1 Crónicas 12
12
Sc'oplal svinictac David
1C'alal te snac'oj sba ta Siclag li David ta scoj li Saúl xnich'on Cise, te ital chi'inatuc yu'un viniquetic lec tsots yo'ntonic; ja' la scoltaic ta pleito li Davide. 2Lec chapalic batel xchi'uc sflechaic; lec sna'ic yaq'uel ton ta jimich' ta sbats'ic'obic xchi'uc ta sts'etc'obic; lec sna'ic yaq'uel flecha noxtoc. Puru yuts' yalal Saúl scotolic; ja' liquemic ta Benjamín. Li sbiique ja': 3Ahiezer ja' banquilal yu'unic, xchi'uc Joás xnich'nab Semaa liquem ta lum Gabaa; xchi'uc Jeziel, Pelet, xnich'nab Azmavet; xchi'uc Beraca, Jehú, anatot vinic; 4xchi'uc Ismaías liquem ta lum Gabaón, ja' jun li lajuneb xcha'vinic (30) lec tsots yo'ntonique, xchi'uc ja' banquilal yu'unic; ja'o te xtal Jeremías, Jahaziel, Johanán, Jozabad liquem ta lum Gedera, 5Eluzai, Jerimot, Bealías, Semarías, Sefatías harufita vinic; 6Elcana, Isías, Azareel, Joezer, Jasobeam liquemic ta Coré; 7Joela, Zebadías, xnich'nab Jeroham liquem ta Gedor.
8Jech noxtoc li gadetique oy jayibuc ibat xchi'inic ec li David yo' bu staoj lec tsots snac'ubbail ta xocol banamile. Lec tsots yo'ntonic; lec xchanojic pleito noxtoc. Slapoj lec smaquic; yich'oj lec slanzaic. Xco'laj xchi'uc leonetic ta q'uelel, xchi'uc lec x'anilajic ta te'tic jech chac c'u cha'al te'tical chijetic. 9Li sbae ja' Ezer sbi, ja' xchibal Obadías, yoxibal Eliab, 10xchanibal Mismana, yo'bal Jeremías, 11svaquibal Atai, svucubal Eliel, 12xvaxquibal Johanán, sbalunebal Elzabad, 13slajunebal Jeremías, xbuluchibal Macbanai. 14Le'e ja' puru banquilal soldadoetic yu'un li gadetique. Oy sventainojic ta jmil (1,000); oy sventainojic ta vo'vinic (100) ti me mu'yuc xa epe. 15Le'e ijelovic batel ta jot uc'um Jordán ti c'alal ja'o yorail noj c'alal ta sti'ti' li uc'um ta sliqueb ue. Ijatov batel yu'unic li boch'otic te nacajtic ta stenlejaltic ta sloq'ueb c'ac'al#12.15 C'ac'al - Oy boch'o chalic jtotic. xchi'uc ta smaleb c'ac'ale.
16Jech noxtoc oy jayibuc xnich'nab Benjamín xchi'uc Judá ibat xchi'inic noxtoc li David te ta snac'ubbaile. 17Li Davide iloc' snup, jech laj yalbe: “Me ta sventa yu'un tal acoltaicun, me muc sliqueseluc c'op latalique, jun co'nton xu' ta jchi'in jbatic. Pero me ja' no'ox tal alo'laicun yu'un chavaq'uicun ta sc'ob cajcontra ti mu'yuc c'usi chopol jpasoje, ac'o sq'uel stuc li Dios yu'un jmoltotactic ta vo'onee; ac'o yac'boxuc atojic”, xut.
18Li Amasai, ja' li banquilal yu'un lajuneb xcha'vinique (30), iventainat ta tsatsal Dios, jech laj yal:
“Junuc avo'nton David xnich'on Isaí.
Mu xlo'ilaj ajol avo'nton.
Junuc avo'nton xchi'uc li boch'otic chascoltaicote,
yu'un li Dios avu'une chascoltaot”, xi.
Jech li Davide laj yic'an, la stic'an ta banquilal yu'un yajsoldadotac.
19Oy jayibuc smomnich'nab Manasés bat xchi'in ec li David ti c'alal ja'o bat xchi'in ta naclej filistaetic sventa tscontrainic li Saule. Pero li Davide muc scolta li filistaetique, yu'un c'alal la stsob sbaic li banquilaletic yu'unique, tsc'an tstaquic batel li Davide, yu'un jech la snopic: “C'alal me xi bat stic' sba ta stojol Saúl li Davide, chisc'ocbutic joltic li Saule”, xiic. 20Li boch'otic ibat xchi'inic li David c'alal te oy ta Siclague ja' Adnas, Jozabad, Jediael, Micael, Jozabad, Eliú, xchi'uc Ziletai. Ja' banquilaletic sventa jujumil soldadoetic yu'unic li boch'otic liquemic ta Manasese. 21Le'e ja' la scoltaic David ta scontrainel li yajcontrataque, yu'un scotolic lec tsots yo'ntonic, xchi'uc ja' banquilal soldado ic'otic. 22Ta jujun c'ac'al yantic laj yich' lec stsatsal li Davide. La stsob sba ep yajsoldadotac; lec xi'bilic scotolic.#Gn 22.2; Jos 5.13-15.
Sc'oplal yajsoldadotac David
23Li boch'otic bat xchi'inic David c'alal te oy ta Hebrón sventa bat stiq'uic ta ajvalilal ta xq'uexol Saúl jech chac c'u cha'al yaloj ono'ox Muc'ul Diose, lec chapalic, lec sna'ic paspleito. Ja' jech yepal ta scotolic: 24Li boch'otic liquemic ta Judae ja' vacmil xchi'uc vaxquib ciento (6,800) viniquetic; yich'oj lec smaquic, slanzaic sventa pleito. 25Li boch'otic liquemic ta Simeone ja' vucmil xchi'uc vo'vinic (7,100) lec tsots yo'ntonic; lec xu' yu'unic pleito. 26Li boch'otic liquemic ta Levie ja' chanmil xchi'uc vaquib ciento (4,600), 27xchi'uc yan oxmil xchi'uc vucub ciento (3,700) yuts' yalaltac Aarón xchi'uc jun banquilal yu'unic, Joiada sbi, 28xchi'uc Sadoc, ja' jun querem lec tsots yo'nton; lec xu' yu'un pleito. Oy chib xcha'vinic ta mil (22,000) xchi'iltac; ja' puru banquilaletic yu'un yuts' yalaltaquic. 29Li boch'otic liquemic ta Benjamín yo' bu liquem sts'unubal ec li Saule ja' no'ox oxmil ibatic, yu'un ep li boch'otic jun yo'ntonic o ta stojol li Saule. 30Li boch'otic liquemic ta Efraine jtob ta mil xchi'uc vaxquib ciento (20,800), lec tsots yo'ntonic; lec sc'oplalic yu'un li yantic yuts' yalaltaquique. 31Li o'lol jchop liquemic ta Manasese ja' vaxaclajunmil (18,000); ja' t'ujbilic batel sventa bat stiq'uic ta ajvalilal ec li Davide. 32Li boch'otic liquemic ta Isacare ja' chib ciento viniquetic, lec bijic. Sna'ic c'usi tsc'an jujun c'ac'al, xchi'uc sna'ic c'usi tsc'an ac'o spasic li israeletique, xchi'uc ja' sventainojic scotol li xchi'iltaquique. 33Li boch'otic liquemic ta Zabulone ja' lajuneb yoxvinic ta mil (50,000) viniquetic chapalic sventa pleito. Yich'oj ep ta chop yabtejebic; scotol yo'ntonic bat scoltaic li Davide. 34Li boch'o liquemic ta Neftalie ja' jmil (1,000) banquilal soldadoetic xchi'uc vuclajuneb xcha'vinic ta mil (37,000) yich'oj lec smaquic xchi'uc slanzaic. 35Li boch'o liquemic ta Dane ja' vaxquib xcha'vinic ta mil (28,600) xchi'uc vaquib ciento lec chapalic sventa pleito. 36Li boch'o liquemic ta Asere ja' cha'vinic ta mil (40,000) lec chapalic sventa pleito noxtoc. 37Li boch'otic liquemic ta Rubén, ta Gad xchi'uc ta o'lol jchop yu'un Manasés ti te nacajtic ta jot uc'um Jordane ja' vacvinic ta mil (120,000) viniquetic. Oy ep ta chop yabtejebic sventa pleito.
38Scotolic le'e ja' mero jpaspleitoetic, lec xu' yu'unic. Scotol yo'ntonic ibatic ta Hebrón, bat stiq'uic ta ajvalilal ta sventa scotol israeletic li Davide. Scotol li yantic xchi'iltaquic ta israelale, jech yo'ntonic o ec ti ja' chcom ta ajvalilal li Davide. 39Oxib c'ac'al te la xchi'inic li Davide. Te ive'ic; i'uch'bajic, yu'un lec xa'ox chapal yu'unic li yan xchi'iltaquique. 40Li boch'otic te nopol nacajtique, c'alal ta yalab xnich'nab Isacar, Zabulón, Neftalí, laj yich'ic batel ep ve'liletic ta buroetic, ta camelloetic, ta mulaetic, xchi'uc ta vacaxetic. Ep c'usitic laj yich'ic batel: arinaetic, pan pasbil ta higo, taqui sat ts'usub, ya'lel ts'usub, aceite, tot vacaxetic xchi'uc chijetic. Ep c'usi laj yich'ic batel, yu'un toj xcuxet no'ox yo'ntonic li boch'otic te nacajtic ta Israele.
Currently Selected:
1 Crónicas 12: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.