooravuro ato tokwe yokwollosodupudo tooro gooti kuunodo mimo'nodupudorogano.” Amoruudomolladopikekono. Toro moruudomolloduke tovida'ai a'mwo abolo bwotonyago tonyu ade'noma'mwallukekono. A'mwo su tool yiuno wagwolago Efesos tovino to'no amodomolladopikolmaiyo. Toro kwol kuruv yiuwi'nokai kwako Esiya kumuu kuruv amodomolladopikekono. 27A'mwo su toolluro toro yodowo'jure tovida'ai a'mwo abolo ton nemoro nuugwi womdo yodowado tovino biyolyogalo dopi aki nemi gooti Atemisovino kuudo yallulo'gwonpinogano. Nemi gooti su tovino ilomoropiyo'moneyokwe ago tov ago yasuwa'nodo to'busuko nyumo'no'jo. Yiuwi'nokai kwako Esiyada'ai a'mwo abolo mwalodupudo togai'aro aki yiuwi'nokai kwako akavida'ai a'mwo abolo togai'aro ton akawai'no bodupu gooti su tovino ilomoropiyodapudogano. Toro kuvi kuruv Poololluro moruudomollodowo'jure tovida'ai Atemisovino yovo tov biyolo uu'mwojupinogano. Aki kuvino milomoropiyapinogano. Su toro tov nyumo'no'jokweyo'mo nevu wako neya au'nogawano.” Kuudokaikono.
28Demitriyosol toro kuudoka tovi gavuge avaiwomdokwe tooro wuu'no'mno surodo bwotonyo wuunyuno sumaveyokwe deko aro adelowo'naroporogano. “Nevu wagwolago Efesosda'ai toonolluro gooti Atemisov aguto kuunodokwonoo!” Adelowo'naroporogano. 29Toro delowo'na'dopure tovi yiuwi'nokai wagwolago su tovida'ai mwalodupudo ton wuu'no'mno noo'nookwo sopogano. Toro ino sumaveyokwe Pooleke yomollodubulo wagwolago Masedooniyada'ai a'mwo pworallu agalomworaropogano. A'mwo su tooralluno yovo tov Gaiyoseke Aristakoseke toorallu agalomworaroporogano. Toro toorallu galomwora'no sumaveyokwe wagwolago tovuro kuu'maiyo i'bwo'nodupudo toru'no amogaibworomokavlavoporogano. 30Toro mogaibworomokavla'mdopure toga Poolol a'mwo kwolallo su'bwo'nopo su tonyuro anakuuto tomuu kuullo'mo kwinokaikono. Toro kwinoka kuvi kuruv wagwolago su tovida'ai a'mwo Jisasolluro uumjunyokwe pworo Poolollu kaiyako nuuwipiyokwe kuumjukuropekono. 31Aki Poololluro ibwoto'nyo gabovo pworo Poolol kaiyako nomaro'jokwe uumjukullo'mo pas puruv sokwolluwapiyoporogano. Poololluro ibwoto'nyo su tooro proovins Esiya tomuuda'ai gavman mido mollomwalokwe sumo'nyajuporogano. Toro tooro Poolollu yogalo jurogudo duuwiyo'moneyokwe pas tovi aro sakwolloporogano. “Poololoo, guu wagwolago tovuro kuu'maiyo toruda'ai kwolallo i'bwo'nodopure tonyuro anakuuto tomuu maulabinono.” Sokwolluwopiyaboporogano.
32Toro yokwolluwopiyabino sumaveyokwe kwolallo su ton deko adelowo'nugoulapogano. Toro tonyuro pun kuuguudo judo'nodo tonyu adopogano. Aki pun kuuguudo judo'nodo punyu adopogano. Kwolallo su ton kuuguudo go'no go'nodo tonyu toro delowo'nugoulno sumaveyokwe abi'bwo'nopogano. Toro abi'bwo'nopo su ton, Oo su toro kavlo tovasuda'ai dobi'bwo'numwakuuwono, kuudo miyouromaropogano. Toro kun kuruv a'mwo abolo punyu uumjuno'mno yasuwa'no abi'bwo'nopogano. 33Toro bi'bwo'nodopure tonyuro sumdollu toru amoruudoneyokwe Juu a'mwo pworo a'mwo pwollu aulomolletowopiyaporogano. A'mwo su toolluno yovo tov Aleksadalekono. Toro aulomolletowopiyapo toollu kwolallo su'bwo'nyajupo ton wono'mno kuudo sauropogano. Oo tabunyu sumo'nadopiko akav a'mwo su toolluro tovasuda'ai jumo'nadopiyo. Kuudo sauropogano. Toro yau'no sumaveyokwe Aleksadal kuuguudo pwekwo wuujo'mo tool kwolallo deko delowo'na'dopure tonyu gami ato tokwe duumjukullo'mo sokaikono. 34Toro kuvi kuruv kwolallo su ton wono'mno kuudo souromaropekono. A'mwo su tool Juu a'mwo pwekono. Juu su tooro nemoro goot Atemisovi muumjunyokwerogano. Toro kuudo yau'no sumaveyokwe yiuwi'nokai ton deko aval'no aro adelowo'nugoulapogano. “Atemisov nevu Efesosda'ai tonolluro gooti aguto kuunodo anekullumo'nadopiyoo!” Adelowo'nugoulapogano. Deko tono tono delowo'nugoulno sumaveyokwe kuujo sumdo pullal kuuwolo'nokagano.
35Toro delowo'na'dopure toga wagwolago su tovida'ai a'mwo mido mollomwalokwe pwol kwolallo su tonyu duumjuku'no sumaiyokwe aro kuudokaikono. “Mi wagwolago Efesosda'ai a'mwo abolonoo, kevu neya donuu'nyulo. Aiyoga nemi gooti Atemisovuro sulo pwol sulugumdo akai'muuda'ai me'no abwolarokaikono. Aki nemi gooti su tovino ilomoropiyo'moneyokwe ago tov nemoro wagwolago akawai kwoso. Toro te nemi gooti su tovino ilomoropiyo'moneyokwe ago tokwe'aro sulo abwolaroka tooke'aro toval nevnokwe tonol akawai mollomwalodowadovakono. Toro tovino yiuwi'nokai a'mwo abolo gabovo ton kuudo me'no youroma'dupudogano. 36Toro tovino tov nemoro mollomwalodowado tovalluno, “Oo kuunanovakono,” ku'nono madupinovakono. Toro te aga kemoro mago ton neya dobu'nyulo. Aki kevu surodo bwotonyo sadokwopo togaikul a'mwo su toorallu kaiyako nuuwipiyokwe kemoro sumwoluko tov kavo neya duuwiyulo. Kevu kaiyako yere kwipi tov jul'nyo pun nomapiyo. 37Moro su toro aikudumo tov aro tovinokwono. A'mwo su tooral nemi gooti tovino ilomoropiyodowado ago tovida'ai noonyumwonyu pun kuuko miyodubulorakono. Aki nemi gooti su tovino bwolomorumwogapiyo'moneyokwe yogalo pun madodubulorakono. Toro miyodubulo kworallu kuruv kevu a'mwo su toorallu galomwora'dupu akawai'no amogaibworomokamapo tov ilaiyo'maiyo. 38Kevu kuudo neya jaullulo. Wagwolago akavida'ai a'mwo kooti yogalo tovi mido mollomwallo'moneyokwe a'mwo pworo nomwakovo. Aki kooti yogalo tonyu wuu'nyo'moneyokwe iruko ajesungiko tollugwo nooso. Toro tovino tov Demitriyoseke'aro gami avaiwomdokwe toorogai'aro tooro kooti yogalo wiyo'mo kwinpi tov su toro toga nokwo wipinorogano. 39Aki kevu jul'nyo pun kurukweyorekuldeyokwe loowo tovi'aro neya uumjunopi dodomdukuurosogaulo. 40Aki puruv kevu neya duu'nyulo. Roomda'ai gavman a'mwo aguto pworo nemoro deko adelowo'na'mwakuuwo akavino wuu'nopi kooti yogalo nodanekullupiyo. Nemoro deko adelowo'na'mwakuuwo akavino sanekumgojupi tov nevu nuujo'mo kavlo puruv nonagutonogano.” Kuudokaikono. 41Toro wuujuno sumaiyokwe a'mwo kwolallo su'bwo'nyajupo tonyu kemi go'no go'no ago tomuuno neya avlapureyokwe amodapiyokaikono. Toro modapino sumaiyokwe kwolallo su ton kemi go'no go'no ago tomuuno avlavopogano.
Currently Selected:
Kuurotokwe 19: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 19
19
Poolol wagwolago Efesos toru kuuguudo tokwe amoruudomolloka tovinokwono
1 #
Ef. 1:1
Apoolosol wagwolago Koorin toru kuuno mwaloduke toga Poolol proovins pun muumuudo toorai wo'dupudo su tomuu'aro avosulokabokaikono. Toro posulokabino sumaiyokwe wagwolago Efesos toru abai'movokaikono. Toro bai'mo'mno sumaiyokwe a'mwo Jisasollu uumjunyokwe pworai biyo'mgonomaro'no kuuru'marokaikono. 2Toro toorai wuuru'ma'no sumaiyokwe aro kuudoganokaikono. “Kevu Jisasolluno kuudo muudu'no kuubweyopo toga Gooti toolluro Kuullo tool kemoro poowokalago tonyu aulekumwalokaldukono?” Toro kuudoganoka tovi a'mwo su tooro aro kuudoporogano. “Awiyo, nemi maulonekumwalokanogano. Aki, Gooti toolluro Kuullo su tool domwallo, kuudo miyau'dowadonogano.” Kuudoporogano. 3Toro kuudopo tovi Poolol aro kuudoganokaikono. “Kemoro wonyo kuuvollunopo su tov adadomgu'aro kuuvollunoporekuldeyo?” Toro kuudoganoka tovi aro kuudoporogano. “Nemoro wonyo kuuvollunowo su tov aiyoga Joonolluro agaluvollajuko tomgu'aro kuuvollunowonogano.” Kuudoporogano.
4 #
Mt. 3:11; Mk. 1:4,7,8; Lk. 3:4,16; Jn. 1:26,27 Toro wuujuno sumaveyokwe Poolol aro kuudokaikono. “Aiyoga a'mwo abolo ton Gooti toollomno kuudo youragunyumo'nupino'moneyokwe Joonol wonyo mogaluvollodowo aro amoruujajukekono. “Mi lukomgu amjonumokabwo'ji toolluno kuudo neya duubweyulo.” Amoruujajukekono. Joonolluro toro amoruujajuko tool Jisasol kwekono.” Kuudokaikono. 5Poololluro toro kuudoka tovi wuu'nyuno sumaveyokwe a'mwo su tooro Aguto Jisasolluno yovo tovida'ai wonyo kuuvollunoporogano. 6Toro uuvollunyuno sumaveyokwe Poolol gamoro ato tokwe a'mwo su tooravuro mido tovi uubogai'noduke toga Gooti toolluro Kuullo tool wolabo'no a'mwo su tooravuro poowokalago tonyu auluumwalokaikono. Toro auluumwaloka toga a'mwo pwolno pwolnodo su tooro yogaljo judo'no judo'nodo tonyuda'ai kuuguudo sajunoporogano. Aki toro tooro Gooti toolluro kuuguudo tokwe kuu'maiyo toru'no amoruudomolloporogano. 7A'mwo su toro kwimo'noka tooro 12-pela tomgu'arorogano.
8Toruda'ai Poolol Juu tooravuro i'bwo'nyago tovi kuulodawo kuuguudo aulomoruudomollajukekono. Toro tool luko miyodowo guureji to'no amoruujajukekono. Toro tool lobako pworapwol kuuwolo'nokaikono. Poolol toro moruudomollodowodo toga a'mwo abolo ton aguto kig Gooti toolluro mido mollomwalo tovi dolago tomuu neya kuulomwalpino'moneyokwe pi'mwono sodubwasajukekono. Toro yodubwasodowo aki i'bwo'nyago tovida'ai a'mwo su toorogai kuuguudo adomwallajukekono. 9Toro domwaloduke kuvi kuruv a'mwo dogaipo'nyo kuumwiyo pworo Poololluro kuuguudo tovi wuu'nyo'mo mwinyajuporogano. Toro tooro a'mwo abolo i'bwo'nodopure tonyuro sumdollu toru kuuloda'mno sumaveyokwe Jisasolluro puuto tovino burolyogalo auladoporogano. Toro auladopo toorai Poolol kuugollu'movokaikono. Toro kwol kuruv Jisasolluro uumjunyokwe tooraino to'no momwora'no sumaiyokwe a'mwo ibwasokwe pwolluro skuul ago tovino amokavlavokaikono. A'mwo ibwasokwe su toolluno yovo tov Tiranosolekono. Toro te Poolol yiuwi'nokai iruko tobuullu a'mwo su toolluro skuul ago tovi kuulodawo a'mwo kuulomwalodopure toorai sodubwasajukekono. Toro yodubwasodowo a'mwo su toorogai gamoro kuuguudo tonyuno aulodomwallajuporogano. 10Poolol su toro ino sumaiyokwe kworomo pullal kuuwolo'nokaikono. Poololluro toro yodubwosumovla'mduke tovida'ai Aguto Jisasolluno kuuguudo sugudo tov yiuwi'nokai proovins Esiyada'ai Juuworodeyo oo Grikorodeyo mwalodupudo tooravuro kaduko tovi me'no abomje'nugoullajukokwono.
A'mwo Skeva'wolluro muugunyo tooro kuullo ma'no ma'nodo pwollu modovomjapiyo'mo kwinopo tovinokwono
11Aki Gooti tool gamoro duuwallo jurogudo judo'no judo'no bwotonyago ton a'mwo abolo tonyu wuuduuwallo'moneyokwe Poololluro ato tovi'aro kuuduuwallajukekono. 12Toro te a'mwo abolo ton kemi dukwogulo youropiyo'moneyokwe youro ton mokabodupu Poolol uubogai'noneyokweyo'mo abubweyajupogano. Poolol youro su tonyu me'no uubogai'nodowo a'mwo abolo ton kemi nobollokwe tooraiyomno amokavlaiyajupogano. Toro mokavla'mdupu nobollokwe ton youro su tonyu uubogai'nodopure toga kemoro nobollo ton kuugollu'meyajukogano. Aki kuullo ma'no ma'no kuulomwalodupudo kworo kuruv abuugollu'mokalokwiyajuporogano.
13-14Su toro togasuro Juu a'mwo pudoroto kuullo ma'no ma'nodo toorai movomjapiyo'mo winodupudo tooro somollajuporogano. A'mwo su todoroto Juu tooravuro pris mido mollomwalokwe pwolluro 7-pela muugunyo toorogano. Pris mido mollomwalokwe su toolluno yovo tov Skeva'wolekono. Muugunyo su todoroto toro yomollodupu aro kuudo saullajuporogano. Nevu Jisasolluro yovo tovida'ai aduuwiya'ji tov Jisasolluro jurogudo tokwe kuullo ma'no ma'nodo toorai nokwo modovomjapiyanonogano. Kuudo saullajuporogano. Toro tooro iruko pullugwoji a'mwo kuullo ma'no ma'nodokwe pwollu wuuru'maro'mno aro aduuwiyoporogano. “Poololluro yodubwasodowodo Jisasolluno yovo tovida'ai nevu kuullo ma'no ma'nodo tookuji aro adagujumawono, guu bolokwono.” Aduuwiyoporogano. 15Toro aduuwiyopo kuvi kuruv kuullo ma'no ma'nodo tool aro kuudokaikono. “Nuu Jisaseke Pooleke tooralluno kuudo me'no youroma'dumdorakono. Toro kuvi kuruv kemino'gwowi kuudo miyourekuma'dumdonyugono. Kevu gadomuuda'aiyorekuldeyo?” Kuudokaikono. 16Toro wuujuno sumaiyokwe a'mwo kuullo ma'no ma'nodokwe tool muugunyo su todorotai molo wino sumaiyokwe kuuwolovokaikono. Toro tool iwago romino sumaiyokwe kwa'dalo bwotonyo kwiyokaikono. Aki kemoro youro ton amodowiyodukwopiyokaikono. Toro modowiyodukwopino sumaiyokwe muugunyo su todoroto muukanyulmaiyo tooro ago tovida'ai bolokwo'mno lukado avlavoporogano. 17Muugunyo su todorotai toro kwimo'noka tovino wagwolago Efesosda'ai Juuworodeyo oo Grikorodeyo yiuwi'nokai a'mwo abolo mwalodupudo ton wuu'nyuno sumaveyokwe luko amorumoukuropiyopogano. Toro ton Aguto Jisasolluno yovo tov muunyu toru'aro sulomoropiyapogano. 18Aki su toro toga a'mwo abolo Jisasolluno kuudo muudu'no kuubweyopo bwotonyago ton bo'mno a'mwo abolo pun muugona'dopure toru abododowiyoku'bworosunopogano. Toro tobuuro kemi ma'no ma'nododeyo oo bula'yogalodeyo sajupo tonyuno kuu'maiyo toru'no adodoluwosunopogano. 19Toro dodoluwosunyuno sumaveyokwe aki Jisasolluro a'mwo abolo bula'yogalo ajajupo bwotonyago kun kuruv kemi buukiyo ton duko abomollurovopogano. Buukiyo su ton a'mwo bula'yogalo tovino pi'mwo kuudokwe tooro yakwollodupudogano. Buukiyo su tonyu maket kwosopujuko'mno'juki nuugwiyo bwotonyago amaropujukogano. Nuugwiyo amaropujuko su tovi ajagilopo tov 50,000 silva nuugwiyo tomgu'aro nokwo amaropujukogano. Toro kuvi kuruv kemi buukiyo su ton mokabino sumaveyokwe duko abomollurovopogano. 20Aguto toolluro kuuguudo sugudo tov su toro tomgu'aro bomje'nugoulno bomje'nugoulno sumaiyokwe jurogudo kuunodo sumo'nokakwono.
Wagwolago Efesosda'ai a'mwo tooro Poololluno magu'nyogalo adelowo'naropo tovinokwono
21Toruda'ai lukomgu Gooti toolluro Kuullo tool mollado'mo'mduke tovi Poolol kuvinono uumjuno'no aro kuudo sovo'dogallaurokaikono. Nuu wagwolago Jeruusalem'no plaiyo'mo toonyu proovins Masedooniyake Akaiyake tomuu'aro plavo'mi ki'movamonyugono. Toro kuudo yau'no sumaiyokwe aki aro adokaikono. “Nuu wagwolago Room kumuu kuruv wonomollo'mo anyunadopiyo. Toro tovino tov sumdomgu wagwolago Jeruusalem'no pla'monyugono. Aki toro plavo'mi lukomgu wagwolago Room'no pla'monyugono.” Adokaikono. 22Toro juno sumaiyokwe Poolol gavuge avaiwomdokwe pworallu proovins Masedooniya'no sumdomgu amorapiyokaikono. A'mwo amorapiyoka su tooralluno yovo tov Timootiyeke Erastoseke toorakono. Toro toorallu me'no morapino sumaiyokwe gavnokwe toolno'gwowi kwako Esiya tomuuda'ai wagwolago Efesos toru yere muugollu'movo'no iruko pubuul su towai kuuno amwalokaikono.
23Su toro mwaloduke toga a'mwo abolo Jisasolluro puuto tovi uumjunodupudo tonyuno tabunyu bwotonyo kuunodo puruv sumo'nokakwono. 24Su toro tov aro tovinokwono. Wagwolago Efesosda'ai a'mwo abolo mwalodupudo ton kuunano gooti abolo puvino sulomoropiyajupogano. Abolo su tovino yovo tov Atemisovokwono. Aki kuunano gooti su tovi ilomoropiyo'moneyokwe ago tov kemoro wagwolago tovi wo'dowodokwono. Toro te wagwolago su tovida'ai a'mwo mwalodowodo pwolluno yovo tov Demitriyosolekono. A'mwo su tool kuunano gooti su tovuro ilomoropiyo'moneyokwe ago to'busuko kula'noka pubuuro sakwollajukekono. Toro tool aro sakwollajukekono. Silva ton duko tovi duuwiyopiyodopure togai luvomarowo'ji kuunano gooti abolo su tovi ilomoropiyo'moneyokwe ago to'busuko kula'noka tobuurai sakwollajukekono. A'mwo su tooke'aro aki gavuge avaiwomdokwe pworogai'aro tooro ago to'busuko tobuurai sakwollajuporogano. Toro yokwollosodopure tobuurai a'mwo abolo pun abiyomorabiyajupogano. Toro biyomorabodopure tovida'ai a'mwo su tooro nuugwiyo bwotonyo amallajuporogano. 25Toro te Demitriyosol gavuge avaiwomdo yodupudo toorai ju'bworoma'no sumaiyokwe aro kuudokaikono. “Mi a'mworavoo, nemoro womdo yodowado tovida'ai nuugwiyo bwotonyago ma'dowado tovino kevu kuudo nyau'mwakovo. 26Aki Poololluro kuuguudo moruudomollodowodo tovino me'no kuu'nadokwoporekikono. A'mwo su tobal aro amoruudomolladopikekono. “Oo kwako akavida'ai a'mwo tooravuro ato tokwe yokwollosodupudo tooro gooti kuunodo mimo'nodupudorogano.” Amoruudomolladopikekono. Toro moruudomolloduke tovida'ai a'mwo abolo bwotonyago tonyu ade'noma'mwallukekono. A'mwo su tool yiuno wagwolago Efesos tovino to'no amodomolladopikolmaiyo. Toro kwol kuruv yiuwi'nokai kwako Esiya kumuu kuruv amodomolladopikekono. 27A'mwo su toolluro toro yodowo'jure tovida'ai a'mwo abolo ton nemoro nuugwi womdo yodowado tovino biyolyogalo dopi aki nemi gooti Atemisovino kuudo yallulo'gwonpinogano. Nemi gooti su tovino ilomoropiyo'moneyokwe ago tov ago yasuwa'nodo to'busuko nyumo'no'jo. Yiuwi'nokai kwako Esiyada'ai a'mwo abolo mwalodupudo togai'aro aki yiuwi'nokai kwako akavida'ai a'mwo abolo togai'aro ton akawai'no bodupu gooti su tovino ilomoropiyodapudogano. Toro kuvi kuruv Poololluro moruudomollodowo'jure tovida'ai Atemisovino yovo tov biyolo uu'mwojupinogano. Aki kuvino milomoropiyapinogano. Su toro tov nyumo'no'jokweyo'mo nevu wako neya au'nogawano.” Kuudokaikono.
28Demitriyosol toro kuudoka tovi gavuge avaiwomdokwe tooro wuu'no'mno surodo bwotonyo wuunyuno sumaveyokwe deko aro adelowo'naroporogano. “Nevu wagwolago Efesosda'ai toonolluro gooti Atemisov aguto kuunodokwonoo!” Adelowo'naroporogano. 29Toro delowo'na'dopure tovi yiuwi'nokai wagwolago su tovida'ai mwalodupudo ton wuu'no'mno noo'nookwo sopogano. Toro ino sumaveyokwe Pooleke yomollodubulo wagwolago Masedooniyada'ai a'mwo pworallu agalomworaropogano. A'mwo su tooralluno yovo tov Gaiyoseke Aristakoseke toorallu agalomworaroporogano. Toro toorallu galomwora'no sumaveyokwe wagwolago tovuro kuu'maiyo i'bwo'nodupudo toru'no amogaibworomokavlavoporogano. 30Toro mogaibworomokavla'mdopure toga Poolol a'mwo kwolallo su'bwo'nopo su tonyuro anakuuto tomuu kuullo'mo kwinokaikono. Toro kwinoka kuvi kuruv wagwolago su tovida'ai a'mwo Jisasolluro uumjunyokwe pworo Poolollu kaiyako nuuwipiyokwe kuumjukuropekono. 31Aki Poololluro ibwoto'nyo gabovo pworo Poolol kaiyako nomaro'jokwe uumjukullo'mo pas puruv sokwolluwapiyoporogano. Poololluro ibwoto'nyo su tooro proovins Esiya tomuuda'ai gavman mido mollomwalokwe sumo'nyajuporogano. Toro tooro Poolollu yogalo jurogudo duuwiyo'moneyokwe pas tovi aro sakwolloporogano. “Poololoo, guu wagwolago tovuro kuu'maiyo toruda'ai kwolallo i'bwo'nodopure tonyuro anakuuto tomuu maulabinono.” Sokwolluwopiyaboporogano.
32Toro yokwolluwopiyabino sumaveyokwe kwolallo su ton deko adelowo'nugoulapogano. Toro tonyuro pun kuuguudo judo'nodo tonyu adopogano. Aki pun kuuguudo judo'nodo punyu adopogano. Kwolallo su ton kuuguudo go'no go'nodo tonyu toro delowo'nugoulno sumaveyokwe abi'bwo'nopogano. Toro abi'bwo'nopo su ton, Oo su toro kavlo tovasuda'ai dobi'bwo'numwakuuwono, kuudo miyouromaropogano. Toro kun kuruv a'mwo abolo punyu uumjuno'mno yasuwa'no abi'bwo'nopogano. 33Toro bi'bwo'nodopure tonyuro sumdollu toru amoruudoneyokwe Juu a'mwo pworo a'mwo pwollu aulomolletowopiyaporogano. A'mwo su toolluno yovo tov Aleksadalekono. Toro aulomolletowopiyapo toollu kwolallo su'bwo'nyajupo ton wono'mno kuudo sauropogano. Oo tabunyu sumo'nadopiko akav a'mwo su toolluro tovasuda'ai jumo'nadopiyo. Kuudo sauropogano. Toro yau'no sumaveyokwe Aleksadal kuuguudo pwekwo wuujo'mo tool kwolallo deko delowo'na'dopure tonyu gami ato tokwe duumjukullo'mo sokaikono. 34Toro kuvi kuruv kwolallo su ton wono'mno kuudo souromaropekono. A'mwo su tool Juu a'mwo pwekono. Juu su tooro nemoro goot Atemisovi muumjunyokwerogano. Toro kuudo yau'no sumaveyokwe yiuwi'nokai ton deko aval'no aro adelowo'nugoulapogano. “Atemisov nevu Efesosda'ai tonolluro gooti aguto kuunodo anekullumo'nadopiyoo!” Adelowo'nugoulapogano. Deko tono tono delowo'nugoulno sumaveyokwe kuujo sumdo pullal kuuwolo'nokagano.
35Toro delowo'na'dopure toga wagwolago su tovida'ai a'mwo mido mollomwalokwe pwol kwolallo su tonyu duumjuku'no sumaiyokwe aro kuudokaikono. “Mi wagwolago Efesosda'ai a'mwo abolonoo, kevu neya donuu'nyulo. Aiyoga nemi gooti Atemisovuro sulo pwol sulugumdo akai'muuda'ai me'no abwolarokaikono. Aki nemi gooti su tovino ilomoropiyo'moneyokwe ago tov nemoro wagwolago akawai kwoso. Toro te nemi gooti su tovino ilomoropiyo'moneyokwe ago tokwe'aro sulo abwolaroka tooke'aro toval nevnokwe tonol akawai mollomwalodowadovakono. Toro tovino yiuwi'nokai a'mwo abolo gabovo ton kuudo me'no youroma'dupudogano. 36Toro tovino tov nemoro mollomwalodowado tovalluno, “Oo kuunanovakono,” ku'nono madupinovakono. Toro te aga kemoro mago ton neya dobu'nyulo. Aki kevu surodo bwotonyo sadokwopo togaikul a'mwo su toorallu kaiyako nuuwipiyokwe kemoro sumwoluko tov kavo neya duuwiyulo. Kevu kaiyako yere kwipi tov jul'nyo pun nomapiyo. 37Moro su toro aikudumo tov aro tovinokwono. A'mwo su tooral nemi gooti tovino ilomoropiyodowado ago tovida'ai noonyumwonyu pun kuuko miyodubulorakono. Aki nemi gooti su tovino bwolomorumwogapiyo'moneyokwe yogalo pun madodubulorakono. Toro miyodubulo kworallu kuruv kevu a'mwo su toorallu galomwora'dupu akawai'no amogaibworomokamapo tov ilaiyo'maiyo. 38Kevu kuudo neya jaullulo. Wagwolago akavida'ai a'mwo kooti yogalo tovi mido mollomwallo'moneyokwe a'mwo pworo nomwakovo. Aki kooti yogalo tonyu wuu'nyo'moneyokwe iruko ajesungiko tollugwo nooso. Toro tovino tov Demitriyoseke'aro gami avaiwomdokwe toorogai'aro tooro kooti yogalo wiyo'mo kwinpi tov su toro toga nokwo wipinorogano. 39Aki kevu jul'nyo pun kurukweyorekuldeyokwe loowo tovi'aro neya uumjunopi dodomdukuurosogaulo. 40Aki puruv kevu neya duu'nyulo. Roomda'ai gavman a'mwo aguto pworo nemoro deko adelowo'na'mwakuuwo akavino wuu'nopi kooti yogalo nodanekullupiyo. Nemoro deko adelowo'na'mwakuuwo akavino sanekumgojupi tov nevu nuujo'mo kavlo puruv nonagutonogano.” Kuudokaikono. 41Toro wuujuno sumaiyokwe a'mwo kwolallo su'bwo'nyajupo tonyu kemi go'no go'no ago tomuuno neya avlapureyokwe amodapiyokaikono. Toro modapino sumaiyokwe kwolallo su ton kemi go'no go'no ago tomuuno avlavopogano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida