Jeremías 43
43
I'ic'at batel ta Egipto li Jeremiase
1C'alal ilaj yo'nton ta yalbel xchi'iltac Jeremías li c'usitic laj yal Muc'ul Dios ta sventaique, 2jech laj yal li Azarías xnich'on Osaías, xchi'uc Johanán xnich'on Carea, xchi'uc scotol li jtoyba cristianoetique, jech laj yalbeic li Jeremiase: “¡Altic chanop li c'usi chavalbuncutique! Li Muc'ul Dios cu'untique mu'yuc jech yalojbot ti mu xu' chibatcutic ta Egiptoe. 3Ja' Baruc xnich'on Nerías chayalbot ti jech chopol c'usi chaval ta jtojolcutique, yu'un jech ac'o ochcuncutic ta sc'ob li caldeaetique yu'un jech ac'o smiluncutic, ac'o xchucuncutic batel ta Babilonia”, xutic.
4Jech muc xich'ic o ta muc' c'usi laj yal Muc'ul Dios li Johanán, xchi'uc li banquilal soldadoetique, xchi'uc scotol li judaetic ti i'albatic te ac'o comicuc ta yosilal Judae. 5Li Johanán xchi'uc scotol li banquilal soldadoetique la stsobic scotol li scomelal judaetic ti isutic tal ti bu la spuc sbaic batel ta yantic banamil sventa chtal naquiicuc yan velta ta yosilal Judae, 6ja' li vinic antsetic, xchi'uc ololetic, xchi'uc stsebetic ajvalil, xchi'uc Jeremías, xchi'uc Baruc xnich'on Nerías, ja' ti c'u yepal i'ac'bat sventain to'ox yu'un Nabuzaradán li Gedaliase. 7Jech ibatic ta Egipto,#2 R 25.26. yu'un ja' muc xich'ic ta muc' c'usi i'albatic yu'un li Muc'ul Diose, jech te to ic'otic ta lum Tafnes.
8Li Jeremiase ital c'opanatuc yu'un Muc'ul Dios te ta Tafnes, jech i'albat: 9“Peto tal jaybejuc muc'tic ton, te ta sat scotol judaetic xamuc ta banamil ti bu ac'bil lec ladrillo te ta sti' spasubmantal faraón ta lum Tafnese. 10Jech xavalbe ya'yic: ‘Jech chal li Muc'ul Dios ti tspas ta mantal scotol te ta vinajele, ja' li Dios yu'un Israele: A'yo ava'yic, ta jtac tal li cajtunel Nabucodonosor ajvalil ta Babiloniae. Li' ta xvul spas xchotleb ta sba li tonetic la jmuque; li' ta xvul xlich'an scarpana. 11Ja' ta xtal syavnaijesic li Egiptoe. Li boch'o sc'oplal ono'ox ta xchame ta xcham; li boch'o sc'oplal ono'ox chucbil chbat ta yan banamile chich' chuquel batel; li boch'o sc'oplal ono'ox milbil chchame chich' milel.#Jer 15.2. 12Ta xchiq'uic ta c'oc' scotol li ch'ulnaetic sventa sdiosic ta Egiptoe, xchi'uc li diosetique ta xchuquic batel ec. Ta xch'ubaic comel scotol li yosilal Egipto jech chac c'u cha'al biq'uitic tstsacbe sac-uch'al sc'u' li jchabichije, jech jun no'ox yo'nton chloc' batel. 13Jech noxtoc li diosetic te va'ananbil ta Bet-semes ta yosilal Egiptoe ta slilinan comel. Li ch'ulnaetic yu'un diosetic ta Egiptoe ta xchic' comel ta c'oc', xi li Muc'ul Diose’, uto”, x'utat li Jeremiase.
Currently Selected:
Jeremías 43: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
