Kuurotokwe 20
20
Poolol kwako Masedooniya'no plavo'no aki lukomgu Grik tooravuro kwako tomuuno avlavoka tovinokwono
1To'no'gwowi kwolallo adelowo'nallajupo ton gomno gomno me'no jounopino sumaveyokwe Poolol wagwolago su tovida'ai a'mwo abolo Jisasollu uumjunyokwe tonyu adomarokaikono. Toro doma'no sumaiyokwe a'mwo abolo su tonyuro poowokalago tonyu jurogudo duuwimwojo'moneyokwe kuuguudo pun adumul'mwojokaikono. Toro dumul'mwojuno sumaiyokwe aro kuudokaikono. “Oo ilaiyokwono. Aga kado pla'mo'monyugono.” Toro wuujuno sumaiyokwe wuugollu'movo'no kwako Masedooniya tomuuno avlavokaikono. 2Toro tool kwako su tomuu plaino sumaiyokwe Jisasolluro a'mwo abolo wuuru'ma'duke tonyu jurogudo duuwimwojo'moneyokwe kuuguudo ton adumul'mwojumovlaiyajukekono. Tono tono dumul'mwojumovla'mno sumaiyokwe a'mwo Grik tooravuro kwako tomuu ai'movokaikono. 3Kwako ai'movoka su tomuu mwalno mwalno sumaiyokwe lobako pworapwol kuuwolo'nokaikono.
Toro uuwolo'nyuno sumaiyokwe kwako Siriya tomuuno sip tovi'aro plaiyo'mo wobo toru sokaikono. Toro kuvi kuruv kwako su tomuuda'ai Juu pworo Poolollu kaiyako igollo'mo adomdukuurosopo tovino Poolol me'no kuu'nokaikono. Toro tool aro kuudo saurokaikono. Oo nuu kwako Masedooniya tomuu'aro kwokado aikomgu plavo'mi kwako Siriya towai ki'movamonyugono. Kuudo saurokaikono. 4Toro kuudo yau'no sumaiyokwe a'mwo pworogai amokavlavokaikono. A'mwo su tooraino yovo tov pwol wagwolago Beriya tomuuda'ai Pirosolluro muugunyo Soopatolekono. Pworal wagwolago Tesaloonaikada'ai Aristakoseke Sekuudoseke toorakono. Pwol wagwolago Debe tomuuda'ai Gaiyosolekono. Pworal Esiya tomuuda'ai Tikikoseke Troofimaseke toorakono. Aki pwol Timootiyolekono. Poolol a'mwo su toorogai momwora'no sumaiyokwe avlavoporogano. 5Toro pla'mdopure kuvi kuruv nevu pwonol kworogai yere mavlavowonogano. Toro te sumdomguda'ai avlavopo su tooro nemi sumdomgu wano'mno wagwolago Troowas toru ki'mo'mno sumaveyokwe sogwollo anekinoporogano. 6Nevno'gwowi wagwolago Filipai toru Juu tooro kemi lubullu doto puruv yonopipureyokwe tovino sogwollo amwallajuwonogano. Lubullu doto su tovino yovo tov Bret Yisomaiyokwe Lubullu Dotoveyokwono. Toro te lubullu doto su tov me'no sonopiyopo toga nevu sip pwollu nuugwiyo mobiyosowono sulomwalowonogano. Toro toonol Filipai toru wuugollu'movowono abowonogano. Toro bino sumawoneyokwe 5-pela iruko tobuul me'no abawoka toga wagwolago Troowas towai abai'mowonogano. Toro bai'mowono Pooleke toorai buuru'ma'no sumawoneyokwe yiuwi'nokai toonol wagwolago su towai 7-pela iruko tobuul amwalowonogano.
Wagwolago Troowas toru Poolol muugunyo pwollu aiyo aiko te amodukavoka tovinokwono
7Toruda'ai wik su tovuro iruko muudu'nodo Sande tollugwoji nevu Jisasolluro a'mwo abolo togai wosamujuko pun nomwalano'moneyokwe su'bwo'nowonogano. Wosamujuko su tov Aguto toolluno aki aiko te kuudo yaullo'moneyokweyokwono. Toro i'bwo'nyuno sumawoneyokwe Poolol a'mwo abolo su'bwo'nopo tonyu kuuguudo sodubwasajukekono. Poolol iruko aikomguda'ai tollugwoji wuugollu'meyo'mo wobo toru soka tovino tov kuuguudo tokwe yodubwasuno yodubwasuno sumaiyokwe surakuuto akuusuduko kuga kuruv kuuno sodubwosumovlaiyajukekono. 8Nevu yiuwi'nokai tonol ago amodumunyuto'mellungiko puvi muunyu tomuu aullu'bwo'nomwallajuwonogano. Aki aullu'bwo'nomwallajuwo su towai lamwo bwotonyago aluudapingiko ton bako aulowopiyopogano. 9Toro towai i'bwo'nomwalno sumawoneyokwe a'mwo muugunyo pwol widoo tovi akuuto toru amwallajukekono. Widoo tovi akuuto tomuu mwalodowo Poololluro kuuguudo yodubwasoduke tovi au'nallajukekono. Muugunyo su toolluno yovo tov Yiutikasolekono. Toro tool Poololluro kuuguudo yodubwosumovla'mduke tovi kuu'na'no kuu'na'no sumaiyokwe sa'mo bwotonyo winodowo inarupto'nyo sumwanyajukekono. Toro imwanyuno sumaiyokwe sa yiunokuudo woro'no widoo tovida'ai kwa'mgu tomuuno abwoloorokaikono. Ago kumi'yago su tov puruvapuruv amodumunyuto'mellungiko tovi aullu'bwo'nomwallajuwonogano. Toro te a'mwo muugunyo su tool su towaida'ai kwako tovi bwola'no sumaiyokwe yiuno'no abolokaikono. Toro aboloka toollu a'mwo abolo pun wolabino sumaveyokwe bwolomaro'mno kwonopo tov, “Oo me'no abolmokaldeyo,” adopogano. 10Toro juno sumaveyokwe aki Poolol wolabo'no a'mwo muugunyo aboloka su toollu abwolomogudupolopiyokaikono. Toro mogudupolopino sumaiyokwe aiyo aiko te dukawono'moneyokwe muugunyo su toollu muunyu toru suloga'bwo'narokaikono. Toro iloga'bwo'na'no sumaiyokwe a'mwo abolo tonyu aro kuudokaikono. “Kevu kalo'mo mipinono. Muugunyo akal me'no abolmoka kwol kuruv aga'no'gwowi aiyo amwallo.” 11Toro wuujuno sumaiyokwe a'mwo muugunyo su tool aiyo aiko te dukavo'no yiuwi'nokai ton ago tovi aikomgu ila'mno sulomwalopogano. Toro ilomwalno sumaveyokwe Poolol a'mwo abolo tonyu bret ton uubuudeyo'no anomwalopogano. Wosamujuko su tov Aguto toolluno aki aiko te kuudo yaullo'moneyokwe anomwalopokwono. Toro nomwalno sumaveyokwe Poolol a'mwo abolo togai kuuguudo domwalno domwalno sumaveyokwe yiuno iruko'no adomdekurosopogano. Toro domdekurosuno sumaveyokwe Poolol a'mwo abolo su tonyu kuugollu'movokaikono. 12Toro wuugollu'mo'mno sumaiyokwe a'mwo abolo su ton muugunyo su tool abolowo'jujuko'mno'juki kalo'mo sopujukogano. Toro kun kuruv aiyo aiko te adukavoka toolluno kemi poowokalago tokwe ilaiyo bwotonyo yo'mno muugunyo su toollu gami ago tomuuno aikomgu amokavlavopekono.
Poolol wagwolago Troowas toru wuugollu'movo'no wagwolago Mailetos tomuuno sip tovi'aro avlavoka tovinokwono
13Toruda'ai Poolol kwokado plaiyo'mo winoduke tool nemi aro anekudokaikono. “Kevu sip pwollu ilomwalopi sumdomgu kworekulda'ai donekwanogaulo. Nuu toonyuno'gwowi kwokado wolabo'mi bwolekuru'ma'monyugono. Toro bwolekuru'maro'mi sip toollu aval'no plawanokwono.” Anekudokaikono. Toro anekudoka toonol sip pwollu ilomwalno sumawoneyokwe plavowono wagwolago Asoos toru wolai'mo'mno sumawoneyokwe sogwollo kwinyajuwonogano. 14Toro winodowore toga Poolol kwokado bino sumaiyokwe wagwolago Asoos toru abonekuru'marokaikono. Toro bonekuro'maro'no sip toollu ilabino sumaiyokwe yiuwi'nokai toonol sip toollu'aro plavowono wagwolago Mitilini tomuu ai'movowonogano.
15Toro ki'mo'mno sumawoneyokwe iruko aikomguda'ai tollugwoji sip toollu kuuno plavowono aku'momdo Kiyoos'no wobo tomuu ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plavowono aku'momdo Samoos toru ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plaino sumawoneyokwe wagwolago Mailetos toru ai'movowonogano.
16Toro ki'mo'mno sumawoneyokwe nevu wagwolago Efesos toru iru'mato nokwo sowa'jujuko kwonol kuruv Poolol kwako Esiya tomuu manyu toga mwallo'mo mwinokaikono. Su tov aro tovinokwono. Lubullu doto Pentikoosovo dodupudo tov abai'mowo'ji toga Poolol lubullu doto su tovi wagwolago Jeruusalem toru yonomwallo'mo kwinokaikono. Toro tovino tov Poolol Mailetos toru yere bai'meyo'moneyokwe aro kuudo sovo'dogallaurokaikono. “Nevu wagwolago Efesos toru surukurowolowa'ji tov wagwolago Jeruusalem tovi yere ki'mowanonogano.” Su toro tomgu'aro kuudo yovo'dogallau'no sumaiyokwe Mailetos toru ai'movowonogano.
Poolol wagwolago Efesosda'ai a'mwono moduvomwallokwe toorai nuugollu'meyo'mo tool kuuguudo kuudoka tovinokwono
17Toruda'ai wagwolago Mailetos toru me'no ki'mo'mno sumawoneyokwe Poolol wagwolago Efesos tomuuno kuuguudo puruv adapiyokaikono. Kuuguudo su tov wagwolago su tomuuda'ai Jisasolluro mollu'bwoto tobuuravuro a'mwono moduvomwallokwe tooro gamiyomno abupureyokweyo'mo adapiyokaikono. 18Toro dapino sumaiyokwe a'mwo su tooro bo'mno abuuru'maropo toorai Poolol aro kuudokaikono.
“Kevu mino kuudo me'no youronuma'dupudorekikono. Nuu muudu'nodo toga kwako Esiya tomuu ki'movono kevuge somjomwekovlaiyajo tovino kuudo nyau'mwakovo. 19Nuu kevuge amwallajo toga moro poowokalago kuunodo tokwe Aguto toolluro womdo tovi kwiyajonyugono. Aki yiuwi'nokai toga nuvnokwenyu abwolomoropinyajonyugono. Aki womdo su tovida'ai jul'nyo ma'dumdo toga kumdo ajajonyugono. Toro toonyu Juu tooro kaiyako yanyugollo'mo domduukuurosodopure kuvi kuruv nuvno'gwowi womdo tovi mimwogapiyajonyugono. 20Toro toonyu kemi ikullo'mwojo'moneyokwe kuuguudo pun yiulo miyopuurosajonyugono. Toro kwonyu kuruv yiuwi'nokai kuuguudo ton yiuno kuu'maiyo toru'no sodekubwasajonyugono. Aki kemoro ago go'no go'nodo tonyu yomollodum sodekubwasajonyugono. 21Yiuwi'nokai Juu toorogai'aro Grik toorogai'aro toorai duudapi yogalo ton yiuno aval'no kuujajonyugono. Toro toonyu aro sodubwasajonyugono. “Kevu kemi ma'no ma'nodo tonyuno buulo uugunyumopiyopi Gooti toollomno kuudo neya jouragunyumo'nyulo. Aki nemi Aguto Jisas Kraisolluno kuudo neya duubweyulo.” Sodubwasajonyugono.
22Nuu toro sodubwasajo toonyu aga'no'gwowi Gooti toolluro Kuullo tool mollanyudo'mo'mduke tovi uumjunodum wagwolago Jeruusalem'no pla'mo'monyugono. Toro toonyu plavo'mi wagwolago su tovi ki'mo'mdo'mure toga burowo'nyo nyumo'nononyudukoneyokwe tovino kuudo miyau'mwakono. 23Nuu mi nyumo'nyo'mo tonyuno kuudo miyau'dumdo kuvi kuruv Gooti toolluro Kuullo toolno'gwowi yiuwi'nokai wagwolago yomollodo'mure tomuu aro dodoluvanubweyodowodekono. A'mwo pworo gumi galogumworaropi wuulo killo'mo ago tovi meragubwepinekugono. Aki jul'nyo go'no go'nodo ton noma'mwalbinekugono. Dodoluvanubweyodowodekono. 24#2Tm. 4:7Toro dodoluvanubweyodowodo tovino tov nuu aro kuudo yaullokwenyugono. Oo nuvnokwe toonyuno kuudo bwotonyo nyau'mwalmiyo. Aki mi aromiyanubwepi kuruv nokwo'mokwono. Nuu su toro tonyuno jul'nyo mibwosunodumdo kwonyu kuruv aro tovino kuudo kwolallo yourukwapiyokwenyugono. Oo mi Aguto Jisasolluro womdo anubweyoka tovi yiuno'no sopimi tov ilaiyo imonyugono. Mi Aguto toolluro womdo anubweyoka su tov arokwono. Gooti toolluro yasuwa'wino sugumaluko nekullabodowodo tovino kuuguudo sugudo tokwe moruudomollumwalmo'moneyokwenyugono. Mi Aguto toolluro womdo anubweyoka su tov torokwono.
25Nuugeravoo, nuu aguto kig Gooti toolluro mido mollomwalo tovino kemi me'no sodekubwosumelabiyajonyugono. Toro sodekubwosumelabiyajo toorekullu aga me'no aikugollu'mo'mi toga'no'gwowi kevu moro sumdomago tovi aki aiko te manuwonpinorekikono. 26Toro tovino tov aga kuu'maiyo toru'no aro dodoluvaikubwemo'mokwono. Kevnokwe toorekulluda'ai pwol abolo'ji toga du'muudo tomuuno yiunokuudo sovlawo'ji tov moro tovasuda'ai mwimo'nonekono. 27Moro su toro aikudumo tov aro tovinokwono. Nuu muudu'nodo toga kevuge mwalodum Gooti toolluro womdo yono'moneyokwe ajourosungiko tonyuno kuuguudo tov yiulo puru'monodo kuruv miyopuurosajonyugono. Toro kwonyu kuruv yiuwi'nokai kuuguudo su ton yiuno kuu'maiyo toru'no sodekubwosumelabiyajonyugono.
28Toro te aga kevu a'mwono moduvomwallokwe toorekullu aro ikudumo'mokwono. Kevnokwe toorekul neya domoduvomwalnogaulo. Aki a'mwo abolo Gooti toolluno kuudo kuubwemwakopo kubuurai kuruv sipsip tobuuraibusuko kevu neya domoduvomwalogaulo. A'mwo abolo su tonyu Gooti tool gami kuunodo wimo'numwalpino'moneyokwe gami Kwolaiyo toolluro mujako tokwe abiyomarokagano. Toro abiyomaroka tonyu kevu mido mollomwalmwalpino'moneyokwe Gooti toolluro Kuullo tool me'no ajaikubweyokarekikono. Toro ajaikubweyoka toorekul Gooti toolluro a'mwo abolo su tobuurai sipsip duuwatokwe toorobusuko wimo'nopi neya domomjomwekovlavogaulo.
29Aki puruv aro tovino kuudo me'no souroma'monyugono. Nuu kemi me'no aikugollu'mo'mi toga a'mwo kuullujuluko toorobusuko pworo kemiyomno nobupinorogano. Toro tooro bopi kevu Gooti toolluro sipsip tobuurekullu ikwonyapino to'no mipinorogano. Toro kworo kuruv kaiyako mollugolaikumeyo'moneyokwe nyoukuu'naikudupinorogano. 30Aki kevnokwe togaikulluda'ai pworo ilodavopi Jisasolluro a'mwo abolo togaikullu de'nekumallo'moneyokwe kuunano yogalo nyoukuu'naikudupinorogano. Su toro youkuu'naikudodopure toorai nuumjunpiyokwe wako neya dou'nogaulo. 31Toro yomjomwekovlavopi moro sumdomguda'ai kumdato bwotonyo jono duudapi kuuguudo adaikullajo tonyuno kuudo nyallulo'gwonmwalpiyo. Nuu duudapi kuuguudo adaikullajo toga yiuwi'nokai iruko togake'aro surakuuto togake'aro toga yodekubwasuno yodekubwasuno sumoneyokwe kworomo pullapullu anuwolo'nokanyugono.
32Toro te aga Gooti gavnokwe tool kemi mollekumwalmwalono'moneyokwe gamoro ato tovi amaikubwemono. Gooti su tool gamoro yasuwa'wino sugumaluko tollovaino kuuguudo tov ikubweyodowodekono. Yasuwa'wino sugumaluko su tov kevu Gooti toolluro a'mwo abolo kuunodo wimo'nodupudo togaikullu jurogudo daikullumwojumwalonokwono. Toro togaikul Gooti toolluro yiuwi'nokai kemiyo'mo jesodowodo ton lukomgu kuvinono nomapinogaikikono. Aki gamoro yiuwi'nokai a'mwo abolo kuunodo wimo'nodupudo su togai aval'no nomapinogaikikono.
33Nuu kevuge amwallajo toga kemoro silvadeyo goolodeyo youro sugumalukousodeyo tonyuno kwanyu sumdo mainuwiyajonyugono. 34Toro kuvi kuruv kevu mino kuudo me'no youronuma'dupudorekikono. Sumdomgu nuuge'aro moro a'mwo womdokwe toorogai'aro toonol nuvnokwenyuro ato tokwe womdo yodore tovida'ai anomwallajuwonogano. 35Moro su toro sajo tovi kevu me'no kwonyajuporekikono. Toro te kev kworekul kuruv moro sajo to'busuko kubalno womdo guureji yopi a'mwo abolo wollainyo tobuurai neya duuwiyo'mwojogaulo. Su toro tovino nuu me'no aikuduuwallajonyugono. Aki nemi Aguto Jisasolluro yogalo puruv adoka tovino kuudo nyallulo'gwonmwalpiyo. Jisasol gavnokwe tool aro adokaikono. “Guu a'mwo pwollu burowo'nyodeyo ton yasuwa'no kwibi tov gumi poowokalago tovi ilaiyo bwotonyo ibwosunbinekugono. Toro tovino tov kevu aro kuudo nyaupiyo. Oo a'mwo pworavuro yasuwa'no anekullabupi tonyu amara'ji toga ilaiyo bwotonyo ibwosunanonogano. Awiyo, su toro aikullabupi toga ilaiyo pwekwono to'no ibwosunpinogaikikono. Toro kugaikul kuruv kemoro burowo'nyodeyo ton a'mwo pworai yasuwa'no kwipi toga'no'gwowi ilaiyo bwotonyo kuunodo ibwosunpinogaikikono.” Adokaikono.” Poolol wagwolago Efesosda'ai a'mwono moduvomwallokwe toorai toro kuudokaikono.
36Toro me'no wuujuno sumaiyokwe Pooleke tooro suduko inuguto'no'mno subusu'nyogalo adoporogano. 37-38Toro juno sumaveyokwe yiuwi'nokai tooro aro kuudo sauroporogano. Oo Poolollu aikomgu mwonanoldeyo. Toro kuudo yau'no sumaveyokwe kalo bwotonyo yo'mno kumdato ajoporogano. Toro juno sumaveyokwe Poolollu mogudopolopiyo'mno gamoro suwado tovi molluduuduulo kwiyoporogano. Toro wino sumaveyokwe Poolol sip tovi novlaiyo'mo yoduke toollu a'mwono moduvomwallokwe su tooro kalo wino'mno kumdo aduumjunoporogano.
Currently Selected:
Kuurotokwe 20: SMB
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida
Kuurotokwe 20
20
Poolol kwako Masedooniya'no plavo'no aki lukomgu Grik tooravuro kwako tomuuno avlavoka tovinokwono
1To'no'gwowi kwolallo adelowo'nallajupo ton gomno gomno me'no jounopino sumaveyokwe Poolol wagwolago su tovida'ai a'mwo abolo Jisasollu uumjunyokwe tonyu adomarokaikono. Toro doma'no sumaiyokwe a'mwo abolo su tonyuro poowokalago tonyu jurogudo duuwimwojo'moneyokwe kuuguudo pun adumul'mwojokaikono. Toro dumul'mwojuno sumaiyokwe aro kuudokaikono. “Oo ilaiyokwono. Aga kado pla'mo'monyugono.” Toro wuujuno sumaiyokwe wuugollu'movo'no kwako Masedooniya tomuuno avlavokaikono. 2Toro tool kwako su tomuu plaino sumaiyokwe Jisasolluro a'mwo abolo wuuru'ma'duke tonyu jurogudo duuwimwojo'moneyokwe kuuguudo ton adumul'mwojumovlaiyajukekono. Tono tono dumul'mwojumovla'mno sumaiyokwe a'mwo Grik tooravuro kwako tomuu ai'movokaikono. 3Kwako ai'movoka su tomuu mwalno mwalno sumaiyokwe lobako pworapwol kuuwolo'nokaikono.
Toro uuwolo'nyuno sumaiyokwe kwako Siriya tomuuno sip tovi'aro plaiyo'mo wobo toru sokaikono. Toro kuvi kuruv kwako su tomuuda'ai Juu pworo Poolollu kaiyako igollo'mo adomdukuurosopo tovino Poolol me'no kuu'nokaikono. Toro tool aro kuudo saurokaikono. Oo nuu kwako Masedooniya tomuu'aro kwokado aikomgu plavo'mi kwako Siriya towai ki'movamonyugono. Kuudo saurokaikono. 4Toro kuudo yau'no sumaiyokwe a'mwo pworogai amokavlavokaikono. A'mwo su tooraino yovo tov pwol wagwolago Beriya tomuuda'ai Pirosolluro muugunyo Soopatolekono. Pworal wagwolago Tesaloonaikada'ai Aristakoseke Sekuudoseke toorakono. Pwol wagwolago Debe tomuuda'ai Gaiyosolekono. Pworal Esiya tomuuda'ai Tikikoseke Troofimaseke toorakono. Aki pwol Timootiyolekono. Poolol a'mwo su toorogai momwora'no sumaiyokwe avlavoporogano. 5Toro pla'mdopure kuvi kuruv nevu pwonol kworogai yere mavlavowonogano. Toro te sumdomguda'ai avlavopo su tooro nemi sumdomgu wano'mno wagwolago Troowas toru ki'mo'mno sumaveyokwe sogwollo anekinoporogano. 6Nevno'gwowi wagwolago Filipai toru Juu tooro kemi lubullu doto puruv yonopipureyokwe tovino sogwollo amwallajuwonogano. Lubullu doto su tovino yovo tov Bret Yisomaiyokwe Lubullu Dotoveyokwono. Toro te lubullu doto su tov me'no sonopiyopo toga nevu sip pwollu nuugwiyo mobiyosowono sulomwalowonogano. Toro toonol Filipai toru wuugollu'movowono abowonogano. Toro bino sumawoneyokwe 5-pela iruko tobuul me'no abawoka toga wagwolago Troowas towai abai'mowonogano. Toro bai'mowono Pooleke toorai buuru'ma'no sumawoneyokwe yiuwi'nokai toonol wagwolago su towai 7-pela iruko tobuul amwalowonogano.
Wagwolago Troowas toru Poolol muugunyo pwollu aiyo aiko te amodukavoka tovinokwono
7Toruda'ai wik su tovuro iruko muudu'nodo Sande tollugwoji nevu Jisasolluro a'mwo abolo togai wosamujuko pun nomwalano'moneyokwe su'bwo'nowonogano. Wosamujuko su tov Aguto toolluno aki aiko te kuudo yaullo'moneyokweyokwono. Toro i'bwo'nyuno sumawoneyokwe Poolol a'mwo abolo su'bwo'nopo tonyu kuuguudo sodubwasajukekono. Poolol iruko aikomguda'ai tollugwoji wuugollu'meyo'mo wobo toru soka tovino tov kuuguudo tokwe yodubwasuno yodubwasuno sumaiyokwe surakuuto akuusuduko kuga kuruv kuuno sodubwosumovlaiyajukekono. 8Nevu yiuwi'nokai tonol ago amodumunyuto'mellungiko puvi muunyu tomuu aullu'bwo'nomwallajuwonogano. Aki aullu'bwo'nomwallajuwo su towai lamwo bwotonyago aluudapingiko ton bako aulowopiyopogano. 9Toro towai i'bwo'nomwalno sumawoneyokwe a'mwo muugunyo pwol widoo tovi akuuto toru amwallajukekono. Widoo tovi akuuto tomuu mwalodowo Poololluro kuuguudo yodubwasoduke tovi au'nallajukekono. Muugunyo su toolluno yovo tov Yiutikasolekono. Toro tool Poololluro kuuguudo yodubwosumovla'mduke tovi kuu'na'no kuu'na'no sumaiyokwe sa'mo bwotonyo winodowo inarupto'nyo sumwanyajukekono. Toro imwanyuno sumaiyokwe sa yiunokuudo woro'no widoo tovida'ai kwa'mgu tomuuno abwoloorokaikono. Ago kumi'yago su tov puruvapuruv amodumunyuto'mellungiko tovi aullu'bwo'nomwallajuwonogano. Toro te a'mwo muugunyo su tool su towaida'ai kwako tovi bwola'no sumaiyokwe yiuno'no abolokaikono. Toro aboloka toollu a'mwo abolo pun wolabino sumaveyokwe bwolomaro'mno kwonopo tov, “Oo me'no abolmokaldeyo,” adopogano. 10Toro juno sumaveyokwe aki Poolol wolabo'no a'mwo muugunyo aboloka su toollu abwolomogudupolopiyokaikono. Toro mogudupolopino sumaiyokwe aiyo aiko te dukawono'moneyokwe muugunyo su toollu muunyu toru suloga'bwo'narokaikono. Toro iloga'bwo'na'no sumaiyokwe a'mwo abolo tonyu aro kuudokaikono. “Kevu kalo'mo mipinono. Muugunyo akal me'no abolmoka kwol kuruv aga'no'gwowi aiyo amwallo.” 11Toro wuujuno sumaiyokwe a'mwo muugunyo su tool aiyo aiko te dukavo'no yiuwi'nokai ton ago tovi aikomgu ila'mno sulomwalopogano. Toro ilomwalno sumaveyokwe Poolol a'mwo abolo tonyu bret ton uubuudeyo'no anomwalopogano. Wosamujuko su tov Aguto toolluno aki aiko te kuudo yaullo'moneyokwe anomwalopokwono. Toro nomwalno sumaveyokwe Poolol a'mwo abolo togai kuuguudo domwalno domwalno sumaveyokwe yiuno iruko'no adomdekurosopogano. Toro domdekurosuno sumaveyokwe Poolol a'mwo abolo su tonyu kuugollu'movokaikono. 12Toro wuugollu'mo'mno sumaiyokwe a'mwo abolo su ton muugunyo su tool abolowo'jujuko'mno'juki kalo'mo sopujukogano. Toro kun kuruv aiyo aiko te adukavoka toolluno kemi poowokalago tokwe ilaiyo bwotonyo yo'mno muugunyo su toollu gami ago tomuuno aikomgu amokavlavopekono.
Poolol wagwolago Troowas toru wuugollu'movo'no wagwolago Mailetos tomuuno sip tovi'aro avlavoka tovinokwono
13Toruda'ai Poolol kwokado plaiyo'mo winoduke tool nemi aro anekudokaikono. “Kevu sip pwollu ilomwalopi sumdomgu kworekulda'ai donekwanogaulo. Nuu toonyuno'gwowi kwokado wolabo'mi bwolekuru'ma'monyugono. Toro bwolekuru'maro'mi sip toollu aval'no plawanokwono.” Anekudokaikono. Toro anekudoka toonol sip pwollu ilomwalno sumawoneyokwe plavowono wagwolago Asoos toru wolai'mo'mno sumawoneyokwe sogwollo kwinyajuwonogano. 14Toro winodowore toga Poolol kwokado bino sumaiyokwe wagwolago Asoos toru abonekuru'marokaikono. Toro bonekuro'maro'no sip toollu ilabino sumaiyokwe yiuwi'nokai toonol sip toollu'aro plavowono wagwolago Mitilini tomuu ai'movowonogano.
15Toro ki'mo'mno sumawoneyokwe iruko aikomguda'ai tollugwoji sip toollu kuuno plavowono aku'momdo Kiyoos'no wobo tomuu ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plavowono aku'momdo Samoos toru ai'movowonogano. Toro ki'mo'mno sumawoneyokwe iruko aikomguda'ai tollugwoji kuuno plaino sumawoneyokwe wagwolago Mailetos toru ai'movowonogano.
16Toro ki'mo'mno sumawoneyokwe nevu wagwolago Efesos toru iru'mato nokwo sowa'jujuko kwonol kuruv Poolol kwako Esiya tomuu manyu toga mwallo'mo mwinokaikono. Su tov aro tovinokwono. Lubullu doto Pentikoosovo dodupudo tov abai'mowo'ji toga Poolol lubullu doto su tovi wagwolago Jeruusalem toru yonomwallo'mo kwinokaikono. Toro tovino tov Poolol Mailetos toru yere bai'meyo'moneyokwe aro kuudo sovo'dogallaurokaikono. “Nevu wagwolago Efesos toru surukurowolowa'ji tov wagwolago Jeruusalem tovi yere ki'mowanonogano.” Su toro tomgu'aro kuudo yovo'dogallau'no sumaiyokwe Mailetos toru ai'movowonogano.
Poolol wagwolago Efesosda'ai a'mwono moduvomwallokwe toorai nuugollu'meyo'mo tool kuuguudo kuudoka tovinokwono
17Toruda'ai wagwolago Mailetos toru me'no ki'mo'mno sumawoneyokwe Poolol wagwolago Efesos tomuuno kuuguudo puruv adapiyokaikono. Kuuguudo su tov wagwolago su tomuuda'ai Jisasolluro mollu'bwoto tobuuravuro a'mwono moduvomwallokwe tooro gamiyomno abupureyokweyo'mo adapiyokaikono. 18Toro dapino sumaiyokwe a'mwo su tooro bo'mno abuuru'maropo toorai Poolol aro kuudokaikono.
“Kevu mino kuudo me'no youronuma'dupudorekikono. Nuu muudu'nodo toga kwako Esiya tomuu ki'movono kevuge somjomwekovlaiyajo tovino kuudo nyau'mwakovo. 19Nuu kevuge amwallajo toga moro poowokalago kuunodo tokwe Aguto toolluro womdo tovi kwiyajonyugono. Aki yiuwi'nokai toga nuvnokwenyu abwolomoropinyajonyugono. Aki womdo su tovida'ai jul'nyo ma'dumdo toga kumdo ajajonyugono. Toro toonyu Juu tooro kaiyako yanyugollo'mo domduukuurosodopure kuvi kuruv nuvno'gwowi womdo tovi mimwogapiyajonyugono. 20Toro toonyu kemi ikullo'mwojo'moneyokwe kuuguudo pun yiulo miyopuurosajonyugono. Toro kwonyu kuruv yiuwi'nokai kuuguudo ton yiuno kuu'maiyo toru'no sodekubwasajonyugono. Aki kemoro ago go'no go'nodo tonyu yomollodum sodekubwasajonyugono. 21Yiuwi'nokai Juu toorogai'aro Grik toorogai'aro toorai duudapi yogalo ton yiuno aval'no kuujajonyugono. Toro toonyu aro sodubwasajonyugono. “Kevu kemi ma'no ma'nodo tonyuno buulo uugunyumopiyopi Gooti toollomno kuudo neya jouragunyumo'nyulo. Aki nemi Aguto Jisas Kraisolluno kuudo neya duubweyulo.” Sodubwasajonyugono.
22Nuu toro sodubwasajo toonyu aga'no'gwowi Gooti toolluro Kuullo tool mollanyudo'mo'mduke tovi uumjunodum wagwolago Jeruusalem'no pla'mo'monyugono. Toro toonyu plavo'mi wagwolago su tovi ki'mo'mdo'mure toga burowo'nyo nyumo'nononyudukoneyokwe tovino kuudo miyau'mwakono. 23Nuu mi nyumo'nyo'mo tonyuno kuudo miyau'dumdo kuvi kuruv Gooti toolluro Kuullo toolno'gwowi yiuwi'nokai wagwolago yomollodo'mure tomuu aro dodoluvanubweyodowodekono. A'mwo pworo gumi galogumworaropi wuulo killo'mo ago tovi meragubwepinekugono. Aki jul'nyo go'no go'nodo ton noma'mwalbinekugono. Dodoluvanubweyodowodekono. 24#2Tm. 4:7Toro dodoluvanubweyodowodo tovino tov nuu aro kuudo yaullokwenyugono. Oo nuvnokwe toonyuno kuudo bwotonyo nyau'mwalmiyo. Aki mi aromiyanubwepi kuruv nokwo'mokwono. Nuu su toro tonyuno jul'nyo mibwosunodumdo kwonyu kuruv aro tovino kuudo kwolallo yourukwapiyokwenyugono. Oo mi Aguto Jisasolluro womdo anubweyoka tovi yiuno'no sopimi tov ilaiyo imonyugono. Mi Aguto toolluro womdo anubweyoka su tov arokwono. Gooti toolluro yasuwa'wino sugumaluko nekullabodowodo tovino kuuguudo sugudo tokwe moruudomollumwalmo'moneyokwenyugono. Mi Aguto toolluro womdo anubweyoka su tov torokwono.
25Nuugeravoo, nuu aguto kig Gooti toolluro mido mollomwalo tovino kemi me'no sodekubwosumelabiyajonyugono. Toro sodekubwosumelabiyajo toorekullu aga me'no aikugollu'mo'mi toga'no'gwowi kevu moro sumdomago tovi aki aiko te manuwonpinorekikono. 26Toro tovino tov aga kuu'maiyo toru'no aro dodoluvaikubwemo'mokwono. Kevnokwe toorekulluda'ai pwol abolo'ji toga du'muudo tomuuno yiunokuudo sovlawo'ji tov moro tovasuda'ai mwimo'nonekono. 27Moro su toro aikudumo tov aro tovinokwono. Nuu muudu'nodo toga kevuge mwalodum Gooti toolluro womdo yono'moneyokwe ajourosungiko tonyuno kuuguudo tov yiulo puru'monodo kuruv miyopuurosajonyugono. Toro kwonyu kuruv yiuwi'nokai kuuguudo su ton yiuno kuu'maiyo toru'no sodekubwosumelabiyajonyugono.
28Toro te aga kevu a'mwono moduvomwallokwe toorekullu aro ikudumo'mokwono. Kevnokwe toorekul neya domoduvomwalnogaulo. Aki a'mwo abolo Gooti toolluno kuudo kuubwemwakopo kubuurai kuruv sipsip tobuuraibusuko kevu neya domoduvomwalogaulo. A'mwo abolo su tonyu Gooti tool gami kuunodo wimo'numwalpino'moneyokwe gami Kwolaiyo toolluro mujako tokwe abiyomarokagano. Toro abiyomaroka tonyu kevu mido mollomwalmwalpino'moneyokwe Gooti toolluro Kuullo tool me'no ajaikubweyokarekikono. Toro ajaikubweyoka toorekul Gooti toolluro a'mwo abolo su tobuurai sipsip duuwatokwe toorobusuko wimo'nopi neya domomjomwekovlavogaulo.
29Aki puruv aro tovino kuudo me'no souroma'monyugono. Nuu kemi me'no aikugollu'mo'mi toga a'mwo kuullujuluko toorobusuko pworo kemiyomno nobupinorogano. Toro tooro bopi kevu Gooti toolluro sipsip tobuurekullu ikwonyapino to'no mipinorogano. Toro kworo kuruv kaiyako mollugolaikumeyo'moneyokwe nyoukuu'naikudupinorogano. 30Aki kevnokwe togaikulluda'ai pworo ilodavopi Jisasolluro a'mwo abolo togaikullu de'nekumallo'moneyokwe kuunano yogalo nyoukuu'naikudupinorogano. Su toro youkuu'naikudodopure toorai nuumjunpiyokwe wako neya dou'nogaulo. 31Toro yomjomwekovlavopi moro sumdomguda'ai kumdato bwotonyo jono duudapi kuuguudo adaikullajo tonyuno kuudo nyallulo'gwonmwalpiyo. Nuu duudapi kuuguudo adaikullajo toga yiuwi'nokai iruko togake'aro surakuuto togake'aro toga yodekubwasuno yodekubwasuno sumoneyokwe kworomo pullapullu anuwolo'nokanyugono.
32Toro te aga Gooti gavnokwe tool kemi mollekumwalmwalono'moneyokwe gamoro ato tovi amaikubwemono. Gooti su tool gamoro yasuwa'wino sugumaluko tollovaino kuuguudo tov ikubweyodowodekono. Yasuwa'wino sugumaluko su tov kevu Gooti toolluro a'mwo abolo kuunodo wimo'nodupudo togaikullu jurogudo daikullumwojumwalonokwono. Toro togaikul Gooti toolluro yiuwi'nokai kemiyo'mo jesodowodo ton lukomgu kuvinono nomapinogaikikono. Aki gamoro yiuwi'nokai a'mwo abolo kuunodo wimo'nodupudo su togai aval'no nomapinogaikikono.
33Nuu kevuge amwallajo toga kemoro silvadeyo goolodeyo youro sugumalukousodeyo tonyuno kwanyu sumdo mainuwiyajonyugono. 34Toro kuvi kuruv kevu mino kuudo me'no youronuma'dupudorekikono. Sumdomgu nuuge'aro moro a'mwo womdokwe toorogai'aro toonol nuvnokwenyuro ato tokwe womdo yodore tovida'ai anomwallajuwonogano. 35Moro su toro sajo tovi kevu me'no kwonyajuporekikono. Toro te kev kworekul kuruv moro sajo to'busuko kubalno womdo guureji yopi a'mwo abolo wollainyo tobuurai neya duuwiyo'mwojogaulo. Su toro tovino nuu me'no aikuduuwallajonyugono. Aki nemi Aguto Jisasolluro yogalo puruv adoka tovino kuudo nyallulo'gwonmwalpiyo. Jisasol gavnokwe tool aro adokaikono. “Guu a'mwo pwollu burowo'nyodeyo ton yasuwa'no kwibi tov gumi poowokalago tovi ilaiyo bwotonyo ibwosunbinekugono. Toro tovino tov kevu aro kuudo nyaupiyo. Oo a'mwo pworavuro yasuwa'no anekullabupi tonyu amara'ji toga ilaiyo bwotonyo ibwosunanonogano. Awiyo, su toro aikullabupi toga ilaiyo pwekwono to'no ibwosunpinogaikikono. Toro kugaikul kuruv kemoro burowo'nyodeyo ton a'mwo pworai yasuwa'no kwipi toga'no'gwowi ilaiyo bwotonyo kuunodo ibwosunpinogaikikono.” Adokaikono.” Poolol wagwolago Efesosda'ai a'mwono moduvomwallokwe toorai toro kuudokaikono.
36Toro me'no wuujuno sumaiyokwe Pooleke tooro suduko inuguto'no'mno subusu'nyogalo adoporogano. 37-38Toro juno sumaveyokwe yiuwi'nokai tooro aro kuudo sauroporogano. Oo Poolollu aikomgu mwonanoldeyo. Toro kuudo yau'no sumaveyokwe kalo bwotonyo yo'mno kumdato ajoporogano. Toro juno sumaveyokwe Poolollu mogudopolopiyo'mno gamoro suwado tovi molluduuduulo kwiyoporogano. Toro wino sumaveyokwe Poolol sip tovi novlaiyo'mo yoduke toollu a'mwono moduvomwallokwe su tooro kalo wino'mno kumdo aduumjunoporogano.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022: Ethnos360 Sanford, Florida