1 Crónicas 14
14
Li ajvalil Hirame la stac batel yaj'abteltac ta stojol li Davide
(2 S 5.11-12)
1Li Hiram ajvalil ta Tiroe la stac batel yaj'abteltac ta stojol li Davide, xchi'uc alvaniletic, carpinteroetic; laj yich'ic batel lec ch'ut te'etic sventa tsva'anbeic na bu tspas mantal li Davide. 2Li Davide te lic sna' o ti ja' itic'at ta ajvalilal yu'un Muc'ul Dios ta sventa li Israele, yu'un ja' ta sventa ti lec chbat scotol li yabtele, yu'un jech tsta slequilal li jteclum yu'une, ja' li israeletique.
Sc'oplal xnich'nabtac David ivoc' ta Jerusalén
(2 S 5.13-16; 1 Cr 3.5-9)
3Li Davide laj yic' ep yajniltac te ta Jerusalén, jech ivoc' ep squeremetic stsebetic. 4Li xnich'nab ivoc' ta Jerusalene ja': Samúa, Sobab, Natán, Salomón, 5Ibhar, Elisúa, Elpelet, 6Noga, Nefeg, Jafía, 7Elisama, Beeliada, xchi'uc Elifelet.
La stsal filistaetic li Davide
(2 S 5.17-25)
8C'alal laj ya'yic filistaetic ti ja' xa i'otesat ta ajvalilal yu'un Dios sventa scotol israeletic li Davide, iloq'uic tal scotolic, tal sa'ic li Davide. C'alal laj ya'ay li Davide, iloc' batel, bat sta ta be. 9Li filistaetique laj yaq'uic tal persa; te vul spuc sbaic ta stenlejaltic Refaim. 10Li Davide te lic sjac'be Muc'ul Dios c'usi tspas:
—¿Me xu' chbat cac'be ya'ay li filistaetique? ¿Me chavac'bun ta jc'ob? —xut.
Itac'ov li Muc'ul Diose:
—Xu' chbat avac'be; vu'un chacac'bot ta ac'ob —xut.
11Li Davide imuy batel ta Baal-perazim; te la stsal scotol. Li Davide jech laj yal: “Li Diose la stsalbun li cajcontra ti ja' jechic jech chac c'u cha'al uc'um ti toj tsots yipe”, xi. Ja' yu'un Baal-perazim#14.11 Baal-perazim - Ta hebreo c'op ja' smelol Dios la svoc' li tsatsal uc'ume. laj yac'be sbi li banamile. 12Li filistaetique te icom yu'unic li sdiosique. Li Davide laj yal mantal ti ac'o xchiq'uique.
13Li filistaetique italic yan velta noxtoc; te vul spuc sbaic ta stenlejaltic Refaim. 14Li Davide te la sjac'be yan velta li Diose, jech itac'bat:
—Mu xbat avac'beic lec ta satic. Setuic no'ox; bat ac'beic tal ta mucul ta spatic te ta bálsamo te'etique. 15C'alal chava'yic oy boch'o xchajlajet tal ta yanal bálsamo te'etique, bat ac'beic ta ora, yu'un vu'un ba'yucbeun batel avu'unic sventa chbat amilic li filista soldadoetique —x'utat.
16Li Davide la spas li c'usi i'albat yu'un Diose; la stsalic li filistaetic. Te iliquic batel ta Gabaón c'alal to ta Gezer. 17Li Davide ipuc batel sc'oplal ta buyuc no'ox. Li Muc'ul Diose laj yac' xi'icuc yu'un David scotol li muc'tic lumetique.
Currently Selected:
1 Crónicas 14: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.