Ezequiel 15
15
Li israeletique ja' jechic jech chac c'u cha'al jtec' ts'usub ti mu'yuc stue
1La sc'opanun li Muc'ul Diose, jech laj yalbun:
2“Xnich'on cristiano, ¿me tsots stu li yaq'uil ts'usub
jech chac c'u cha'al yantic te'etique?
¿Me oy c'usi stu li sc'obc'ob
jech chac c'u cha'al sc'obc'ob yantic te'etique?
3¿Me oy chich' tunesbel yaq'uil
sventa oy c'usi chich' pasel o?
¿Me oy chich' tunesbel sc'ob
sventa oy c'usi chich' joc'anel o?
4Ja' no'ox stu sventa chich' chiq'uel ta c'oc', jech te chc'ac' o.
Me laj xa'ox stsac c'oc' xcha'jotal sni'e,
ta xc'ac' o batel c'alal ta o'lol.
¿C'usi to stu c'alal me c'aq'uem xa'oxe?
5Yu'un c'alal lec to'ox oye,
mu'yuc ono'ox c'usi chtun o,
buuc xa, me c'aq'uem xa ta c'oq'ue,
¿c'usi to chtun o?
6Ja' yu'un jech chcal vu'un li Muc'ul Diosune, vu'un li Avajvalicune:
Jech chac c'u cha'al li te'el ts'usub
ti ja' no'ox stu sventa chich' chiq'uel ta c'oq'ue,
ja' no'ox jech ta jpasbeic ec li jnaclumetic ta Jerusalene.
7Vu'un ta jcontrainic.
Ac'o me chcolic to loq'uel ta c'oc',
pero ta ono'ox xc'aq'uic ta yan c'oc' noxtoc.
C'alal ta xlic jcontrainique,
ja' to te chlic sna'ic o ti vu'un Muc'ul Diosune.
8Ta jyavnaijesbeic o li yosilalique,
yu'un mu junuc yo'ntonic ta jtojol”,
xi li Muc'ul Diose, ja' li Cajvaltique.
Currently Selected:
Ezequiel 15: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
