Ezequiel 10
10
Li xojobal Diose itots batel ta ch'ulna
1Ts'acal laj quil xco'laj xchi'uc jun chotlebal pasbil ta zafiro ton#Ez 1.26; Ap 4.2. te ta yac'ol sjol li querubinetique. 2Li vinic ti pasbil ta lino no sc'u'e ic'opanat, jech i'albat: “Tic'o aba ochel te ta xotxotil li yacan caretaetique. Jopo tal jopuc li tsanajtic ac'al te oye; vijo batel ta sba li lume”,#Ap 8.5. x'utat.
Jech te jq'ueloj i'och batel. 3Li querubinetic laj quile te oy ta xocon ch'ulna ta stuq'uil sur. Li xcha'c'olal yamaq'uil ch'ulnae nojem ta toc. 4Li xojobal Muc'ul Diose itoy muyel ta sba yac'ol li sloc'obal querubinetique; te bat yac' sba ta ti'ch'ulna. Li ch'ulnae inoj ta toc. Li yamaq'uile inoj ta saquil stsatsal xojobal li Muc'ul Diose.#Ex 16.10; 24.16; Nm 10.34. 5Li xic' querubinetique xvinaj to chbac' te ta sba c'olal yamaq'uil ch'ulna. C'alal chbaq'ue, ja' jech chac c'u cha'al chc'opoj li Dios ti ech'em svu'ele. 6C'alal i'albat mantal li boch'o pasbil ta lino no sc'u' ti ac'o bat sjop tal li ac'ale, jech i'och batel; te la sva'an sba ta yut li xotxotil yacan caretae. 7Oy jun querubín laj yac' tal sc'ob te ta o'lol li yantic querubinetique. La sjop li ac'ale; laj yac'be ta sc'ob li vinic ti pasbil ta lino no sc'u'e. C'alal la stsac ac'al li vinique, iloc' batel. 8Ta ora ivinaj jun c'obil yilel te ta yolon xiq'uic li querubinetique. 9C'alal la jq'uel batele, te laj quil chanib yacan careta, jun ta jujun li querubinetique. Li yacan caretae xco'laj xchi'uc crisólito ton yilel. 10Li chanib yacan caretae co'ol x'elan pasbilic. Li jujune tic'ajtic ta yut xchi'ilic yilel. 11C'alal chanovic batel li querubinetique, ta xchanjotal yelov xu' chanovic. Mu persauc chjoyijic ti c'alal chanovic batele; te no'ox tuc' chlic xanovicuc batel ti c'u x'elan oyique. 12Li sbec'talic, li spatic, li sc'obic, xchi'uc li xiq'uique, nojem ta puru satil.#Ez 1.18; Ap 4.8. Ja' jech ec li chanib yacan caretaetique. 13Li yacan caretaetique jech ch-albatic laj ca'ay: “xotajtic”,#Ez 1.15-21. xi sc'oplalic. 14Li chanib querubinetique oy chanib sat jujunic: li sbae sat querubín yilel; li xchibale sat cristiano yilel; li yoxibale sat león yilel; li xchanibale sat xic yilel.#Ez 1.10; Ap 4.7.
15Li querubinetique itotsic; ja' ono'ox li querubinetic ti laj quil te ta uc'um Quebare.#Ez 1.1-3. 16C'alal chanovic batel li querubinetique, co'ol chanovic batel xchi'uc li yacan caretaetique. C'alal chvilic totsel ta banamile, te nabal chtoyic ec li yacan caretaetique; mu'yuc tsvoc' sbaic o. 17C'alal chpajic ta xanubale, te nabal chpajic ec. C'alal tstotsique, te nabal tstots xchi'uquic noxtoc. Yu'un jmoj stsacoj sba ti c'u x'elan cuxulique.
18Li xojobal Muc'ul Diose itots batel ta sti' li ch'ulnae; te bat yac' sba ta sba yac'ol li querubinetique. 19Li querubinetique la stoy xiq'uic; te jq'ueloj ivilic totsel ta banamil. C'alal ivilic muyele, te nabal imuy ec li yacan caretaetique. Te c'ot pajicuc ta sti' xch'ulna Muc'ul Dios ta stuq'uil sloq'ueb c'ac'al.#10.19 C'ac'al - Oy boch'o chalic jtotic. Li xojobal Dios yu'un Israele te oy ta sba yac'ol li querubinetique. 20Ja' li querubinetic ti laj quil ono'ox te ta uc'um Quebar ti ta olon oyic yu'un li Dios yu'un Israele. Laj ono'ox cotquin ti ja' li querubinetique. 21Li jujunique oy chanib satic xchi'uc chanib xiq'uic. Te ta yolon xiq'uique xco'laj xchi'uc sloc'obal sc'ob cristiano. 22Li satique ja' co'ol jech chac c'u cha'al laj quil te ta uc'um Quebare; co'ol x'elanic ta q'uelel, xchi'uc co'ol stalelic. Li jujunique xu' te no'ox tuc' chanovic loq'uel ta stuq'uilic ti c'u x'elan oyique.
Currently Selected:
Ezequiel 10: TZE97
Highlight
Copy
Compare
Share
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.
