Baromain 3
3
Ilakako a Nzambe edi tonga na bajuif nòdyò.
1Bajuif badi na botuki tonga na bokubibe onde?
2He, bwango bodi bonè o beka bichò, bocho edi tonga Nzambe achingizaki bango na malakako ma wango.
3Iwo twa mo bana baninga babochingana ka. Iphomuny’a bango iyiche bodyobize etungu a Nzambe?
4Nyè. Mo bato bachò badi bè bwanya, Nzambe adi ko mwè nènè, ko bakòtèki bona: ”Echoko kò tòdyala mochwaki o beka ba kò bichò, okomo k’òchambibe botòtè yango.”
5Edyalele edi kobona, mo machuma ma bèni mayènize echw’a Nzambe, kobona bèni tòloba bwe nde? Okomo Nzambe atinde ichèbo a ibèli a wango, owana wango adi na machuma? (Nga lobe kinòwa ko nga lobaki mo ebèki moto bona.)
6Nyè. Mo ebèki kobona, owana Nzambe tayicha bochambiche botòtè bwe?
7Mo bwanya ba nga bokatize nènè a Nzambe na botochibe ba wango, nga tachambiba ko mwè machuma bona bwe, mbekende?
8Bana baninga babèchè banga na batange banga, banga bolobe bwe: O beka binyòngò biyènènè tonga na machuma, kobona banga tòtika enongo ikiela mango, mbekende? balobe dyòkò bwe, ye edi iyekola banga. Na bango tachambiba botòtè bwango bodi bonyèki na bango.
9Kobona bwe? Banga boleki bana bato bonyòngò? Twa, nyè. Nga bichil’ophunde nà bajuif nà bagrec bocho bwe, bacho badyale o cha machuma.
10Bakòtèki nà bwe: ”Moto nyò mò adi èchwa twa, nyè.
11Moto nyò mò adi bolengi twa, edi moto nyò mò iyenga Nzambe twa.”
12Bato bachò babilengwa, bato bachò babidyòbò, edi moto nyò mò ikiela beka binyòngò twa, nyò mo twa.
13Mangonga ma bango madi madiphwaki ko ndemb’a phololo bona, malemu ma bango machukwize baninga n’ichena. Bibèbu ba bango bidi ko matè ma phele bona.
14Mina ma bango mitonde na mikindo na mawò ma bololo.
15Makolo ma bango madi na boyaya onch’iyè tubiza malongo (ma bato).
16Ibomi n’iphanu bidi onch’a bango.
17Na bango badi o yeba manè ma phi ka.
18Na bango badi bobo ba Nzambe twa.
19Banga boyebe kinòwa bwe, dyombo a miyeko midi na bakoncha bango badi na myango, echoko muna ma moto ikika tòdiphama yango, na ch’èchò tedyala na botongi o bocho ba Nzambe,
20tonga na matoma ma miyeko madi onyèza bato o bocho ba Nzambe ka, ko, miyeko miphanuze machuma.
21Ko, kinowa echw’a Nzambe iyenènè yango koncha odya na miyeko ka, echwa yango ebimwanywiba na miyeko na mibandi,
22echw’a Nzambe n’èchingane o cha Jésus Christ na bakoncha bango bachingane bachò, kachelanga edi o yango twa.
23Tonga bachò babikiela machuma, na badi botochibe ba Nzambe twa.
24Ko, wango anyèzè bango bwabona, tonga na gràce a wango o ch’ichungiba a Jésus Christ.
25Koncha wango Nzambe achukielaki ko mokotichi a bakoncha bango bachingane malongo ma wango bona. Wango anèkizaki bato bango bakielaki machuma bocho kobona, tonga n’idikiza echw’a wango.
26He, wango adingaki bodikize bwe, wango adi Mwè echwa. Na o ch’èdyalele yango wango adi n’èchwa, nà bakoncha bango bachingane Jésus badi n’èchwa.
27Kobona banga bodi n’èyeka yango banga tochacha nchoto kombo nda? Nyò yò twa. Nyò na miyeko miphè? Iyò nyò na matoma ma miyeko? Twa nyè, ko n’èechingane a miyeko.
28Ko, tonga banga bochingane moto adi monyèki tonga n’èchingane, odya na matoma m’èchingane ka.
29Nzambe edi mò Nzambe a bajuif phencha? Wango adi odyala na Nzambe a bapaïen ka? He, wango adi na Nzambe a bapaïen,
30ko nènè edi bona Nzambe edi ko mò phencha, ko wango anyèze bakubibe o ch’èchingane bona, tanyèza nà miphièphiè elenge ko yango o ch’èchingane.
31Kobona banga bomiche miyeko tonga n’èchingane? Twa nyè, banga bonènize miyeko.
Currently Selected:
Baromain 3: BUI1947
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
Baromain 3
3
Ilakako a Nzambe edi tonga na bajuif nòdyò.
1Bajuif badi na botuki tonga na bokubibe onde?
2He, bwango bodi bonè o beka bichò, bocho edi tonga Nzambe achingizaki bango na malakako ma wango.
3Iwo twa mo bana baninga babochingana ka. Iphomuny’a bango iyiche bodyobize etungu a Nzambe?
4Nyè. Mo bato bachò badi bè bwanya, Nzambe adi ko mwè nènè, ko bakòtèki bona: ”Echoko kò tòdyala mochwaki o beka ba kò bichò, okomo k’òchambibe botòtè yango.”
5Edyalele edi kobona, mo machuma ma bèni mayènize echw’a Nzambe, kobona bèni tòloba bwe nde? Okomo Nzambe atinde ichèbo a ibèli a wango, owana wango adi na machuma? (Nga lobe kinòwa ko nga lobaki mo ebèki moto bona.)
6Nyè. Mo ebèki kobona, owana Nzambe tayicha bochambiche botòtè bwe?
7Mo bwanya ba nga bokatize nènè a Nzambe na botochibe ba wango, nga tachambiba ko mwè machuma bona bwe, mbekende?
8Bana baninga babèchè banga na batange banga, banga bolobe bwe: O beka binyòngò biyènènè tonga na machuma, kobona banga tòtika enongo ikiela mango, mbekende? balobe dyòkò bwe, ye edi iyekola banga. Na bango tachambiba botòtè bwango bodi bonyèki na bango.
9Kobona bwe? Banga boleki bana bato bonyòngò? Twa, nyè. Nga bichil’ophunde nà bajuif nà bagrec bocho bwe, bacho badyale o cha machuma.
10Bakòtèki nà bwe: ”Moto nyò mò adi èchwa twa, nyè.
11Moto nyò mò adi bolengi twa, edi moto nyò mò iyenga Nzambe twa.”
12Bato bachò babilengwa, bato bachò babidyòbò, edi moto nyò mò ikiela beka binyòngò twa, nyò mo twa.
13Mangonga ma bango madi madiphwaki ko ndemb’a phololo bona, malemu ma bango machukwize baninga n’ichena. Bibèbu ba bango bidi ko matè ma phele bona.
14Mina ma bango mitonde na mikindo na mawò ma bololo.
15Makolo ma bango madi na boyaya onch’iyè tubiza malongo (ma bato).
16Ibomi n’iphanu bidi onch’a bango.
17Na bango badi o yeba manè ma phi ka.
18Na bango badi bobo ba Nzambe twa.
19Banga boyebe kinòwa bwe, dyombo a miyeko midi na bakoncha bango badi na myango, echoko muna ma moto ikika tòdiphama yango, na ch’èchò tedyala na botongi o bocho ba Nzambe,
20tonga na matoma ma miyeko madi onyèza bato o bocho ba Nzambe ka, ko, miyeko miphanuze machuma.
21Ko, kinowa echw’a Nzambe iyenènè yango koncha odya na miyeko ka, echwa yango ebimwanywiba na miyeko na mibandi,
22echw’a Nzambe n’èchingane o cha Jésus Christ na bakoncha bango bachingane bachò, kachelanga edi o yango twa.
23Tonga bachò babikiela machuma, na badi botochibe ba Nzambe twa.
24Ko, wango anyèzè bango bwabona, tonga na gràce a wango o ch’ichungiba a Jésus Christ.
25Koncha wango Nzambe achukielaki ko mokotichi a bakoncha bango bachingane malongo ma wango bona. Wango anèkizaki bato bango bakielaki machuma bocho kobona, tonga n’idikiza echw’a wango.
26He, wango adingaki bodikize bwe, wango adi Mwè echwa. Na o ch’èdyalele yango wango adi n’èchwa, nà bakoncha bango bachingane Jésus badi n’èchwa.
27Kobona banga bodi n’èyeka yango banga tochacha nchoto kombo nda? Nyò yò twa. Nyò na miyeko miphè? Iyò nyò na matoma ma miyeko? Twa nyè, ko n’èechingane a miyeko.
28Ko, tonga banga bochingane moto adi monyèki tonga n’èchingane, odya na matoma m’èchingane ka.
29Nzambe edi mò Nzambe a bajuif phencha? Wango adi odyala na Nzambe a bapaïen ka? He, wango adi na Nzambe a bapaïen,
30ko nènè edi bona Nzambe edi ko mò phencha, ko wango anyèze bakubibe o ch’èchingane bona, tanyèza nà miphièphiè elenge ko yango o ch’èchingane.
31Kobona banga bomiche miyeko tonga n’èchingane? Twa nyè, banga bonènize miyeko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).