Tito TITO
TITO
Li'i ja' scarta Tito, ja' its'ibabat yu'un Pablo sventa chich' albel c'usi lec tspas, yu'un jech lec chbat spasel yu'un li yabtel Diose. Li vun li'i oy ep bu co'ol xchi'uc li sba Timoteoe, yu'un ja' xchi'iltac ta abtel Pablo li Tito xchi'uc Timoteoe. Xco'laj xchi'uc xnich'on laj ya'ay, ja' yu'un lec la xchanubtas.
Li' ta Tito chvinaj ti te laj yich' comtsanel ta Creta li Titoe, yu'un ac'o xchapan lec li nail tsobobbaile, xchi'uc ac'o stojobtas lec li jch'unolajeletique, xchi'uc ac'o sq'uel lec li boch'o ch-ochic ta yabtel Diose, xchi'uc ac'o sq'uel sba ta sventa li jlo'lavanejetique. Ja' yu'un li vun li'i ja' sventa sbijubtasel j'abteletic yu'un Dios.
¿Boch'o la sts'iba, xchi'uc c'usi ora laj yich' ts'ibael? Chvinaj ta 1.1 ti ja' la sts'iba li Pabloe. Ja' van laj yich' ts'ibael ta chanib xchanvinic jabil svoq'uel li Cajvaltic Jesucristoe (64 d.C.). Chalic ti ja'o la sts'iba c'alal te oy ta Macedonia banamil li Pabloe.
Li vun li'i voc'bil ta chanvoc':
I.
Ta cap. 1.1-4: Sliqueb
II.
Ta cap. 1.5-16: I'albat c'usi yabtel Tito, xchi'uc ti tsc'an bij ta sventa jlo'lavanej jchanubtasvanejetique
III.
Ta cap. 2: Sc'oplal sbijubtasel jch'unolajeletic
IV.
Ta cap. 3: Sc'oplal c'usi tsc'an tspas jch'unolajeletic, xchi'uc patub o'ntonal
Currently Selected:
Tito TITO: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.