1 Tesalonicenses 1 TESALONICENSES
1 TESALONICENSES
Li'i ja' sba Tesalonicenses, yu'un oy xchibal noxtoc. Ja' sba carta laj yich'ic tacbel batel li jch'unolajeletic ta lum Tesalonicae.
Li jch'unolajeletic le'e ja'o ilic ta xchibal velta iloc' ta xcholel sc'op Dios li Pabloe, ja'o ti c'alal laj xa'ox sliques comel li jch'unolajeletic ta lum Filipose (q'uelo Hch 17.1-8). Ts'acal ibat ta yantic lum c'alal to ic'ot ta Corinto (q'uelo Hch 17.10—18.18).
C'alal te oy ta Corintoe, tsc'an ox ta sut batel ta Tesalónica chbat svu'es li yabtele, pero muc xu' yu'un. Ja' yu'un la stac batel xchi'il ta abtel ti c'alal te oy ta Atenase, yu'un ac'o bat stsatsubtasbe yo'nton li jch'unolajeletique; ja' ibat li Timoteoe. C'alal te xa oy ta Corinto li Pabloe, te ic'ot li Timoteoe, yich'oj c'otel lequil lo'il ta sventa li jch'unolajeletique. Ja' yu'un li Pabloe la sts'iba batel li vun li'i.
¿C'u yu'un laj yich' ts'ibael li vun li'i? Ja' sventa tstsatsubtasbe yo'nton, chchanubtas, tspatbe yo'nton ta sventa ti ep laj yich'ic vocole (1.6-10) xchi'uc ti lec yabtelique. Xchi'uc laj yac'be lec sna' c'u x'elan chcha'tal li Cajvaltique, xchi'uc c'usi chc'ot ta pasel ta stojol li boch'otic xch'unojic c'alal chchamique. Xchi'uc la staq'ui ti ac'o abtejicuque, yu'un jech tsta c'usi oy yu'unic. Yu'un oy la snopic ti altic xa ch-abtejique, yu'un po'ot xa chtal li Cajvaltique (1 Ts 4.13-16; 2 Ts 3.6-12). Laj yalbe ti ba'yuc chtal li vinic ti sc'oplal ch'ayel chbat oe, ja' yu'un tsc'an ti ac'o bijicuque, yu'un mu boch'o sna' c'usi ora chc'ot ta pasel.
¿Boch'o la sts'iba li vun li'i? Ja' la sts'iba li Pabloe, te xchi'uc sbaic xchi'uc li Silas xchi'uc Timoteoe (1.1).
¿C'usi ora laj yich' ts'ibael? Chvinaj ti ja' ba'yuc laj yich' ts'ibael yu'un li yantic vune. Ja' laj yich' ts'ibael ta lajuneb yoxvinic (50 d.C.) jabil svoq'uel li Jesucristoe.
Li vun li'i voc'bil ta chanvoc':
I.
Ta cap. 1.1-10: Sliqueb
A. Ta cap. 1.1: Patub o'ntonal
B. Ta cap. 1.2-10: Stojel ta vocol
II.
Ta cap. 2—3.13: Sc'oplal c'usitic la spas Pablo ta Tesalónica
A. Ta cap. 2.1-16: Ivul ta yo'nton c'u x'elan yabtel ta stojol jch'unolajeletic li Pabloe.
B. Ta cap. 2.17-20: Oy ta yo'nton chbat xcha'q'uel jch'unolajeletic li Pabloe.
C. Ta cap. 3.1-10: La stac batel Timoteo li Pabloe.
D. Ta cap. 3.11-13: Sc'opanel Dios
III.
Ta cap. 4—5.11: Bijubtasel
A. Ta cap. 4.1-12: Sventa c'usi tsc'an ta jpastic ti lec chil Diose
B. Ta cap. 4.13—5.11: Sventa chcha'tal Cajvaltic
IV.
Ta cap. 5.12-28: Taq'uiel, xchi'uc patub o'ntonal
Currently Selected:
1 Tesalonicenses 1 TESALONICENSES: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.