Lucas LUCAS
LUCAS
Li svun Lucas li'i ja' yoxibal vun ta Ach' Testamento. Ep co'ol c'usitic chalic xchi'uc li yan evangelioetique. Ja' la sts'ibabe batel jun vinic lec ich'bil ta muc', tsots yabtel, ja' li Teofiloe. Ja' laj yac'be sna' c'u x'elan ivoc' li Jesuse, c'usitic la spas, xchi'uc c'u x'elan laj yich' vocol, yu'un jech ac'o junuc yo'nton chch'un o, xchi'uc jech mu me xlaj ta lo'lael. Ja' yu'un chquiltic ti persa la sts'acubtasbe batel sc'oplal Jesús ta Hechos. Te chal c'u x'elan imuy batel ta vinajel, xchi'uc c'usitic ic'ot ta pasel ta ts'acal. Xchi'uc ja' sventa tstsatsubtasbe yo'nton li boch'otic laj xa xch'unic Cajvaltic te ta Roma ti muc ja'uc israeletique.
¿Boch'o la sts'iba li svun Lucase? Li boch'o la sts'ibae ja' li Lucase, ja' jun jpoxtavanej ti lec sc'anoj sbaic xchi'uc li Pabloe (Col 4.14). Chvinaj ta Hch 1.1 ti oy xa ono'ox sts'ibaojbe batel vun li Teofiloe, ja' xa no'ox la sts'acubtas batel ta Hechos, ja' yu'un lec stsac sba batel li c'usi chale. Oy yan prevaetic ta svun Jerónimo, Eusebio, xchi'uc Tertuliano ti ja' la sts'iba li Lucase. Chalic ti ja' jun jpoxtavanej li Lucase, ti ja' xchi'il sbaic ta xanubal xchi'uc Pabloe.
¿C'usi ora laj yich' ts'ibael? Li svun Lucase ja' van laj yich' ts'ibael ta jun xchanvinic jabil c'alal ta oxib xchanvinic (61-63 d.C.) jabil svoq'uel ta banamil li Jesucristoe.
Li vun li'i voc'bil ta vo'voc':
I.
Ta cap. 1—2: Sliqueb, xchi'uc sc'oplal c'u x'elan ivoq'uic, c'u x'elan ich'iic Juan j'ac'vanej ta vo' xchi'uc Jesús
II.
Ta cap. 3—4.13: Sc'oplal yabtel Juan ta xocol banamil, xchi'uc la xchapan sba Jesús sventa tsliques yabtel
III.
Ta cap. 4.14—9.50: Sc'oplal c'usitic la spas Jesús ta Galilea banamil
IV.
Ta cap. 9.51—19.27: Ibat ta lum Jerusalén li Jesuse.
V.
Ta cap. 19.28—24: Sc'oplal c'usitic la spas te ta Jerusalén li Jesuse, xchi'uc sc'oplal svocol, icham, xchi'uc icha'cuxi
Currently Selected:
Lucas LUCAS: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.