Efesios 1
1
La sc'opan ta carta jch'unolajeletic ta lum Éfeso li Pabloe
1Vu'un Pabloun, yajtacbolalun li Jesucristoe, yu'un jech la sc'an yo'nton li Diose. Ta jc'opanoxuc tal, vo'oxuc ti voc'biloxuc xa yu'un Dios te ta lum Éfeso#Hch 18.19-21; 19.1. ti jun avo'nton ach'unojic o li Cristo Jesuse. 2Ac'o xc'uxubinoxuc, ac'o junuc avo'ntonic ta sventa li Diose ja' li Jtotique, xchi'uc ta sventa li Cajvaltic Jesucristoe.
Quich'ojtic xa scotol bendición ta sventa li Cristoe
3Ac'o ich'atuc ta muc' li Diose ja' li Stot Cajvaltic Jesucristoe, ja' li boch'o laj yac'butic scotol li bendición te oy ta vinajel ta sventa ti jun lijc'ot jchi'uctic li Cristoe. 4Xchi'uc la st'ujutic ta sventa Cristo ti c'alal mu'yuc to'ox banamile, yu'un jech mu'yuc jmultic, mu'yuc quic'ubaltic chijyilutic, yu'un c'anbilutic ono'ox yu'un. 5Nopbil ono'ox yu'un ti chijc'ot ta mero xnich'on ta sventa li Jesucristoe, yu'un jech la sc'an ta slequil yo'nton stuc. 6Yu'un jech ac'o calbetic slequilal, ac'o quich'tic ta muc' ta sventa ti ep slequil yo'ntone, ta sventa ti la xc'uxubinutique, ti lec xa chijyilutic ta sventa li Xnich'on ti lec sc'anoje. 7Ja' li Xnich'on ti la smanutic ta xch'ich'al,#Mr 10.45; 14.24; Heb 9.12-14. yu'un jech la jtatic o perdón yu'un li jmultique,#Col 1.14. yu'un bats'i ep c'uxutic ta yo'nton. 8Ivinaj ti bats'i ep c'uxutic ta yo'nton li Diose, yu'un laj xa yac'butic jbijiltic, laj yac'butic cotquintic scotol. 9Laj xa yac'butic jna'tic li c'usi snopoj ta vo'one ti mu'yuc boch'o la sna'e. Ja' li c'usi chapal ono'ox yu'un stuc chac' c'otuc ta pasele. 10Ja' ti nopbil ono'ox chac'be sventain scotol c'usitic oy li Xnich'on c'alal tsta yorail yu'une. Ja' banquilal chc'ot yu'un scotol c'usitic oy ta vinajel xchi'uc c'usitic oy li' ta banamil.
11Jech noxtoc ja' ta sventa Cristo ti laj xa yu'uninuncutic ec li Diose, yu'un t'ujbiluncutic ono'ox yu'un ta vo'one, yu'un jech la sc'an yo'nton stuc. Yu'un li stuque tspas scotol c'usitic oy ta yo'nton. 12Yu'un jech ich'bil ta muc' chc'ot ta jventacutic vu'uncutic ti jmalaojcutic chtal li Cristoe. 13Ja' no'ox jech ec li vo'oxuque, c'alal laj ava'ibeic li sc'op ti ja' melele, ja' li Lequil A'yej ti chacolic yu'une, laj ach'unic; jech laj avich'beic senyail ti yu'unoxuc o li Diose, ja' li Ch'ul Espíritu ti yaloj ono'ox Dios chijyac'butique.#Lc 24.49; Jn 14.26; 16.13-15; Hch 1.4; 2.33. 14Ja' sliqueb quich'ojtic li c'usi sc'oplal chc'ot quich'tic#2 Co 1.22. c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.
La sc'anbe Dios Pablo ti ac'o ac'batuc sbijil li jch'unolajeletique
15Ja' yu'un c'alal laj ca'ay ti lec ach'unojic Cajvaltic Jesuse, xchi'uc ti lec ac'anojic li yu'untac Dios ti buyuc no'ox oyique, 16mu jquechan o stojbel ta vocol li Diose. Te ta jna'oxuc o jujun velta ti c'alal ta jc'opan Diose. 17Yu'un jech ac'o yac'boxuc abijilic li Dios yu'un Cajvaltic Jesucristoe, ja' li Totil ti toj ech'em slequilale. Xchi'uc ac'o yac' ana'ic c'u x'elan yo'nton li Diose, yu'un jech chavotquinic lec c'u x'elan. 18Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque. 19Jech chana'ic noxtoc ti toj ech'em svu'el ta jtojoltic, vu'utic ti jch'unojtique. Ta sventa svu'el stsatsal 20la xcha'cuxes loq'uel ta ch'en li Cristoe, xchi'uc laj yac' chotluc ta sbats'ic'ob te ta vinajel.#Sal 110.1. 21Ja' banquilal ic'ot yu'un scotol li banquilaletic ta toyole, ti tsots svu'elique, ti tspasic mantale, xchi'uc ti toj muc'tic xa sbiic ta a'yele. Ma'uc no'ox banquilal comen li' ta orae, ja' banquilal o c'alal to ta sbatel osil. 22Ja' i'ac'bat ta yolon yacan scotol li c'usitic oye,#Sal 8.6. xchi'uc ja' Jolil ic'ot yu'un scotol li steclumal Diose. 23Ja' sbec'tal ic'ot li steclumale,#Col 1.18. jech lec ts'acal ic'ot o sbec'tal li Cristo ti ja' oy ta sventa tsts'acubtas scotole.
Currently Selected:
Efesios 1: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.