Tite 1
1
Mibèchò. Achakole edyalele yango badikichi ba Nzambe tadyala o ebuliki.
1Paul, mochali ma Nzambe n’apôtre de Jésus, Christ atindibaki tonga n’ikiela mochalo m’èchingane ma bato ba Nzambe bochònga, na bolèngi ba nènè, yango edi o bonyòngò ba Nzambe,
2atindibaki tonga n’ichen’a bomwè butenela edi bwango Nzambe, koncha wango edi oyicha bokiele bwanya ka, alakaki o wango abach’otula che ka.
3O bobiko bwango wango achòlòki, wango adikizaki nga mawò ma wango, mango madi na nga, tonga n’ichakola bato miyeko ma Nzambe, Mobil’a beni,
4nga, Paul, nga bèche Tite, mwan’a bole a nga tonga n’èchingane ko yò. Tika grâce na phi ephèbè na kò ebati a Nzambe, Chango, na Jésus Christ, Mobil’a bèni.
5Nga tikaki kò o Crète, echoko ko tolòngele beka byango biwulaki yango, na tonga n’ichòlò babateli o mamboka o mamboka, ko nga tindaki kò bona,
6mo moto mò adi n’iwò twa, adyale na mwachi ko mò phencha, n’adyale na bana bango badi n’èchingane, badi odyala na kuma ebè ka, tadyalake n’iwokake.
7Kobona mobateli èbuliki a Nzambe tadyalake n’iwò nyò dyò, ko edyalele yango mobateli a Nzambe tadyala bona: tadingake nchoto a wikoncha, tadyalake n’ibèli, tadyalake na phocha malèku, tadyalake na phocha bonchanga, tadyalake na chululu a mbongo,
8wango ayambaka babutu na moni, adyalaka na chululu a beka binyòngò bichò, adyalaka na motema ma bophomu, na monyèki, n’èchwa n’adyale na nguli ikiènga nchoto a wi koncha.
9Okiekaka n’ikièngu na mawò ma ngingi ko wango ayekolaki mango bona, echoko wango ayiche boteye bato n’iyekol’a nènè yango, n’adimize bakoncha bango badi na bobetinya.
10Bato bakama badi, bango badi odinga bakomandi ka, bango badi na mawò m’iphwa, na bachukwize bato n’ichena, tètè bakoncha bango badi n’èchingane a bakubi ba bato,
11k’òdi n’iwò idipha mina ma bango, tonga bango bachekole mangomba makama, badikize beka byango bidi odyala binyèki ka, tonga na chululu a mbongo.
12Moto mò o phanyak’a bango, mobandi ma bango alobaki bwe: ”Be Crète badi bato ba bwanya, kokoko, banyama babè, mye ma bimèmè.”
13Iwò dyango idi nènè. Kobona ochèkizaka bango kot’èchèkize, echoko bango badyale n’èchingane a nènè yango,
14ta bango bachingana bikoko ba bajuif na miyeko ma bato, bango babwake mabèkè o nch’a nènè.
15Beka bichò bidi cheche na bakoncha bango badi cheche, ko, bakoncha bango badi na mbindo echingane twa, eyeka nyò yò a bango edi odyala cheche ka; iwò akbwi, biyaye ba bango na baconscience ba bango badi na mbindo.
16Bango bachakole na mina ma bango bwe, bango bayebe Nzambe, ko, matoma ma bango matate wango, tonga bango badi na ngièngèli, bato b’iwokake, babidyobo o beka binyòngò bichò.
Currently Selected:
Tite 1: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
