Jeremías 47
47
Sc'oplal c'usi chc'ot ta pasel ta stojol filistaetic
1Li Jeremiase ital c'opanatuc yu'un Muc'ul Dios ta sventa c'usi chc'ot ta pasel ta stojol li filistaetique;#Is 14.29-31; Ez 25.15-17; Jl 3.4-8; Am 1.6-8; Sof 2.4-7; Zac 9.5-7. ja'o laj yich' c'opanel ti c'alal mu'yuc to'ox chbat yules lum Gaza li faraone.
2Jech laj yal li Muc'ul Diose:
“Ta xtal muc'ta nojelal uc'um ta norte;
bats'i tsots yoc ta xtal.
Ta xmuc ta vo' scotol li banamil li'i,
xchi'uc li lume, xchi'uc li jnaclumetique,
xchi'uc scotol li c'usitic te oye.
Scotol li cristianoetic, li jnaclumetique
ch-oc' ch-avanic ta vocol.
3Li totiletique chlaj stsatsalic ta scoj xi'elal
ti xbatatet no'ox tal li svoy ca'etique,
ti xchac'lajet no'ox tal caretaetique,
ti squits'lajet no'ox tal li yacantaque;
jech mu'yuc xa ta stuc'ulanic o li xnich'nabique.
4Yu'un ta xa sta sc'ac'alil ta xich'ic ulesel li filistaetique,
xchi'uc li lum Tiro, xchi'uc Sidone,
xchi'uc li boch'o cuxul to chcomic ti co'ol yo'ntonic xchi'uque.
Yu'un li Muc'ul Diose ta xules o li filistaetic
ti te liquemic tal ta banamil Caftor#47.4 Caftor - Ja' Creta yan sbi. ti cacal ta nabe.
5Li lum Gazae ta xjux sjol;
li Ascalone mu xa xbac'.
Vo'oxuc li scomelaloxuc muc'tic cristianoetic ta vo'onee,#Jos 11.22.
¿baq'uin to chabojilan abec'talic sventa senyail ti oy avocolique?
6Oy boch'o jech chalic:
‘¡Ay, yespada Muc'ul Dios!
¿Baq'uin to chapajes aba?
Tic'o aba ochel ta ana;
mu xabac', ch'an xi oyan’, xiic.
7¿Pero c'u x'elan xu' tspajes sba
ti me vu'un calojbe mantal
chbat scontrain li Ascalón
xchi'uc li boch'otic nacajtic ta ti'ti' nabe?”, xi li Muc'ul Diose.
Currently Selected:
Jeremías 47: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
